ماذا تفعل لو تركك صديقك في محنتك ؟؟؟

[شيهانه]

انســــان عـــزيز علـــيك...
تــقضي مــعظم أوقـــاتك مــعه..

هو الانــــسان الـــذي تشـــكو لـــه هـــمومك..
تـــسعدك ابتـــسامته الــرقيقه..
رفيقك .. صديق عمرك ... تحبه بصدق

.....................

و لكن فجأة ...!!!

تتعرض أنت لظروف صعبة ..مؤلمة ... تكن وحيدا ... في غربة مؤلمة

تعيش في بلد غريب ... لا أخ و لا أخت و لا قريب معك

و كل أملك بصديقك ... أنه سيساعدك و يقف بجانبك ... سيخفف عنك آلامك

و لكنك تتفاجأ بأنه

تجاهلك بلا رحمة و كأنه لم يكن يعرفك ... أو كأنه لم يسمع باسمك حتى

تركك تواجه مشاكلك وحيدا ... مما زاد ذلك في معاناتك ... و أثر في نفسيتك

سؤالي ...

هل مررت بهذه التجربه؟؟
مـــاذا ســـتكون ردة فعــلك اتــجاه هذا الصديق..؟؟
هـــل تحــاول معــرفة السبــب في تخليه عنك..؟؟
أو تنســاه ولاتــهتم بــتصرفه..و تبتعد عنه؟؟
هل تعتقد أن هذا الصديق يمتلك وفـــاء .. هل هو يحبك بصدق .. هل يستحق أن تكمل صداقتك معه ؟؟

أنتظر ردودكم
(مش عارفه ده المكان المناسب للموضوع ولالا.لاني بحث عن القسم الانسب له فلم اجد غير هنا)

[Young DeviL]

بصي لو صديقتي سابتني في محنتي من غير سبب تبقي متستاهلش صداقتي

الاول هفهم السبب ولو لقيته مش مهم هطنشلها واضحك ولا كأن حاجه حصلت بس اكيد معاملتي ليها لايمكن ترجع زي ما كانت

تسلمي لطرحك الموضوع

[MagMan]

موضوع تمام ...

انا بقي حصلي الموضوع ده ومن اقرب الناس ليا ...

كان صحبي واخويا وابويا وكل حاجه في حياتي ...( وده لاني مليش اخوات ) ...

كنت بعتبره اني لو هو مات انا هموت بعديه علي طول ...

وفجأه...

حصل موقف غريب جدا ...


كنت انا وهوا مع بعض وبعدين حصل مشكله فالمهم من الاخر ان البوليس جه واول مجه البوليس مشفتهوش وصحبكو اتدبست فيها لوحدي انا اتصل عليه قافل تليفونه استني اشوفه تاني ولا هو هنا ...

الموضوع خلص وبعديها بيوم اثنين ثلاثه اربعه اسبوع استني اسمع صوته ... انس الموضوع ده وكانه من عداد الموتي ...

وناس تانيه خالص انا مش كنت بحب اشوفه من اساسه هما اللي وقفو جامبي وخرجوني من المحنه اللي انا كنت فيها ...

فطبعا وبدون تفكير .... مقدرتش بردو اتخلي عنه لاني بعتبره اخويا الوحيد ...

رغم اني عارف ان ده غلط بس هنعمل ايه الايام دول ...

[همسة ولاء]

مشكورة يا قمر على الطرح الجميل


هل مررت بهذه التجربه؟؟

لاء الحمد لله


مـــاذا ســـتكون ردة فعــلك اتــجاه هذا الصديق..؟؟
بصراحة لو حصل رح استاء جدا
هـــل تحــاول معــرفة السبــب في تخليه عنك..؟؟

طبعا عشان لو كان غصب عنه ما اخد موقف منه عن طريق الخطأ

أو تنســاه ولاتــهتم بــتصرفه..و تبتعد عنه؟؟

بما انه اعز اصحابي مارح اقد اتجاهله بس لازم افهم السبب عشان اعرف اتصرف

هل تعتقد أن هذا الصديق يمتلك وفـــاء .. هل هو يحبك بصدق .. هل يستحق أن تكمل صداقتك معه ؟؟

معتقدش
لانو الصديق الحقيقي بيكون معك في الشدة والرخااااااااااااااء



بارك الله فيك وسلمت يداك

[طيف عابر]

تسلمي على سؤالك وموضوعك
الموقف الحمدلله لم يحصل معي وكان عندي صديقه من اروع الناس واصدقهم وفرقتنا الايام والسفر
الصديق الحقيقي مستحيل يتخلى عن صديقه ولو تخلى يبقى مش ذنب الصداقه ذنبنا نحنا لانه معرفناش نختار او نميز الصداقه
الحقيقيه
لو حصل اساءة من صديق بنساها مجرد اني اشعر انه ندمان طبعا
مشكورة جدااااااااا

[m.chezoo]

