روعه يا نمنمة وطبعا كملي يالا منتظرين الباقي بسررررررررررررررررررعه
او نخاصمك
القصة تبدأ من هنا
الحلقة الأولى
هبة
بطلي رغي بقا ياضحى وقومي شوفي شغلك شوية اشتغلي بذمة بقا
ضحى
ماشي هقوم اهو بس قوليلي ايه الشغل اللي ورايا الاول ...هبة مين ده ؟؟؟؟؟!!!!
هبة
ده أحمد مهندس صيانة جديد جه من فترة كده لما كنتي واخدة اجازة وبعدين قلتلك بطلي رغي وامشي على شغلك يلا بقا ...عندك جهاز في الاوضة اللي هناك دي محتاج صيانة خديه وادخلي على اوضة الصيانة وشوفي شغلك فاهمة بدل ما افتن عليكي ....
ضحى
ماشي اديني رايحة اهو ياساتر عليكي ....
ضحى
-السلام عليكم ....
أحمد ...بعد ما بص باستغراب أوي كده
وعليكم السلام ورحمة الله وبركاته
أحمد بيكلم نفسه : " ايه البنت دي شايلة جهاز كده وداخلة اوضة الصيانة اللي المفروض محدش يدخلها ...؟؟؟!!!
ضحي بادرت بالكلام بسرعة لأنها شافت نظرات عينه عاوزة تقلها ايه اللي دخلك هنا وانتي مين ؟؟
-على فكرة انا بشتغل هنا في الصيانة معاك بس كنت واخدة أجازة بقالي فترة وعرفت من هبة انك جيت من مدة كده عموما اسمي ضحى ...
أحمد : اه اهلا ضحي ....
--- ودار حديث بينهم عن الدراسة والشغل إلخ .......المهم إنهم في الاخر اتعرفوا وزال سوء التفاهم
وبعد شوية من الكلام
ضحى
-بجد يا أحمد والدك بيشتغل في الشركة دي فعلا ...؟؟؟
أحمد
- آه والله بيشتغل هناك فعلا بس ليه بقا هو انتي تعرفيها ؟؟؟
ضحي
---- اه اعرفها ..
وطلعت ضحى تجري على هبة وتقلها على الشركة بتاعة بابا احمد
ضحى
شوفتى ياهبة احمد طلع باباه بيشتغل في الشركة اللي بقلك عليها
هبة :
طب كويس اوي اوي
ضحى :
هو ايه اللي كويس اوي انا بقلك عشان اخد رأيك ياترى اسأله ولا بلاش انا محرجة اوي
هبة :
بصي هو احمد انسان كويس اوي ومحترم جدا قوليله وشوفي رأيه ايه وكمان عشان تخلصي بقا وتعرفي الحقيقة فين .
ضحى :
خلاص انا هقوله وزي ما تيجي بقا انا بس مش عاوزاه يقول عليا هبلة كده من اول مرة يعرفني فيها هقله بكرة ان شاء الله
يتبع إن شاء الله
حقوق التأليف والطبع والنشر والتحميض وكل حاجة محفوظة
لنمنومة
مستنية رأيكم بمنتهى الصراحة ولو عجبتكو هكمل على طول
روعه يا نمنمة وطبعا كملي يالا منتظرين الباقي بسررررررررررررررررررعه
او نخاصمك
متظرين
لكم أن تعلموا غلاء ثمن الدقيقة في رمضان ، لا تضيعوا أوقاتكم في كلام لا يفيد ، وهموم لا تنقضي ، ومشاكل لا تنقطع ، وتفكير في مستقبل لم يأت بعد
في الدقيقة الواحدة تسبح مائة تسبيحة، وتقرأ صفحةً من المصحف، وتطالع ثلاث صفحات من كتاب، وتكتب رسالة، وتتلو سورة الإخلاص ثلاثاً.
هكذا زن الأمور ، الوقت رأس مالك فلا تخاطر .
