خواطر متناثره(موضوع متجدد)

[محسن البدراوى]

قبل الثوره

حد فاهم اى حاجه
ف اى حاجه
الحقيقه يابن عمى
تهنا ف سنين البلاده
وفرقونا وزوقونا
وعظمونا بالسذاجه
جهلونا ما علومونا
وداسو فوق راس ابونا
ونهبوا خيرنا ما ورثونا
والوسيه حكموها لحراميه
... والاخوه تموت بقوه
ولو هتفنا بيجلدونا
فيه حقايق ...يكدبونا
طاب هنصرخ
لو صرخنا بيدبحونا
وف السجون بيعلقونا
لو طالبنا يهمشونا
لو ضحكنا يعيطونا
لو فرحنا يحزونونا
ونفسهم يامريكونا
بس ننسى الالتزام
زرعو حقد الدنيا بينا مفيش وءام
خلو كل حيتنا جرى ورا الرغيف
واللى صابر كان بيصبر بالحشيش
دسو سم الموت معتق
وبالنخاسه باعو لحمى بالرخيص
اصلهم استكتروها
نومتى عارى ع الرصيف
هما بدعو فينا فن
من السفاله
والتياسه
هما زرعو ارضى بسنين
النداله
باعو نهر النيل وخيروا
وشربونا مالزباله
لبسونا اللبس خيش
وعلمونا اللبس باله
والسياسه خط احمر
والكلام فيها استحاله
ضيعونا وضعنا بيهم
والصراحه معدش فاهم
اى حد ف اى حاجه

[محمد أبراهيم]

بخواطر
نابضه ناطقه بالاحساس المرهف
رآينا روحك تسمو فوق
السحاب
بمساحه يصاحبها الاشراق
آثارت فينا بهجة
واعجاب
فالخلود والرقي صفتان متلاصقتان
تسير بجانب قلبك وروحك فانت اقرب
من كل الاصحاب
فحين تقفل النوافذ والمساحات
لانجد غير بابك من باب
فانت من تتشكل الحروف باناملك
لتتصومع في مقصورة اوراقك
فتكون لها ملاذا امنا
تخطف بها القلوب
والالباب
يابدراوى....}
لك عميق الشكر والامتنان اخي الغالي
فالجود دائما هو ماتمتاز به حقا
وحروفك لنا خير زاد
دمت ....كما انت ينبوع
طيب صافي
وسهم تخترق قصور الابداع
في خط متوهج كانه
الشهاب