قهوتنا على الانترنت
ابحث عن :  
النتائج 1 إلى 4 من 4
  1. #1
    تاريخ التسجيل
    3 - 4 - 2009
    ساكن في
    القاهرة
    المشاركات
    200
    النوع : انثيEgypt

    Red face بالصور هاتكلى اللى موجود وهتخسى ومتنسوش التقديم



    معــــــــا رشاقه بدون حرمان

    اولا اللى ناوى يخس
    يكتب التقرير ده على نفسه


    “أقر أنا ……. ، برغبتي في إنقاص وزني. وسوف أبدأ في
    البرنامج المذكور أسفله اعتباراً من ….. وحتى ….. ”

    توقيع: ………… التاريخ: ………..

    الشاهد: ………. التاريخ: ……….



    ثانيا فى اساسيات فى الرجيم بتاعنا
    الا وهى

    الصبح كل يوم على الريق هنشرب كوبايه مايه عليها نص لمونه اوك
    دى انا مجرباها شخصيا فى حرق الدهون
    وكمان بتعالج الامساك جربوها وادعولى

    قبل اى غدا هنشرب كوبايتين مايه
    عشان لما نجى ناكل المعده توصل للمخ انها قربت تشبع
    ( تمويه يعنى )
    مسموح لينا ناكل رغيف بحاله فى اليوم
    اللى هيزود عن كده هيتعضد كتير منى

    مسموح لينا معلقه سكر واحده فقط فى اليوم وممكن تجى سكر دايت ونخليهم معلقتين
    ممنوع الشيكولاته ممكن ناكل منها مره فى الاسبوع وقللوا من البيبس

    وزى منتو عارفين ان فى الحركه بركه طول ما احنا ادام الكمبيوتر
    نحرك رجلنا نقوم نقعد كده يعنى

    واخيرا ممنوع نروح قسم الطبخ خالص مالص فخمتوا



    ثالثا بقا
    انا مش بفضل انى امشى على
    رجيم معين او قاسى لانى بزهق وانتم كمان بتزهقوا وتحسوا انكم محرومين

    يعنى اللى موجود فى بيتنا هناكل منه ( الكلام ده بالنسبه للغدا )
    ازاى
    يعنى طابخين رز او مكرونه او لحمه او سمك او اى حاجه هناكل منه بس بكميات
    اومال يعنى هنرميه ولا هنروح نشترى مخصوص ولا البياعين ياكلوا عيالهم بقا


    يعنى مثلا
    طابخين النهارده رز ولحمه هتعملوا ايه
    انا اقولكم هتعملوا ايه ( هنجيب طبق ونغرف فيه معلقتين رز او تلاته
    واللحمه بقا زى ما تحبى مش هنقولها لاء يعنى + سلطه خضرا )


    لو طابخين مكرونه كذلك نفس النظام
    لكن لو طابخين سمك عادى هناكل منه
    مش هيضرنا خالص بالعكس مفيد



    نجى للفراخ
    يفضل يعنى ان ناكل الفراخ مسلوقه بس من غير تحمير يعنى
    ونشيل منها طبعا الجلد لان الجلد ده اخطر حاجه


    ♥♥بالنسبه للفطار و العشاء
    هما نفس النظام اصلهم ولود عم على رأى رمزى


    هناكل فيهم
    الزبادى (خالى الدسم) جميل اوى اوى انتم تعرفوا انه بيخسس البطن والارداف
    وعن تجربه
    طب مفيش زبادى ناكل ايه ؟
    يبقا ناكل فاكهه زى البرتقال لو عندك خضار زى الخيار كلى خيار
    او اقولك عندك بيض اسلقى بيضتين وكليهم منها غذا لشعرك ولبشرتك
    ولو مش بتحبى البيض مسلوق اقليه من غير زيت زيى يعنى



    ♥♥ ودى تمارين سهلة تساعد على رشاقتك من غير نادى ولا جيم

    ( ايه ده انا سامعه واحده بتقول انا فيا نفس .......... اكتبولى اسمها فى ورقه
    اومال انتى عاوزه تخسى ادام المسلسل التركى مثلا )


    يالا ورونى الهمه والنشاط
    هيلا هوب هيلا هوب





















    جربوا يعنى هتخسروا حاجه
    يارب كلامى يعجبكوا


    نسيت اقولكم على اهم حاجه
    وهيييييييييييييييه
    التقيييييييييييييييم
    والدعوه الحلوه لانى محتاجاها اوى

    وعلى رأى اللى بيقول
    ان مكنتش انت تقييملى مين هيقيملى
    yoka mody1888



    وده موضوع يمكن تستفادوا منه
    هتكونى رشيقه ومفيش بطن كمان ومن غير رجيم.


  2. #2

    افتراضي

    جزاكى اللة خيرا على النصايح الغالية دية و كمان تمارين للتدريب اية دة كولة اية دة كولة

  3. #3
    تاريخ التسجيل
    13 - 4 - 2010
    ساكن في
    القاهره
    العمر
    48
    المشاركات
    32,835
    النوع : ذكر Egypt

    افتراضي

    اشرقت
    الصفحات بهذا
    التواصل
    وبكل عناق لقلمك في
    حواشيها
    فكأن المساحات كانت
    تنتظرك
    ليكون قلمك كمن يشعل الشموع
    فيها
    فللحروف نجوم واقمار
    وسطورك حنانا ورقه بعذوبة
    تغذيها
    شاكر انا روعة ..السطور
    شاكر آنتقائك ..للزهور
    شاكر...آمتاعى بكل جديد
    ولقلمك الذى يعرف كيف يجمع حوله الاقلام
    ويثير الجمال
    فيها

  4. #4
    تاريخ التسجيل
    3 - 4 - 2009
    ساكن في
    القاهرة
    المشاركات
    200
    النوع : انثيEgypt

    افتراضي

    شكرا ليكم على المرور ويارب نستفاد كلنا منة

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. مشاركات: 20
    آخر مشاركة: 22 - 10 - 2010, 02:25 AM
  2. مشاركات: 9
    آخر مشاركة: 14 - 9 - 2010, 05:12 AM
  3. صورى قبل متكهرب
    بواسطة عاشق الخيال في المنتدى صور
    مشاركات: 3
    آخر مشاركة: 9 - 2 - 2009, 02:31 PM
  4. تكملة الصور بحجم كبير
    بواسطة ELKHWAGA في المنتدى صور
    مشاركات: 0
    آخر مشاركة: 9 - 5 - 2008, 04:54 PM

الكلمات الدلالية لهذا الموضوع

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©