امتى تتاكد انك نسيت حبيبك ؟

[نملة شقية]

امتى تتاكد انك نسيت حبيبك ؟
كتير مننا حب وانجرح وعاش على الذكريات
بس ياترى يا جماعه اللى بيحب بجد بيقدر ينسى حبيبه؟
وطبعا الاجابه اه ممكن ننسى حبيبنا ونحب تانى وتالت ورابع
بس ف الاخر بنلاقى ان كل ده كان هروب ونلاقى نفسنا ف الاخر لسه بنحبه
لسه مشتاقين ليه
لسه بنحلم باليوم اللى نبقى فيه مع بعض تانى
حتى لو حبيبك ده ارتبط بحد تانى
بتلاقى نفسك من غير قصد بتحاول توهم نفسك انك عارف تعيش من غيره
بتلاقى كل حاجه بتفكرك بيه
مكان رحتوه مع بعض
اغنيه سمعتوها سوا
مليون الف حاجه بتلاقيها بترجعك تانى ليه من غير قصدك
وف الاخر بتلاقيه لسه عايش جواك



بس تعرف امتى تتأكد انك فعلا نسيته؟
ف الاول لما يعدى يوم من غير ماتفكر فيه
وماتمسكش الموبايل وتضرب رقمه وتقفل قبل مايرن
بعد كده تكتشف انك بقالك اسبوع مافكرتش فيه
وماتتصلش من اى موبايل ف الشارع تسمع صوته وتقفل
ياااااااااااااااااااااه ايه ده انا اخر مره حلمت بيه كانت من شهر
لما تسمع اغنيه حزينه وماتتأثرش بيها
لما تروح مكان كنتوا فيه مع بعض وماتفتكرش انه كان معاك فيه قبل كده
لما تشوفه صدفه ف الشارع وقلبك يفضل مكانه وماتبقاش حاسس ان قلبك هيوقف
لما ترتبط بشخص مافيهوش اى حاجه منه

[Mr.Mo0ody]

فكرك يا نمله أن اللى بيحب بجد ييقدر ينسي بالسرعه دي
يعنى انتى تقدري تنسي اللي بتحبيه في شهر أو حته سنه
أنا معتقدش
اللي يقدر ينسيك حاجه واحد بس
طبعا ربنا بإيده كل حاجه
بس لو لقيت الأنسان أوالانسانه اللى تعوضك الحب والحنان والأمان والخوف واللهفه والأشتياق
ممكن تكون دى الحاجه لوحيده اللى تقدر تنسي الواحد

وبجد شكرا ليكى يا نمله وأحنا كلنا مستنين مواضيعك الجامده والجاده اللى هنستمتع بيها

[m.chezoo]

فعلا صعب جدا ان حد ينسى حبه ومشاعره اللى حسها بسهولة
انا متفق مع النص الاول من التوبك
ان اى حاجة من الحاجات دى هتفكرك ... خصوصا لو كان حب بجد

[طيف عابر]

مش عارفه بصراحة
المهم ما يكنش القلب متل ملعب كرة القدم مفتوح لاي حد
وكل يومين حب جديد
نتأنى بالاختيار حتى ما نفشل
تسلمي على كل حال

[Young DeviL]

بيتقيهلي اللي حب بجد مبينساش حتي لو لقي حب جديد عمره ما هينسي الاقدم لو الحب دا فعلا حقيقي

[نملة شقية]

جزاكم الله كل خير على مروركم وردكم الجميل
يااااارب ما ينحرم منكم

[Mr.Mo0ody]

لا شكر علي واجب
أحنا هنا كلنا أصحاب وأخوات مش أكتر وأحنا كنا بنقول رأينا بصراحه

[شيخ البلد]

انا من رئي الواحد يأخد دش سخن حلو و يستحمى بالصابونة والليفة واهم حاجة الليفة ( يتليف كويس يا جماعة )
و يستغطة وينام ويسيبوه بقى من الاشباح إللى بطردة دى ..
وكلن عامن وانمن بخيرون ..
دا الوصفة سهلة ... دا الوصفة هيلة

الموضوع رائع
شكراً يا نملة و فى انتظار المزيد

[زهرة البنفسج]

صعب الحب يتنسي بسرعة ولكن ممكن في حالة لو كنت اتجرحت منه قوي او اللي انت حبيته باعك بكل سهولة
تقبلو مروري

[بوتريكه]

نقل فؤادك حيث شئت من الهوى **** ما الحب الا للحبيب الاول

كم منزل فى الارض يألفه الفتى **** وحنينه ابدا لاول منزل

موضوع هايل

بالتوفيق