تيجوا نتناقش شوية : إيه هو السبب الرئيسي ورا بوزان الجيل ده؟؟؟ اقرا وشاركنا رأيك

[نمنمة المسلمة]

السلام عليكم
أعضاء المنتدى الكرام

موضوع شاغل بالي قلت اما اسمع ارائكم فيه

ياترى ايه هو السبب الرئيسي ورا التهمة اللي احنا متهمين بيها كلنا ان احنا جيل بايظ وتلفان جيل مهبب ومنيل
دايما دايما اكتر جملتين بنسمعهم كلنا بس هل ياترى الجيل اللي قبلنا اللي بيتهمونا بكده فكروا في سبب الحكاية دي او فكروا احنا ليه اصبحنا في نظرهم جيل تلفان وبايظ ؟؟؟؟

بصوا بصراحة شديدة جدا انا شايفة ان الجيل ده عنده وعي كبييييير جدا جدا عن الجيل اللي قبل منه ومقصدش وعى يعني تطور وتكنولوجيا لا لا انا أقصد وعي من الناحية الدينية وده نظرا لانتشار الوعاظ طبعا في المقدمة وانتشار القنوات الدينية وغيره وغيره يعني مثلا زمان زمان في الجيل اللي قبل مننا كانوا امهاتنا مش كلهم يعني بس معظمهم بيلبسوا ايه الميني جيب والميكرو جيب والكت والجينز بس بزيادة كبيرة جدا عن دلوقت
تقريبا كانوا كلهم الا من رحم ربي طبعا ده بيرجع لقلة الوعي الديني
بس سبحان الله ياربي زمان مكانوش بقا اللي قبلهم بيقولوا عليهم جيل تلفان ولا بايظ بل بالعكس كانوا بيشجعوهم وعارفين ايه كمان انا شايفة انهم كانوا بيصاحبوهم ودي النقطة اللي احنا مفتقدينها دلوقت الصحوبية بينا وبين أهلنا فعشان كده هما حاسيين اننا بعيد اوي عنهم وتصرفاتنا كلها في نظرهم غلط في غلط وكذلك احنا كمان واصلنا نفس الاحساس
لأن معظمنا للأسف معرفتش والدتها تصاحبها ولا عرف والده يصاحبه معرفوش يقربوا مننا صح فبقا كل الكلام الصادر منهم اوامر وبس وشايفين كل التصرفات غلط جدا وعيب
أنا متهيألي وفي رأيي ان بعد الأهل عن أبنائهم وبناتهم هوالسبب الرئيسي ورا المقولة اللي دايما بتتردد

بس بجد مع الأسف كتير من أهالينا مقدروش يدونا فرصة نصاحبهم ونحكيلهم بحرية وهما يسمعونا وينصحونا بأسلوب الصديق لصديقه مش بأسلوب الأمر والنهي احنا اكيد عارفين انهم خايفين علينا كتير وقلقانين بس هما معرفوش يوظفوا الخوف ده صح كان لازم يكون في طريقة تانية للتعامل معانا والدخول لنا ولعقولنا غير الأمر والنهي

يعني ندي مثال بسيط : الأم يوم لما تعرف ان بنتها مرتبطة بشخص ما فورا تثور وانتي ازاي تعملي كده وليه وغلط وحرام اه فعلا كلامها صح مية المية بس طريقة الكلام هي اللي غلط يعني هيا لما تثور كده بالشكل ده وجايز تضرب البنت وتحبسها وتاخد منها الموبايل وتمنع عنها النت طب ليه ما تقربي منها شوية لأن أكيد المشاعر مش هتنتهي بالضرب ولا بالكلام دي مشاعر مش أفعال هنبطلها بسهولة لية الأم ساعتها متقربش من بنتها وتعرف ايه مدى العلاقة دي وتخلي العلاقة دي تحت عنيها وفي ظل الأسرة على الأقل الشاب ساعتها لو بيتسلى هيبان على حقيقته والبنت في الوقت ده هتتعلم من التجربة دي كويس اوي ولو الشاب ده كويس ومحترم اهو برضه هيبان وهتكون العلاقة واضحة وصريحة ومحددة وتكون قدام الاسرة برضه في الحالة دي هتتطمن الأم لأن بنتها مش هتخبي عنها حاجة وهتكون العلاقة قدامها وفي النور وهتكسب صداقة بنتها للأبد لكن للأسف العكس تماما بيحصل فبتضطر البنت تخبي على مامتها ووالدها وساعتها بيحصل ما لا يحمد عقباه ومن هنا بيكون في نظرهم الجيل بايظ وجيل مهبب ومنيل وهما مش عارفين انهم بيكونوا السبب

