قمة الاحراج.....يا ألهى!

**كارمة** · 28 - 3 - 2012, 10:54 PM

قمة الاحراج.....يا ألهى!

ازيكو يامصراوية يا قمرات
واحشنى موووووووت

"
"
"وأنا قاعدة كده لاقيت بيحصلى فلاش باك كده فى مواقف حصلتلى
"
"
"(فلاش باك ده حاجه حلوة على فكرة لحسن حد يفكر انها مرض ولا حاجة

)

متتريقيش عليا شايفاكى

المهم هحكلكو على موقف

كنت فى محل ملابس
وعماله ألف ألف زى ست الكونتيسة مش عاجبنى حاجه

لحد لما لاقيت جاكت جلد عاجبنى جدااااا
جريت عليه ووقفت قدام المراية ومعجبة بنفسى اوى وانا لابساه

(ياختى عليا وعلى جمالى)

وبكل عنطزة واستعلال واشمئزاز نديت على الولد اللى واقف فى المحل قلتله الجاكت ده بكام لو سمحت

رد الاخ يقولى من غير فلوس (الكلمة المتعارف عليها عند البياعين)

قلتله لا بجد بكام بكل تفائل واقبال عالحياة
رد وقالى...............

"
"
"

الجاكت ده بتاعى

طلع هو اللى قالع الجاكت ده ومعلقه على الاستاند

قمة الاحراج

مبقتش عارفة اقول ايه ولا اعمل ايه

رحت قايلاله " طيب مبتفكرش تبيعه؟"
وهو طبعا ضحك عشان ميكسفنيش
بس وحياتكو اللى هى اغلى الغالين
مدخلتش المحل ده تانى ولا هدخلو لو هيوزع هدوم ببلاش

خليكو معايا بقى
وافتكروا مواقف كده
خلو التاريخ يسجل
مستنياكو