المصريين فى الغربه

[omaro]

كلنا عارفين المثل اللى بيقول الغربه مره لكن مين فينا جربها
انا بطلب من كل عضو من اعضاء المنتدى سواء كان جرب الغربه او ان الله العلى القدير لم يكتب له ان يمر بهذه التجربه الاليمه ان يكتب فى هذا الموضوع ويقول كان هيشعر بأيه لو انه فجأه اصبح فى بلد غريب وبعيد عن بلده وبعيد عن اصدقائه واصبح فى طى النسيان
ومحدش يقول انه اللى متغرب متغرب بمزاجه

[omaro]

والله العظيم زعلتونى منكم جدا بقى انا اطرح عليكم موضوع جديد للنقاش ومحدش يشارك حتى برأيه على العموم شكرا لكل اعضاء مصراوى

[jewel_lowis]

طبعا احساس فظيع اكيد
مش عاوزه كلام

[ROSE WHISPER]

اسفه كتير اخى لكن انت قلت للمصريين وانا ما حبيت اتطفل
لكن لو بدك بشكل عام فالغربه صعبه كتير ومتعبه للنغترب ولاهله وولاده حتى لو فيها فلوس بتبقى صعبه

[crazygirl]

بجد تسلم يا عمر ع الموضوع الحلو ده

وبجد الغربة ديه حاجة صعبة جدا بجد علينا وانا طبعا مجرباها يعنى اصعب حاجة انك متكنش عايش فى وسط اهلك وناسك اللى عرفهم

وكمان بالذات فى المناسبات زى الاعياد ورمضان بجد الواحد بيبقى مقهور اوووووووووى

بصراحة انا اللى بيضيقنى لما حد يكون عايش فى مصر ويجى يقولى يا بختك اترحمتى منها بجد ببقى عايزة اخنقها وتقولى انتى ايه اللى عجبك فيها


اقول ايه بقى نصيب قلبت علينا المواجع يا عمر يلا معلش بقى

[طيف عابر]

اكيد لولا ظروف الانسان عمره ما بيختار الغربه لانها تعب وارهاق جسمي ونفسي وعمر الغربه ما كانت متعه
وراحه لانها بهدف تأمين المستقبل فقط مش اكتر وطبعا الموضوع يطول فيه النقاش
تسلم يا رب
مشكور جدا

[omaro]

شكرا كتير يا داليا على المشاركه الظريفه منك وانا مكنش قصدى المصريين على وجه الخصوص لكن كل اللى جرب الغربه من كل الاخوه والاخوات اعضاء مصراوى انهم يشاركوا معانا فى اى موضوع وكفايه ان احنا عرب ذى بعض ولا انت عايزانا نكون مختلفين حتى فى مصراوى ونعمل ذى الناس التانيين اللى عمرهم ما اتفقوا الا على انهم ما يتفقوش ابدا
وانا اسف ان كنت غلط وكتبت المصريين ارجوكى اعتبريها سهو
وانا اتمنى المشاركه منك مره اخرى ( منتظرك بصفتك اخت عربيه من اعضاء مصراوى )

[ساندرا]

شكرا كتير اخى عمر وعن جد انو الغربه مرار وتعب عالجسم والنفس وبعد عن الاهل والوطن وتتحمل كلشى
ما بجبرك عالمر الا الامر منو
جزاك الله خيرا اخى

[omaro]

شكرا ليكى يا بنت الاسلام على مشاركتك الرقيقه وعلى مرورك الجميل انتى مش عارفه مرورك انتى او اى حد من الاخوه فى المنتدى بيسعدنى وبيخفف على قد ايه شكرا مرة تانى واتمنى التواصل بكل الاعضاء دائما .

[MR.Mahmoud]

فعلا الغربه صعبه جدا على الشخص وعلى اهله و اولاده واصحابه وكل من حوله
وامر لحظه هى لحظه الاشتياق وهو فى الغربه
ولاكن سعات الظروف بتحكم الانسان على تصرف هو مش عايزه
وسعات كمان الانسان بيسافر لتحقيق هدف هو مصمم انو يحققو وشايف ان ده طريق حياتو ومستقبلو ساعتها صعب اى حد يمنعو او يوجهو لانو مصمم على طريقو
الف شكر يا غالى للسؤال المميز
تسلم ايدك