عاوزين نقلهم انه مش بالضرب ولا بكتر الأوامر والنواهي بل بالقرب ايوة بالقرب قربوا مننا شوية واحنا اكيد هنبقا احسن

واللي انا متوقعاه بقا ان جيلنا كله كأمهات وأبهات هيصاحبوا ولادهم وبناتهم فهيطلع الجيل الجاي احسن من الأجيال اللي فاتت كلهااااااااااااااااا ان شاء الله

مستنية أرائكم ومشاركتكم
ولكم منى التحية

[MagMan]

بصي يا نمنمه ...

الموضوع تمام جدا ...

بس انا ليا راي ...
اولا الموضوع ان جيلنا ده بايظ وفاشل وغيره ..

ده عادي دا لان الجيل اللي قبلنا كان بيتقاله كده واكتر من كده ...

وغي كدهاحنا فعلا عندنا وعي جدا بس في حاجه احنا عندنا وعي بدون مبالاه ,,,

يعني زمان ا في الاجيال اللي قبلنا كان نسبه التدين قليله بس اللي بيتدين كان بيطلع عبقري والدليل علي ذلك الموجودين حاليا ن المشايخ والمفتيين وغيرعمن من الدعاه ...

اما بقي في موضوع ان الاجيال اللي قبلنا كان بتلبس المني جيب والكات وغيرهم فدول بتوع افلام سعاد حسني وفاتن حمامه ورشدي اباظه والناس الهاي ليف ..
وباقي المجتمع كله تمام وانا مش بحب حد يقول علي سلفه كده يعني مش ينفع تقولي ان ماما وخالتي وستي وعمتي كانو بيلبس كذا وكذا ...

وفي حاجه كمان انا عاوز اخد رأيك فيها لما البنت تعمل علاقه مع ولد ومتفهميش غلط علاقه حب او حتي علاقه صداقه ... ده حرام ولا حلال ....

بكل المقايس اختلاط البنت بالولد ده حرام ...

ده من ناحيه ...

زمان انتي قلتي ان مامي وخالتو عمتو وستو كان بيلبسو الكات والمني جيب وغيرها بس كانت الست محترمه داخليا يعني مكانشي الاختلاط الموجود دلوقتي كان موجود ... دلوقتي بتبقي منقبه ودايره علي حل شعرها ...

وبعدين انتي لما تكبري ويكون عندك كده 300 او 400 سنه هتقولي علي احفادك دانتو جلي معفن وبايظ وفاشل وفافي وكل حاجه كانت بتتقال دلوقتي وتقوليلهم دا احنا جيلنا كان عنب ... كان جيل ميه ميا ...

اسف للاطاله ولي تكمله بس بعد ما اسمع باقي ااعضاء ...

موضوع تمام ومتزعليش من كلامي ....

[نمنمة المسلمة]

بصي يا نمنمه ...

الموضوع تمام جدا ...

بس انا ليا راي ...
اولا الموضوع ان جيلنا ده بايظ وفاشل وغيره ..

ده عادي دا لان الجيل اللي قبلنا كان بيتقاله كده واكتر من كده ...

