معملتش دماغ قبل كده ؟ طب تعالى <<<<<<< هعلمك دماغ جامدة فحت >>>>>>

[Treka]

عملت (دماغ ) قبل كده ؟

لو معملتش مش مهم ..أنا هنا علشان أعلمك ..و ربنا يقوينى على فعل الخير

والدماغ دى مش اي دماااغ....دى دماااغ اسمها ( دماااااااااااااغ ناااااااااااااس )

هتقولى ايه دماغ الناس دى؟!!!

هقولك يا سيدى :


- دماغ ناس .. زى دماااغ الكييف ..أو دمااغ الحشيش .. هااا تحب تعمل دمااغ ناااس؟!!!!
بص ياسيدى ..

لو فى يوم لقيت نفسك متضايق ومخنوق وملكش نفس تكلّم حد ومش لاقى حاجه تعملها .. إنزل الشارع إتمشى لوحدك و تأمّل فى الناس .. هتلاقى الموضوع مسلّى جداَ .. الشعب المصرى ده لذيذ طحن .. دماااااااااااااااااغ


* هتلاقى ناس طالع عينهم وعين اللى خلفوهم فى أتوبيس فيه 186 واحد والناس طالعين من الشبابيك والجو حر .. والناس لسّه بتركب وهى مبتسمه وحاسه بالكفاح .. وتلاقى واحده ست تخينه –(غالباَ موظفة ) دخلت وسط الـ 120 واحد اللى واقفين على الباب واخترقت الجموع فى براعة ورشاقة تحسد عليها ..سبحان الله


* بنت لابسه هدوم المدرسة ومزوغة ماشيه مع ولد ( ممكن تحلف إنه مش هيلاقى شغل ولا بعد 100 سنه من شكله ) وإن لقى.. أول حاجه هيعملها أنه يسيب البنت دى .. كفايه فقر بقى !!!!


* واحد ومراته (كبار فى السن ) ماشيين على الكورنيش بياكلوا ترمس فى منتهى السعادة والأماان ومش عايزين حاجه تانيه من الدنيا ..وعجبى


* واحد شكله تعبان طحن ومش لاقى ياكل، بس جايب أحدث موبايل وبيتكلم فيه بصوت عالى فى وسط الشارع.. (فرحان بيه )


* واحد عمره ما شاف الزبده فى حياته ولا يعرف بتستخدم فى إيه أساساَ .. عاملين معاه لقاء فى القناة الثالثة بيسألوه عن رأيه في مقاطعه المنتجات الدنماركية .. قلهم " أه طبعاَ انا مع المقاطعه دا واجب وطنى يا جماعه أنتوا بتتكلموا إزاى .. "


* واحد واقف مع خطيبته ا و صحبته (اللى يريحك) قدام قفص الأسود فى جنينه الحيوانات بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..فعلا أفاده الله


* بنات بكرش لابسه بديهات ستومك.. عشان دى الموضه .. حسبنا الله ونعم الوكيل


* أسره مكونه من 4 أفراد أب وأم وبنت شابه وولد فى أعدادى قاعدين فى Café .. طلبوا عصاير وشيشتين .. مين اللى شرب الشيشه؟!! البنت وأمها .. !!


جرب أنت كمان تعمل دماغ ناس .. هتلاقى الموضوع مسلّى جداَ

و أبقى قلنا إيه رأيك؟!!!

تحيااتى لكم ...
البرنكـ

[عاشقة الرومانسية]

ههههههههههههههه
نايس توبيك هابقى اجرب الدماااغ واقولك
تسلم ايدك

[jewel_lowis]

لا بجد دماغ عاليه اوى


تسلم على التوبيك

[ROSE WHISPER]

كتير حلوة يسلمو
بنت لابسه هدوم المدرسة ومزوغة ماشيه مع ولد ( ممكن تحلف إنه مش هيلاقى شغل ولا بعد 100 سنه من شكله ) وإن لقى.. أول حاجه هيعملها أنه يسيب البنت دى .. كفايه فقر بقى !!!!


* واحد ومراته (كبار فى السن ) ماشيين على الكورنيش بياكلوا ترمس فى منتهى السعادة والأماان ومش عايزين حاجه تانيه من الدنيا ..وعجبى

[m.chezoo]

* واحد واقف مع خطيبته ا و صحبته (اللى يريحك) قدام قفص الأسود فى جنينه الحيوانات بيقولها : " بصى .. أهو ده بقى أسد .. !!! " شاعراَ بأنه قد منحها العلم والمعرفه المطلقة وأسرار الكون ..فعلا أفاده الله
هههههههههههههههههههههه
ده انا نفسى استفدت من المعلومه القيمه اللى \هو قالها
ناااااااااااااااااااااااا ااااااايس توبك ودماغ مكلفه فعلا

[x×x 7o0odA x×x]

هههههههههههههههههههه
جامده جامد
تسلم يا مان

[Treka]

ميرسى على مروركم الجميل ده

[Young DeviL]

ههههههههههههههههههه وانا والله في مره لقيت واحده اكبر من جدتي بمراحل لابسه بدي وبنطلون استرتش انا اتكسف البسهم وكمان رافعه شعرها

دانا اندفنت بشبابي كده ههههههههههه

تسلم يا تريكه