ازيكم
انا فعلا محتارة وتايهة كمان
بس نفسي تساعدوني
باختصار انا واحدة الحمدلله منقبة ومتدينه
وبخاف من ربنا جدا
انا عارفة ان اللي عملته غلط
بس كان غصب عني وماكنش قصدي ان الموضوع يوص لكده
في واحد انا كلمته من على النت ياهو
احنا عرفنا بعض خلال امواقع ادينية طلب متى انى اشارك في كذا موقع تاني من باب الدعوة الى الاسلام
وربنا يجعله في ميزانا يوم القيامة
بس الامور تطورت ما بينا هو دولوقتي طلب منى انه يجي ويتقدملي
فعلا والله هو انسان كويس جدا جدا
وبيخاف من ربنا اوي
وعمره ماقالي كلام رومانسي ولا حاجة هو كل اللي قاله
بالظبط انا هانقله هولكم
وتقولوا رأيكم
هو:تكرهى انك تكملى معايا مثلا طول عمرك
انا:مش عارفة
هو:ليه
انا:علشان العقل مش يقبل حاجة زي كده
هو:مش فاهم
انا:ماتصعبش الامور علياانا كنت خايفة من حاجة زي كده
هو:كنت هتعرفنة اية
انا:كنت هاقولك انى حاسة ان كلامنا مع بعض غلط وانى مش عاوزة اكمل علشان مش عاوزة اتعلق بيك مش عاوزة اغلط وانا عارفة انى بغلط
هو:طيب فين الغلط دة
انا:انى بكلم واحد على النت
هو:اذا كان مثلا كلها كام شهر وممكن ربنا يسهل نكون مع بعض فعلا
انا:انت مثتنع باللي بتقوله؟
هو:طبعا وفكرت فيه كتير قبل ما اقولة علشان كدة طلبت اعرف كل حاجة علشانم اقدر اتكلم على نور واعرف ظروفى وظروفك مثلا
انا:انا كنت فاهمك بس كنت بحاول اعمل نفسي مش فاهمة علشان مش يكون في فرصة للكلام ده
هو:طيب معتقدش ان دة حرام ذا كنت انا عايزك فى الحلال
انا:طيب مش يمكن انا مش اعجبك ؟او انت مش تعجبنى؟
هو:دة امر وارد وكل شىء متوقع قال صلى الله عليه وسلم: " إذا جاءكم من ترضون دينه وخلقه فزوجوه إلا تفعلوه تكن فتنة في الأرض وفساد كبير " رواه الترمذي وغيره.
عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يداك
وقاللي في بداية كلامنا انه حلم بيا مرتين وهنا في السعودية بنعمل عمرة وكان معانا مامته
ده كلامنا مع بعض وانا طلبت منه يعمل استخارة
انا مش حبيته اوي لاني الحمدلله بعرف اسيطر على قلبي كويس
بس بجد
هو انسان كويس يتحب
فيه كل المواصفات اللي بتمناها مع زوج المستقبل
انا مش بصلي الفترة دي ظروف يعني
انا متعودة لما احتار في حاجة اصلي واسال ربنا بس انا كتبت جواب لربنا وقولته فيه كل حاجة وطلبت منه يخيرني في امرى وارد علي الانسان ده واقوله ايهوحرقت الجواب وطيرته في الجو
يمكن حاجة غريبة اول مرة بتسمعوا عنها بس انا دايما بكتب جوابات لربنا
بس بتخلص منها على طول بخاف حد يشوفها
انا جيت اخد رايكم لعل ربنا يرد في كلامكم
مش عاوزة اصعب على حد فيكم
قولوا رايكم بصراحة علشان انا خايف اعمل حاجة غلط
انا خايفة جدا يكون ربنا زعلان مني
محتاجة ردكم ضروري