سننزوى يوما جميعا و نرحل

[أحمد عمر]

قد يتصور البعض ان النت بشكل عام او المنتديات بشكل خاص اماكن للشهره و لتجميع اكبر قدر ممكن من كلمات الاعجاب و الشكر و لهذا يدفع البعض من وقته الكثيييييييير لتحصيل هذا ..

ورغم انه حق اصيل لكل عضو انه يسمع كلمه حلوه او اشاده لموضوعه

.. الا ان المشكله تكمن ف ان يتحول هذا الحق لغايه نسعى اليها ..

و تحوليها لغايه قد يدفعنا للاهتمام بالشكل دون المضمون او بالكم دون الكيف ..

.. وقد يدفعنا لعدم تقبل النقد او الترفع عن قول الحق ما دام ان غير الحق يعجب الجميع ..

قد يصيب العضو منا بعض الغرور او كل الغرور و بدرجات متفاوته هذا ما لم يستطع ان يدرك حقيقه واحده

.. ان كلماتنا هى التى ستبقى و اننا جميعا سينزوى يوما ويرحل..


تمياتى لكم بالسعاده

[jewel_lowis]

احمد انا حاسه ان الكلام ده شبيه بالكلام الى فى موضوع تريكه اوى
وانت كمان كاتب فيه رد جميل جدا

https://forum.masrawycafe.net/showthread.php?t=13162

لكن انا هاقولك حاجه
احتمال فى ناس مننا كتير
حياتها فاضيه
والكافيه كل حياتها
ناس عايشه لوحدها
او عندها فراغ كتير
الاحسن انها تشغله بعمل موضوعات
احسن كتير
لو دخلت شات وقعدت تضيع وقت
على الاقل هنا
احتمال تفيد حد
طبعا مع الاهتمام بالكيف
وليس بالكم فقط

بس عندى سؤال ليك
انت تقصد حد معين؟؟

انا حاسه انه فى حد معين
وحاسه انك هاتقول دى رساله عامه


بس فى حاجه كمان مديقانى اوى

فى ناس بتدخل ترد على مواضيع
بكلمه واحده هيا هيا فى كل المواضيع
وناس بردو بطبلها
وتقول برافو

النفس البشريه اماره بالسوء
والى ميشفش من الغربال يبقى اعمى

معلش طولت
انا قلت راى بصراحه
حاسها وشايفها

ولا اقصد اى انسان بالتحديد
فياريت محدش يزعل منى

تسلم

[ساندرا]

المشكل لما ناس ما تشوف عيوبها وتشوف عيوب غيرها وهما نفسهم ردهم كلمة او كلمتين هما نفسهم
او بيردو على نفسهم يا احمد
مو هيكى اصدك بردو
ولا الناس لسه ما بتشوف عيوبها

[yara]

شكرآ على التنبيه والتوضيح
جزاك الله خيرآ

[mona roshdi]

قد يتصور البعض ان النت بشكل عام او المنتديات بشكل خاص اماكن للشهره و لتجميع اكبر قدر ممكن من كلمات الاعجاب و الشكر و لهذا يدفع البعض من وقته الكثيييييييير لتحصيل هذا ..

يااخ احمد الناس مش مستنية تشترك فى المنتدى علشان تشتهر
لان فى ناس كتير مستواها العلمى كبير ومع ذلك مشتركة فى المنتدى والموضوع مش مستاهل كل الكلام دة، حضرتك واخد اشراف ممكن توقف العضو اللى بيدخل علشان يشتهر وكدة يبقى الموضوع خلص من غير جروح للناس
وشكرا كتير

[شمس]

