فنجان القهوه و قطعة الشيكولاته

[sheren19]

فنجان القهوه و قطعة الشيكولاته



فنجان القهوه و قطعة الشيكولاته


من أجمل و أصعب الأهداف اللي بيحطها الأنسان و يسعى لتحقيقها هدف الوصول لنصه التاني وده طبعا لانه مرتبط ارتباط وثيق بالسعادة و التعاسة, يعني لو ربنا انعم على الأنسان بتحقيق الهدف ده بنجاح وهو قدر قيمة النعمه اللي ربنا انعم عليه بيها يبقى هيعيش حياته بسعادة لكن لو دة محصلش او حصل و مقدرش هو او هي قيمة النعمة دي يبقى انكتب عليه التعاسة و عدم الرضى.

وتفرق كتير كلمة النص التاني عن كلمة الطرف التاني ,لأن النص التاني يعني الجزء اللي بيكملك و يوصلك أحساس الكمال ,الثقة والرضى .أما الطرف التاني هو الطرف اللي بيشاركك لكن مش من الضروري انه يكملك او يرضيك تمام الرضى ومش بالضروري يكون معاك في كل مكان و كل موقف وكل لحظة حزن أو لحظة سعادة , لحظة نجاح او لحظة فشل ,ضحكة او دمعة, أزمة أو فرج , فرح أو جنازة . يعني هو ممكن يحضر معاك بعض اللحظات بس مش بالضروري كلها اما النص التاني مينفعش نستغنى عنه يعني تخيلوا مثلا ممكن انك تسافر في مكان بأيد و رجل وودان و نص فم و تسيب الباقي في البيت طبعا لأ.



وعايز تعرف أهمية النص التاني أقسم نفسك نصين سواء بشكل أفقي أو رأسي وبص على نفسك في في المرايه هتلقى انه مستحيل انك تستوعب شكلك و ان الجزء اللي مش موجود مهم جدا .افقي او رأسي ميفرقش لانه في كل الاحوال مينفعش نعيش من غير النص التاني .



لكن أمتى بيحس الراجل ان طرفة التاني هو نصه التاني اللي مينفعش يعيش من غيره؟….. ببساطة بيحس الأحساس ده لما يكون نصة التاني اللي بيكملة شبه فنجان القهوة .السيدات هتستغرب و تنزعج و تقول يااا مفيش حاجة احسن من فنجان القهوة شويه كمان مش بالضروري ان كل الرجاله تحب تشرب القهوه .



معلش اعذوروني علشان لونها غامق بس هوضح فكرتي انا مقصدش القهوه كشكل انا اقصد القهوه كمضمون,أقصد الأحساس الي بيوصلة فنجان القهوه للأنسان . يعني ان الراجل يحس ان نصه التاني بتخليه يركزأكتر في شغله و بتصحصحه,بتنبهة لحاجات مش متنبه ليها , بتديه طاقة علشان يجتهد , شعور بالتوازن والأتزان و تخليه قادر يفكر بذهن صافي مالأخر بتحركة علشان ترفعه ميقدرش ياخد قرار مصيري الا بعد مايشربها(يكلمها) ويضبط دماغه وكمان بعد ما يشربها و يستمتع بيها و يخلصها لو بص فيها يقرا او يشوف مستقبلة .



كده يبقى فعلا دي النص التاني اللي بيكملة ,اللي مينفعش يستغنى عنه . وان عدى يوم من غير ميشرب قهوته اويتواصل معها (نصه التاني) يحس ان اليوم كله مضروب وان في شيء نقصه.



اما السيدات يبقى طرفها التاني هو نصها التاني لما تحس انه شبه حتت الشيكولاته ,بيخليها مبسوطة و سعيدة و مقبله على الحياة , بيشجعها و يديها طاقة علشان تبذل اي مجهود ,بيخليها تركز أكتر في تفاصيل حياتها ,بيديها شعور بالنشاط واما تحس انها ذهقانة و مخنوقة تلجأ لها او تلجأله (نصها التاني ) وهو يغير شعورها ده بحاله جميلة حتى لو كانت حاله مؤقته من السعاده .



ولو اتعودت على فنجان القهوه او قطعة الشيكولاته , بيقلب بأدمان . لكنه ادمان مشروع لانه شعور جميل انك تدمن نصك التاني ,متقدرش تبعد عنه ,بتحبه في كل حالاته وفي كل ازماته و تقلباته . بدور عليه لو مش معاك .تحب تسمع صوته لو بعيد عنك وفي وقت الضعف تحس بأحتياجك ليه .وطبعا هتختلف معاه بس حتى لو اختلفت معه فاختلافك معاه لا يفسد للود بينكم قضية وديما هتحس انك محتاج فنجان القهوه او تحسي انك محتاجه قطعة الشيكولاته

[محمد أبراهيم]

من
المجهول الى
الأحلام
ومن النور يختفي
الظلام
على مسارح
المستحيل
وعلى شرفاتك طل منها أجمل
كلام
الراقيه....
شيرين..........}
همس صادق معطر
جميل
وهكذا الروح عندما
تكون نقيه
ياتي السطر ليكون
اصيل
اعلم اني مقصر معكِ
بالرد
ولكن لاادري فقلمي
احيانا
مثل الناس يصاب
بالبرد
ولكن تبقى مواضيعك
ممتازة
فنصفها جد
والاخر رائع يفوق
الحد
فهاهي شيرين
فراشة مصراوى
في ليلة قمراء منيره
بكلماتها الساحره المثيره
برقتها بجمالها بمشاعرها
الاثيره
همسات دافئه في سكون
الليل
لكنها حملت معاني كبيره
فشكرا على صفحات النقاء
والعطاء
على اغناء المساحات بعد ان كانت
فقيره
فعطر تواجدك وحده يكفينا
يحثنا على مواصلة المسيره
فانت كما انت تبقي حروفك راقيه
جميله
ويبقى قلمكِ يعشق الجمال
ويغذيه
بنفس الروح وبنفس الوتيره
دمت راقيه
مودتى

[بك أستجير فمن يجير سواك]

مازل فنجانى بنتظرك
يارائعه
احساس راقى مثلك حبيبتى
اسعد الله قلبك وعمرك
تحياتى مودتى