في دفتر الأيام

**mido3d** · 28 - 11 - 2007, 12:02 AM

في دفتر الأيام موجود

ناس بتغلط وتلغبط

وتشغبط

وتقول لا ملام

العيب مش فينا ده في

الأيام

الكل رخص والأنسان

يا تري بكره هيبقي

بكام

وهيبقي معانا غالي ونفيس

ولا هنضربها تفليس

ياعزيز ........... يا حفيظ

في دفتر الأيام موجود

أوراق كتيرة متقطعة

وخطوط طلعة ونزلة

مدالعة

وكلام مزوق وزمم

متلمعة

ويقولوا لا ملام

يا سلام ع الكلام

معثول ولكن مسموم

أهوه كلام والسلام

في دفتر الأيام

العقل عنده زكام

والجهل ماسك الزمام

والناس جمال متساقة

بتشكي وتبكي

ومشتاقة

ليوم الخلاص

في دفتر الأيام ..

**jewel_lowis** · 13 - 4 - 2009, 07:18 PM

كلمات جميله جدا
تسلم الايادى

الموضوع: في دفتر الأيام