اسفة يا احمد ليك عشان حرد على جويل
بس فى حاجه كمان مديقانى اوى

فى ناس بتدخل ترد على مواضيع
بكلمه واحده هيا هيا فى كل المواضيع
وناس بردو بطبلها
وتقول برافو
اظن ده حاجة مش محتاجة مضايقة منك لانهم
على الاقل قالوا رد يشكروا عليه
الي بيضايق اكثر لما بنشوف موضوع ولا ليه معنى وصاحبه مصر اننا نرد عليه
بيني وبينك حنقوله ايه
ولا كثرة المواضيع الي بتجنن وكلها لشخص واحد
وبيفترض عليك انك تشوفهم كلهم
ولو ما رديت على واحد فيهم يبق اذنبت
هو عقلنا ايه حيستحمل ايه ولا ايه
المفروض متتحطش عشرة مواضيع لشخص واحد
عشان نقدر نستوعب الي بنقراه

اقتباس:المشاركة الأصلية كتبت بواسطة أحمد عمر

قد يتصور البعض ان النت بشكل عام او المنتديات بشكل خاص اماكن للشهره و لتجميع اكبر قدر ممكن من كلمات الاعجاب و الشكر و لهذا يدفع البعض من وقته الكثيييييييير لتحصيل هذا ..

يااخ احمد الناس مش مستنية تشترك فى المنتدى علشان تشتهر
لان فى ناس كتير مستواها العلمى كبير ومع ذلك مشتركة فى المنتدى والموضوع مش مستاهل كل الكلام دة، حضرتك واخد اشراف ممكن توقف العضو اللى بيدخل علشان يشتهر وكدة يبقى الموضوع خلص من غير جروح للناس
وشكرا كتير
وقل ربي زدني علما
مدام الانسان عايش وهو بيتعلم
مهما بلغ حد تعليمه
واي منتدى مفتوح في وجه الكل
وفي اي المستويات
واحمد عمر
رغم اشرافه مش من حقه يمنع
او يوقف اي حد حتى لو كان داخل بنية الشهرة
لانه في الاول وفي الاخر انسان
قبل ميكون مشرف
بصراحة الموضوع فيه مناقشات كثيرة
ولو فضلنا نكلم طول الليل
ولا حننتهي

[بسام الصواف]

اولا انا مبسوط انى برد على موضوع لاحمد

هو ممكن يكون كلامك صح طبعا بس يا احمد الناس اللى انت بتتكلم عنها دى عالم فاضية لا تستحق منك ان تذكرها

وان كنت حاسس ان دى رسالة


ما علينا


بسام الصواف

[jewel_lowis]

استاذه شمس
لو حضرتك دخلتى موضوع تافه
ممكن تطلعى ومترديش
وكمان
الى انا بتكلم عنهم بيقولو نفس الرد
بيكون على موضوع حلو ومفعل من ناس كتير تانيين
وبعدين انا مش معنى انى بقول انى بدايق انى بشد فى شعرى
انا بقول ملحوظه وبس
وكل واحد حر فى افكاره
وعلى فكره
حضرتك مش مجبره انك تردى على كل المواضيع لشخص واحد
عشان مفيش حد هايحاسبك انك اذنبتى ولا حاجه
احنا مش فى محكمه
انا مش فاهمه
المفروض الواحد يعد شهر مايكتبش ومش يرد
وبعدين يرجع يكتبله كام موضوع ويمشى عشان يبقى حلو
ومحدش قارش ملحته
هههههههههههههه

اما بالنسبه لكلام ماما منى
فمعتقدتش انها تقصد ان احمد يمنع حد يدخل المنتدى
ولا كلام زى ده
عشان بقى مشهور
والمشهور فى الكافيه مش بعدد مشاركاته
ولكن بادبه واخلاقه وحب الجميع له
بدون ضغينه داخليه
او حقدعلى حد
وبعدين مهما حد اشتهر ولا علا نجمه زى مابتقولو
فى الاخر
كل انسان بعمله الصالح
مش بعدد مواضيعه

وربنا لما يسالنى
عن عمرى فيما افنيته
هاقدر اقوله كنت بحاول افيد الناس
بمعلومات
على ادى
والحمد لله
وربنا يخلى لحضرتك اهلك وولادك
لكن فى غيرك هنا
عايش لوحده ومعندوش حد يكلمه ولا يشكيله
ممكن تكونى حضرتك بتتدخلى ساعه فى اليوم تنزلى موضوع او تردى على حد
وبقيت وقتك لحاجات تانيه شغلاكى
وده طبعا مش قر وحقد
ده مجرد مثال ممكن يتقال على اى حد
ومثلا يعنى
فى غيرك قاعد 12 ساعه فبينزل 12 موضوع

