الشاب الروش خرج هو صحبه اتعلموا يا رجاله الاشتغالات

[mayo77]

خروجه شباب جامده
اولا ازيكم ياشباب والبنات طبعا
انا قولت النهارده ولاول مرة هعملكم موضوع عن الشباب
بمعنى اصح خروجه الشباب مع بعض وطريقه كلامهم وبيعملو ايه كمان
وياااااااارب تعجبكم ومحدش يخرج من غير مايرد والا

اولا السنة دراسية 8 شهور


طوووووول السنة بطيخ


اخر شهر بس هو اللى مذاكرة


و خش ع الامتحانات


و يوم الامتحان يهان المرء او يهان




ييجى الصيف


الأجازة


الحرية


الفراغ


النوم طول النهار والسهر طول الليل


العربدة


و العربدة تحلى مع الشلة


العواطلية
***

ويدور الحوار بينهم كالاتى اتفرجو يا رجالــــ الكافيه ــــه
مع مايو الجامد مش هتقدر تحرك رجليك ههههههه


بررررم بررررررم
برررررررم بررررررررررم


-الوووو.. مين


-انت صحيت يا حيوان


-عايز ايه يا سى زفت؟ بتصحينى ليه؟


-صحى الموت ياخويا.. قوم يا عم الجثة الساعة داخلة على 4


-ايه؟؟ 4 الفجر؟؟


-لا طبعا العصر يا نانوس عين مامته.. هو احنا بنصحى قبل كده يا خفيف


العصر وبتصحينى يا جزمة ومن غير رباط.. اقفل بدل ما اصب عليك اللعنات وسيبنى انام 4


-بس اسمع بس يا بوز الإخص انت.. دانا محضرلك بروجرااااام للخروج انهارضة.. انما ايه.. ميخرش المية..


-ميخرش المية؟ قول يا عم الطشط


-شوف يا سيدى.. اولا هنطلع على حتة كافيه فى المعادى لسه فاتح جديد
انما ايه جامد طحن فحت رزع ضرب


هو المينيمام 55 جندى ( 55 جنيه يعنى ) معلش انا عارف انه غالى شوية بس اييييييه مش هتصدق عندهم شيشة بجميع انواع الفاكهة الصيفية والشتوية والربيعية والخريفية والدقهلية وشك فى الحيط وقفاك ليا


-ايوة بس ده مبلغ وقدره.. هنجيبه منين يا سبع البرومبه


-متخاااافش عااااااااامل حسابى.. مانا هاكلم الوالا تامر الفنجرى بق ابن الغنية ده اللى خرج معانا المرة الفاتت
و نبرشط عالواد.. مش بقولك بروجورام ميخرش المية.. نياااااااهاهاهاها.. نياااااااااهاهاها


-خلاص يا عم العفريت خرمتلى ودنى بالضحكة الحمارة بتاعتك دى
طب ومين تانى هييجى


-استنى بس اكملك البروجوورام.. هنطلع م الكافيه ع الساعة 12 كده


-هنطلع طبعا مش شايفين قدامنا والدخان طالع من وداننا


-ماتخاااااافش عااااامل حسابى.. انا بقى عارف الجو ده طالبة معاه ايه.. أحدث أفلام الوالا سعد الصغنـن "لخمة راس"


فيلم هااااااااايل هندخله حفلة ميدنايط..


-طب والاكل يا عم البروجراامر


-متخااااااافش والله عاااااااامل حسابى.. هنطلع من الفيلم جاعنين طبعا.. وفيه مننا اللى رجع وجاب اللى فى بطنه فى الكافيه وفيه اللى رجع فى السيما
بس احنا لسه طالعين من " لخمة راس " يبقى لاااازم ناكل لحمة راااس
هنطلع على عم عبده تلوث ندب الأكلة التماااااام
مش بقولك عامل حسابى... نيااااااااااااااااااااااا ااها..


-خلاص خلاص طب وبعد ما ناكل ونرجع اللى كلناه هنعمل ايه يا فكيك؟


-عيب يا شقيق عيب يا مان عيب يا كوتش عيب يا كوبلن.. ودى تفوتنى بردو


هنعمل الحاجة اللى لا تخلو منها اى خروجة شبابية تكون تماموووز.. هنطلع على أى موووول نتلطع قدام البوابة نعاكس فى مخاليق ربنا
و يمكن ربنا يكرمنا ونختم اليوم اللظيظ ده بخناقه


-طيب كلم باقيت الاوغاد بقى وقلهم يبقوا يجيبوا بطايقهم معاهم عشان احتمال نبات فى القسم الليلة دى


-اكلم مين يا منيل انت.. العيال مترصصة ع القهوة مستنين اما اصحيك ياللا قوم يا مدهول على عينك


-طب بقولك ايه.. عايز اسالك على حاجة من اول المكالمة


هو مين معايا؟


-ايه الخفة دى؟احنا هنهظر ولا ايه؟ انا عمك وتاج راسك ياض


-عمى ايه انا ابويا مالوش اخوات ولاد..


-انت هتقوم ولا اجيلك البيت اقرفك فى عيشتك؟


-لا لا متجيش انت عارف ان امى مش بتطيق تسمع سيرتك


-مانا عارف, ماهو امى انا كمان مباتطقش تسمع سيرتى..


المهم خلص بقى وانجز




و كل يوم على كده لحد ما الاجازة تخلص


و الدراسة تدخل.. والبطيخ يشتغل


و تيجى الاجازة اللى وراها وهلوما جرجر



و لا حياة لمن تنادى

ها ايه رايكم يالا قولو طبعا عسسسسسسسسسسل
هههههههههه

[x×x 7o0odA x×x]

عسسسسسسسسسسسسسسسسسسسسسل
تسلم ايدك يا مايو

[mahran300]

تسلم ايدك يا ماااااااااااااااااااااااا اااااااااااااااااايوو

[mayo77]

مفيش شباب هنا
ولا ايه