مش عارف بس اللى اعرفه اكيد انى هقطع علاقتى بيه لان اللى زى ده مش يستاهل المعرفه اصلا
لان صاحبى يعنى معايا فى الشده قبل اى حاجة
ولا هى معرفه مصالح ... طبعا مش ده معنى الصداقة وانا الحمد لله كل اللى بعرفهم فعلا يستاهلوا معرفتى بيهم وانا بحبهم جدا

[شيهانه]

بصي لو صديقتي سابتني في محنتي من غير سبب تبقي متستاهلش صداقتي

الاول هفهم السبب ولو لقيته مش مهم هطنشلها واضحك ولا كأن حاجه حصلت بس اكيد معاملتي ليها لايمكن ترجع زي ما كانت

تسلمي لطرحك الموضوع

تسلمي انتي يا سارة لمرورك الجميل

واكيد زي ما قولتي المعامله هتتغير طبعا..الخلاصة

لانه هتحسي انه حاجه اتكسرت ف النص..خاصة لو كان عذرها غير مبرر

زي ما بيقولوا عذر اقبح من ذنب
والناس القديمة كانوا بيقولوا زمان
الواحد اللي بيديك ع طوول اعذار خاف منه
وفعلا معاهم حق
ناس كانت بتقول حكم صحيح

نورتيني يا قمر

[شمس]

حقولهالك في كلمتين
لو اتخلى عني في محنتي ولا يستاهل انه يكون صديقي
ومن غير ماعرف اسبابه ايه
الصديق الحقيقي هو لي بيقف مع صاحبه
في السراء والضراء
وتسلمي شيهانة
واهلا وسهلا بيكي ونورتي المنتدى

[ساندرا]

انا صديقتى بحبها كتير وعمرها ما تخلت عنى ولا تخليت عنها
وحبيبتى علمنتدى هى شمس نبض الكافيه لانه صادئة وصريحه وبتحب الحق

[شيهانه]

موضوع تمام ...

انا بقي حصلي الموضوع ده ومن اقرب الناس ليا ...

كان صحبي واخويا وابويا وكل حاجه في حياتي ...( وده لاني مليش اخوات ) ...

كنت بعتبره اني لو هو مات انا هموت بعديه علي طول ...

وفجأه...

حصل موقف غريب جدا ...

كنت انا وهوا مع بعض وبعدين حصل مشكله فالمهم من الاخر ان البوليس جه واول مجه البوليس مشفتهوش وصحبكو اتدبست فيها لوحدي انا اتصل عليه قافل تليفونه استني اشوفه تاني ولا هو هنا ...

الموضوع خلص وبعديها بيوم اثنين ثلاثه اربعه اسبوع استني اسمع صوته ... انس الموضوع ده وكانه من عداد الموتي ...

وناس تانيه خالص انا مش كنت بحب اشوفه من اساسه هما اللي وقفو جامبي وخرجوني من المحنه اللي انا كنت فيها ...

فطبعا وبدون تفكير .... مقدرتش بردو اتخلي عنه لاني بعتبره اخويا الوحيد ...

رغم اني عارف ان ده غلط بس هنعمل ايه الايام دول ...

بالنسبة للموقف اللي حصل معاك فعلا موقف غريب ومحزن ف نفس الوقت

أكيد اتصدمت وقتها

بس عارف انت لازم تكون مبسوط لانك عرفته ع حقيقته..

بيقولوا الناس معادن

ومعادن الناس بتبان ف وقت الشدة ووقت الظروف الصعبة

والصديق وقت الضيق خاصة انك بتقول معتبره ف مرتبة اخوك

اصل لازمته ايه لو مكانش يوقف معاك ف مواقف شبيهة من دي

بس بص انا هقولك ع حاجه

في وقت ظروفنا الصعبة فوائد

بتعرف مع مين بتتعامل كويس.

نااس في عز احتياجنا ليهاا مش بنلاقيها جنبنا ومعانا.

لما تكون متوقع حاجه ويحصل عكسها اصعب حاجه.

لما تكون راسم صورة حلوة وتتلخبط ملامحها صعب

فلنهتم اذن بمن يهتم ويستحق.

بصرااحة انا بتهمني الحركة الانسانيه بالدرجة الاولى خاصة لما تكون منتظرها من حد اعتبرته ف مرتبة الصديق والاخ

هي اللي بتعلم مع الواحد وبتفرق معاه.

وناس تانيه خالص انا مش كنت بحب اشوفه من اساسه هما اللي وقفو جامبي وخرجوني من المحنه اللي انا كنت فيها ...

وده تملي اللي بيحصل ناس مش بتكون متوقع اصلا انهم يوقفوا جنبك هما اللي بتلاقيهم جنبك وبيسالوا عليك

وتقعد تقول لنفسك هو انا ازاي ماكنتش شايفهم قبل كده .

يلاه ربنا يدي لواحد ع قد نيته

عامل الناس كما تحب ان يعاملوك به.

بس سؤال ::انت ليه ما عا تبتوش مثلا او كلمته بخصوص ده علشان تعرف ردة فعله
مش ممكن تكون عنذه ظروف جامدة وقتها ؟؟
ولا انت خلاص اتاكدت ؟؟

واكيد نورتني يا ماج مان
شكرا لمرورك الجميل.