البحث على جميع مواضيع العضو أحمد عمر
ماشي ياحبايبي والله رفعتوا معنوياتي هكمل اهو معلش اتأخرت عليكو
الحلقة الثانية
ضحى : صباح الخير يااحمد
أحمد : صباح النور ياضحى عاملة ايه ؟
ضحى : الحمد لله وإنت عامل ايه ؟
أحمد : تمام الحمد لله
ضحى : كنت عاوزة اسألك على حاجة كده يااحمد
احمد : اتفضلى ياضحي اسألي
ضحى : انا كان ليا حد اعرفه شغال في شركة تبع الشركة اللي بيشتغل فيها والدك كنت عاوزة اتأكد اذا كان فعلا بيشتغل هناك ولا لا ؟؟
أحمد : أوي أوي هاتي اسمه وانا هخلي والدي يسأل بكرة بالكتير ان شاء الله
-بس خير هو في حاجة هو متقدملك مثلا وعاوزة تتطمني ولا ايه ؟؟
ضحى : يعني حاجة زي كده ..
احمد : اها واضح انك مش حابة تحكي او تقوليلي حاجة عادي والله انا بفهم بس طبيعة الموضوع عشان اقدر افيدك صح ....مقصدش اتطفل عليكي ابداً اسف جدا ً..
ضحى : لا والله يااحمد مش حكاية اني مش حابة احكي بس انا مش عاوزة اوجع دماغك بحكاية ملهاش لزمة .
أحمد : لا بالعكس انا حابب اسمع مش هتوجعي دماغي ولا حاجة ها يلا قولي بقا فيه ايه ...؟؟
ضحى عنييها دمعت كده ووشها لونه اتغير
ضحى
بصراحة يااحمد انا مخنوقة اوي بجد وتعبت ومبقتش عارفة اعمل ايه انا بحب واحد على الانترنت بقالي حوالي سنة ونص ولا شفته ولا اعرف شكله ايه حتى ولا بكلمه ولا بيكلمني مجرد على الماسنجر بص انا عارفة انك هتقول عليا هبلة وعبيطة ومجنونة كمان بس اهو ده اللي حصل المهم انه قايلي شوية حاجات عن نفسه زي ساكن فين وبيشتغل فين وكده فانا لما عرفت ان والدك بيشتغل في الشركة دي بقا عندي امل اني بكده ممكن اوصل للحقيقة وهل هو صادق في كلامه ولا كداب وكل الكلام كان صدق ولا كدب .....
أحمد :
طبعا هبلة وعبيطة مع احترامي ليكي اسف بس الكلام اللي بتقوليه ده ميتعقلش نهائي يابنتي ازاي تفضلي متعلقة بشخص كل المدة دي من غير حتى ما تشوفيله صورة حتى من غير ما تعرفي شكل اللي بتحبيه ده ايه انتي بتفكري ازاي
ضحى
خلاص بقا بجد انا مش مستحملة انا مخنوقة لوحدي وعارفة ان كده الحكاية مش تمام بس اعمل ايه يعني اديني حبيته وخلاص متسألنيش ازاي وليه اهو اللي حصل بقا وخلاص بس المهم دلوقت اني تعبت من الموضوع ده بجد وعاوزة اوصل لحاجة تخليني اخد قرار صح بجد
أحمد بعد ما شاف ضحى بتعيط جامد اوي حس بيها اد ايه هي موجوعة
أحمد :
أنا اسف اوي ياضحى مقصدتش بجد اضايقك انا حاسس بيكي بجد وهساعدك لحد الاخر وبكرة هعرفلك هو في الشركة فعلا ولالا متزعليش بقا خلاص
ضحى :
انا متشكرة اوي يااحمد بجد تعبتك معايا وتقلت عليك معلش بقا
أحمد :
متقوليش كده يابنتي عيب عليكي ده احنا زمايل ....اضحكي بقا
يتبع بإذن الله
ايه ياجماعة مش عجبتكوا بلاش اكمل
الذين يشاهدون الموضوع الآن: 1 (0 من الأعضاء و 1 زائر)