قهوتنا على الانترنت
ابحث عن :  
النتائج 1 إلى 3 من 3

الموضوع: الشعب يريد

  1. #1

    افتراضي الشعب يريد

    الشعب عايز مصر الجديدة
    من بعد ثورتنا المجيدة
    دى ثوره قامت علشان نكون
    فى امان وعيشة راضية وسعيدة
    الشعب مش عايز انقسام
    ... ولا اى شعارات والسلام
    من اى تيار كان عايزها
    يحكمها بالشدة واللجام
    الشعب عايز صحة وثقافة
    اعلام منزة من كل آفة
    وفن راقى يعلى زوقنا
    مش فن معجون بالهيافة
    الشعب ده عايز عداله
    وشياب يعيش من غير بطاله
    يعرف يكون نافع لبلدة
    مش يبقى اعد على الخلق عاله
    الشعب عايز حق الرغيف
    ولقمة حلوة وسكن نضيف
    مش يبقى حد ساكن عمارة
    والتانى ليه نومة الرصيف
    الشعب عايز أسعار رخيصة
    وحكومة واعية وعليه حريصة
    عايز يدوق طعم الحلاوة
    ان شالله حتى حتة هريسة
    الشعب عايز تعليم تمام
    مش حشو مخ واى كلام
    كفايه بقى مصاريف دروس
    الاهل تعبوا والله حرام
    عايزين مدرس عندة ضمير
    مش مغلاوانى وحوت كبير
    يعرف يربى الجيل دة صح
    هو امل مصر الكبير
    عايزين رياضة من غير تعصب
    فيها اللى يلعب حلو يكسب
    وربنا هو المعين
    يدى الواحد قد مايتعب
    بالفطرة احنا مسلمين
    وفى الشدائد متجمعين
    ومهما كان بينا اختلاف
    فى الاخر كلنا مصريين
    اسلامنا هو دين السماحة
    ولا كان تعصب لكن براحة
    ومصر علشان تقوى تانى
    لازم ننشط فيها السياحة
    ماتقولش سلفى ولا اخوانى
    ولا لبيرالى او علمانى
    قول انا مصرى مسلم وسطى
    هخلى بلدى تقوى تانى
    مش هفضل واقف مكانى
    وابدأ تانى صفحة جديدة
    عشان بلادى تعيش سعيدة
    أهتفوا يالا يامصريين
    الشعب عايزمصر الجديدة

  2. #2
    تاريخ التسجيل
    7 - 6 - 2011
    ساكن في
    فى قلب مصر
    المشاركات
    129
    النوع : انثيEgyptالفريق المفضل  : الزمالك

    افتراضي

    موضووووع رائع تسلمى يا دعااء
    تحياتى لكل من دمر حياتى
    ________________________
    امة الله


    البحث على جميع مواضيع العضو habiba.mohamed

  3. افتراضي

    تحياتي على من كان لا يعرف معان أن بقاء
    في وطني الحبب

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©