إكتبله ياقلم باللي جوايا وبوح كلمات عصام قمر

[عصام الدين محمد]

إكتبله ياقلم باللي جوايا وبوح


عن قلبي اللي إنظلم وعاش حزين مجروح


وإسأله ليه ظلمنا؟! وليه خان هوانا؟!

وإحنا اللي عشانه تعبنا وهانت علينا الروح

فكره باللي فات وأحكيله الذكريات

وإزاي كنا بنديله ولا يوم قلناله هات

وإسأله أيه اللي نابه؟ وليه يضيع شبابه؟

مع ناس ميقدروش معني للتضحيات

وقوله بكرة هيندم وهيعرف معني هوانا

لما اللي إختاره يبيعه ويدوق طعم الخيانة


وساعتها اللي انت زرعته مش راح تجني غيره


قسوة وجراح وألم .. مش ده زرعك جوانا


****************

من خواطر عصام قمر

[حرف مشتعل]

راقت لي تلك الحروف^
آبدعت أخي الكريم.

[عصام الدين محمد]

أختي الغالية حرف مشتعل
وجودك علي صفحتي يثريها بأجمل الكلمات والأحاسيس .... لا حرمنا من طلتك ياغالية
اخوكي عصام قمر