حاجه اخر طناش

**~~x×x 7o0odA x×x~~** · 20 - 10 - 2008, 08:08 PM

شوف يابا منك ليه
الموضوع ده هيفيدكو اوي اوي لما تبقي الدنيا مش ماشيه معاك في كل حاجه عشان كده احسن حاجه تعملها في حياتك انك تعيشها وانت مطنش علي كل حاجه بتحصلك وتضايقك
وعلي رأي الفيلسوف الشهير اللي مش فاكرة اسمه اللي قال (طنش تعيش تاكل قراقيش) حاول تطنش هيفدك ويريح اعصابك
ولكي تستطيع أن تكون مطنش يجب أن تتبع هذه الخطوات
1-تسبيل العينين مصحوبه بنظرة بلهاء
2-فتح الفم 15 سم على الأقل
3-دلدلة الكتفين مع بهدلة في المظهر
4-إبتسامه بلهاء
5-علامات التخلف العقلي
وبذلك ستنضم لمنظمه (طناشكو العالمية) كما أنك ستكون من مؤسسي أكبر مؤسسة (المُطنّشين العرب - طناش أحمد طناش وشركاه ) وسيقام
مهرجان(الطناش للجميع) والذي سيضم نخبه من كبار المطنشين....
وكلما أصبحت مطنش أكتر كلما شعرت براحة من الإستفزازات التي تنزل عليك مصحوبة بحرق الأعصاب..

ومن أمثله ذلك.. لما تصحى من نومك ممكن تكون أختك أو أخوك أو والدتك متعصبين من حاجة فبمجرد إنهم يشوفوا وشك ينزل عليك وابل من الشتايم
وانت مش عارف ايه السبب اصلا.......كل اللي عليك انك تطنش
مثال تاني... تسمع في نشرة الأخبار عن مقتل 60 مواطن في تصادم قطر أو مقتل 100 وإصابة 50 في صراع بين دولتين فتشعر بحزن شديد.... لكن كل
اللي عليك عمله هو إنك تطنش.
أما الطريف في الموضوع لما تروح تعرف نتيجة الإمتحان فتلاقيك شايل مواد كتير ظلم رغم إنك واثق من حلك وده ممكن يكون بسبب إن الدكتور وهو
بيصحح ورقتك دق جرس الباب ولاقاها حماته الملاك المصون فوق راسه فيقول إن الورقه دي وشها وحش عليه ويسقطك .... كل برده اللي عليك إنك
تطنش

وفي النهايه هتلاقي راسك بقت في حجم قرع العسل مع زيادة مستمرة في الحجم وذلك لأن ..
(العقل السليم في حجم الراس الكبير)

ههههههههههههههههههه
حوداااااااا
الجامد