كل لحظة تمر عليكي وانتي يامصر طيبة

[عصام الدين محمد]

كل لحظة تمر عليكي


وانتي يامصر طيبة


أبوس ترابك أبوس إديكي

ودايما من قلبي قريبة

إنتي أمي وأنا أبقي إبنك


أطلبي روحي تلاقيني ملكك

ياساكنه روحي وجوة قلبي

لو نادتيني أجري وألبي

نيلك بيجري ف شرياني

لو قلتي آه قلبي يعاني

علمتيني أحب الغير

وعمري ماكون ف لحظة أناني

عشان كدة أنا ليكي فدا

ما اقبلش يدوس أرضك عدا

وأدفع روحي وحياتي تهون

وتعيشي نجمة في أعلي سما

ترابك من عضم الجدود

حبك ف قلبي مالوش حدود

غمرني عطفك وحنانك

وعمري ما شفت منك صدود

غيري غشك يضحك ف وشك

ويقتل ولادك من ورا ضهرك

سرق خيرك وعطاه لغيرك

وإديه متلوثة بدم ولادك ودمك

لكن باقي ولادك حبايبك

كانوا في نن العين شايلينك

قام تعبهم وقام سجنهم

لاجل ما تخليله بملايينك

وف يوم طلعوا حبايبك االمظلومين


حطموا بوابة الخوف اللي منعتهم سنين

قالوا الغالية لازم تتحرر

واحنا ولادها واحنا نقرر

فتح الظالم ناره عليهم

قتل فيهم وعمي عنيهم

لكن العزم كان مالي قلوبهم

هانت أرواحهم ونور عيونهم

لاجل تعيشي يابلدي أميرة
وسط إخواتك إنتي الكبيرة


تلميهم تاني حواليكي

وتشبكي بإديهم إديكي

م انتي بالقيادة جديرة


وطول عمرك يامصر كبيرة

*******************

من خواطر عصام قمر

[حرف مشتعل]

النفوس الكبيرة
كالبحار العميقة
تبقى أعماقها
مستقرة
هادئة
مهما اشتدت
الزوابع من حولها
هكذا مصرنا

فاضلى
كلماتك كنور شمس
أبت إلا ان تترك بصمتها
داخل النفس

[عصام الدين محمد]

أختي الغالية حرف مشتعل
وجودك علي صفحتي يثريها بأجمل الكلمات والأحاسيس .... لا حرمنا من طلتك ياغالية
اخوكي عصام قمر