مش معناها بقى لما حضرتكم تدخلى تلاقى 12 موضوع من شخص واحد
يبقى هو وحش
وفاضى
وموضيعه تافهه

وياريت ياريت

لو حد فى الساده الاعضاء شايف فى حد عيب يقله فى وشه
عشان محدش يدايق

وتسلمى على الرد

[شمس]

استاذة جويل
اكيد مفهمتيش قصدي وبعدين يا بنتي مين قالك
قالك انك بتشدي شعرك (ولو اني مش شايفاكي هههههه)

واكيد انا مش مجبرة ارد على حد ولو رديت
حقول رايي بمنتهى الصدق والصراحة
اما بخصوص احمد عمر فلو كان مشهور
فده مش من مواضيعه ولو انها مميزة طبعا
ومحدش ينكر بل لاخلاقه العالية وفيه اعضاء كثير
شانهم شان احمد ورغم احتواءهم لاضخم المواضيع ولي كتبوها بقلمهم وبخواطرهم
الا انهم ماا اتصابوش بهلوسة الغرور بالعكس
بالعكس
اما صاحب 12 موضوع فانا مبقولشي انهم
وحشين وممكن جدا يكونوا روعة لكن المشكلة
حنقراهم امتى وحنرد عليهم امتى
كلامي كان واضح يعني لو قلل العضو ونزل
بدل 12 موضوع 4 او 5 اكيد الكل حيقرا
والاكيد كمان ان الاستفادة حتكون اكثر
وبكدا تعطى الفرصة لمواضيع اخرى انك تشوفها وتقراها
والحمد لله
وربنا يخلى لحضرتك اهلك وولادك
لكن فى غيرك هنا
عايش لوحده ومعندوش حد يكلمه ولا يشكيله
اسمعي جويل كل واحد فينا محدش عارف الي بيه غير ربنا سبحانه وتعالى
ولما بندخل هنا بنتاقلم معاكم وويا ستي الي وحداني احنا اكيد اهل ليه
وبصدر رحب لاننا في الاول وفي الاخر اخوة واسرة واحدة
جمعها المصراوي كافيه
وتسلميييييييييييييييييييي

[طيف عابر]

انا مش مجبرة ارد على حد ولو رديت
حقول رايي بمنتهى الصدق والصراحة
اما بخصوص احمد عمر فلو كان مشهور
فده مش من مواضيعه ولو انها مميزة طبعا
ومحدش ينكر بل لاخلاقه العالية وفيه اعضاء كثير
شانهم شان احمد ورغم احتواءهم لاضخم المواضيع ولي كتبوها بقلمهم وبخواطرهم
الا انهم ماا اتصابوش بهلوسة الغرور بالعكس
بالعكس
اما صاحب 12 موضوع فانا مبقولشي انهم
وحشين وممكن جدا يكونوا روعة لكن المشكلة
حنقراهم امتى وحنرد عليهم امتى
كلامي كان واضح يعني لو قلل العضو ونزل
بدل 12 موضوع 4 او 5 اكيد الكل حيقرا
والاكيد كمان ان الاستفادة حتكون اكثر
وبكدا تعطى الفرصة لمواضيع اخرى انك تشوفها وتقراها
والحمد لله
كل واحد فينا محدش عارف الي بيه غير ربنا سبحانه وتعالى
ولما بندخل هنا بنتاقلم معاكم وويا ستي الي وحداني احنا اكيد اهل ليه
وبصدر رحب لاننا في الاول وفي الاخر اخوة واسرة واحدة
جمعها المصراوي كافيه

اقف احتراما لهذ الكلام
تسلمي شمس ولي عودة لابداء رأيي الخاص فيما قال احمد عمر
موعد الغدا بئة واليوم ما صمت