وحشتوووني+ امن بلدي بالزبده الفلاحي

[SCREEM]

وحشتوني جدا واسف لعدم دخولي الفتره الي فاتت طبعا كتير منككم عارف الظروف اتمني يكون الجميع بخير بدون استثناء..



اانا مكنتش متابع الفتره الي فاتت قوي بحكم الظروف لكن لفت نظري النهارده وانا بتفرج ع التلفزيون ان بكرا العصيان المدني الغريبه اني شفت انهم بيتكلمو عن بكرا كانه شم النسيم مثلايعني يوم لذيذ وزي الفل ماشي

حتي بتكلم مع محمود صاحبي بقوله هتنزل الشغل بكرا قالي ياعم بكرا في اضراب خلينا ننام ف البيت شويه في ناس واخده مبدا انها مش هتنزل عشان بكرا اجازه شعب استحاله تلاقي زيه ف الدنيا .


لفت نظري وانا بتفرج هجوم كميه كبيره من الاشخاص تحت مسمي الناشط السياسي حتي انا قلت ناقص اشوفهم ف الاعلانات

الجوهرة تلي شوب متعه الاختيار والتسوق
الجوهره بتقدملك عرض الشتا الجبار
الناشط السياسي

الناشط السياسي بيتكلم خمسين كلمه ف الدقيقه يعني هيسليكي وانتي بتعملي شغل البيت

الناشط السيياسي مزود ببرنامج الحزن الوطني الي مليان شتايم عن اخوانا اياهم ده غير خاصيه الفللوول والاجندات
ومفاجاه عرض الجوهره تلي شوب لاول 15 متصل اتصل دلوقتي لتحصل علي اشتراك في اي ائتلاف تختاره + اجنده شهريه محدد فيها اوقات المظاهرات والاعتصامات لكل شهر يعني متتعبش نفسك
سعر الشحن ثابت اينما كنت



ملحوظة. في نشطاء كتير انا بحترمهم وبقدرهم طبعا هما مش مقصودين بكلامي السابق لكن في بعض الاشخاص ابتدو يظهرو وبيدعو لحجات غريبه تحت مسمي الحريه والديمقراطيه وللاسف بيندرجو تحت اسم ناشط سياسي ارجو ان الناس تقدر تفسر كلامي ومتفهمش غلط


مش تبقي تيجي انتي مبتجيش ليه .
مجلس الشعب بتاعنا بسم الله ماشاء الله حاجه تفرح كل ما افتح الاقي خناقه بس بالامانه من يومين شفت في نائب زعل عشان دوره اتاخره ف رئيس المجلس بعتله بونبونايه هديه ع الهوا مش عارف بكرا لو نائب خد علي خاطره رئيس المجلس هيجيبله ايه دكر بط وعجبي


احداث بورسعيد المؤسفه والي راح ضحيتها اكتر من 70 شهيد والمنظر المؤسف للداخليه والامن
امن بلدي بالزبده الفلاحي
صعب جدا حد يسامح الناس دي وهيا واقفه وكان لسان حالهم بيقول وانامالي الموضوع ده محتاج مواضيع عشان اتكلم فيه مش سطرين لكن لابد من القصاص لارواح هؤلاء الاشخاص.وان شاء الله حقهم هيرجع




وانا بكتب الموضوع ده الكهربا قطعت 8 مرات ودي اكيد حاجه مقصوده وانا بتهم اجندات خاارجيه بالوقوف ورا الموضوع ده

بقلمي واستيكيتي ومسطرتي زي ما تقول قول
اقعدو بالعافيه..

[♥بـونـبـونـايـه سـكـره♥]

[IMG]http://im13.***********/2012-08-04/1344091604911.gif[/IMG]

[IMG]http://im24.***********/2012-08-04/1344092027161.gif[/IMG]

اولا نورت المنتدى من تانى
لعل يكون المانع خير
ومش تنقطع عن المنتدى تانى

ثانيا موضوعك جميل اووووووووى
انا مش بتكلم فى السياسيه كتير بس الموضوع حلو
وربنا يارب يحفظ مصر يارب من كل شر
والسلام عليكم ورحمة الله وبركاته

[IMG]http://im13.***********/2012-08-04/1344091604512.gif[/IMG]