وغي كدهاحنا فعلا عندنا وعي جدا بس في حاجه احنا عندنا وعي بدون مبالاه ,,,

يعني زمان ا في الاجيال اللي قبلنا كان نسبه التدين قليله بس اللي بيتدين كان بيطلع عبقري والدليل علي ذلك الموجودين حاليا ن المشايخ والمفتيين وغيرعمن من الدعاه ...

مرحبا بك أخي ماج مان نورت الموضوع بمشاركتك ورأيك


من ناحية الوعي الديني الحمد لله متوفر عندنا والحمد لله برضه في نسبة كبيرة جدا بتطبقه أو بتحاول تطبقه ودي حقيقة ملموسة لو مشيت في الشارع هتشوف كام بنت محجبة حجاب صح وماشيين باحترامهم اوي وانا شخصيا لما بقرب منهم وبعرفهم بلاقي شخصيتهم انعكاس لزيهم واتمنى يارب ان كل البنات يكونوا كده ومتزعلش مني ان اللامبالاة بالوعي الديني نسبتها الأكبر بتكون عند الشباب ومن غير انحياز والله وفيها نسبة في البنات برضه بس احنا هنا مش بنتكلم بصفة خاصة احنا بنتكلم عموما يعني حضرتك مش معايا ان الحمد لله الجيل ده في شباب ملتزم كتير جدا بنات وولاد ومن الواقع اللي بنشوفه البنات نسبة التزامهم اكبر مش بس بالحجاب بحاجات تانية كتير وبعدين شوف في كام منتدى ديني للفتيات فقط أو للرجال فقط شوف فيه كام ألف بنت سواء من مصر أو من غيرها ومستمرين وبيشجعوا بعض وعاملين صحبة صالحة يعني ده دليل ان فيه وعي الحمد لله وبيتنفذ وانا بتكلم عن تجربة وواقع عيشاه وعيشته ....

اما بقي في موضوع ان الاجيال اللي قبلنا كان بتلبس المني جيب والكات وغيرهم فدول بتوع افلام سعاد حسني وفاتن حمامه ورشدي اباظه والناس الهاي ليف ..
وباقي المجتمع كله تمام وانا مش بحب حد يقول علي سلفه كده يعني مش ينفع تقولي ان ماما وخالتي وستي وعمتي كانو بيلبس كذا وكذا ...

بص والله كل الكلام اللي قلته مقصدتش بيه شخص بعينه انا اتكلمت عموما بس دي الحقيقة فعلا وشفت بعيني في الصور القديمة وغيرها وزمان كان عدم الحجاب شيء عادي بس تعالى نتكلم في الواقع مش معايا ان في العصر بتاعنا ده احنا حتى يابنات لما بنشوف بنت بشعرها أو لابسة لبس مش تمام احنا من جوانا بنستنكر المنظر ده لأننا مش متعودين عليه ولا أيه وده بيحصلي انا شخصيا ولصحابي كلهم ....فكل اللي قلته كان شيء واقع والحاجات دي مكانتش في الأفلام وبس وفي الواقع كمان ووالدتي كانت بتحكيلي

وفي حاجه كمان انا عاوز اخد رأيك فيها لما البنت تعمل علاقه مع ولد ومتفهميش غلط علاقه حب او حتي علاقه صداقه ... ده حرام ولا حلال ....

بكل المقايس اختلاط البنت بالولد ده حرام ...

ده من ناحيه ...

زمان انتي قلتي ان مامي وخالتو عمتو وستو كان بيلبسو الكات والمني جيب وغيرها بس كانت الست محترمه داخليا يعني مكانشي الاختلاط الموجود دلوقتي كان موجود ... دلوقتي بتبقي منقبه ودايره علي حل شعرها ...

وبعدين انتي لما تكبري ويكون عندك كده 300 او 400 سنه هتقولي علي احفادك دانتو جلي معفن وبايظ وفاشل وفافي وكل حاجه كانت بتتقال دلوقتي وتقوليلهم دا احنا جيلنا كان عنب ... كان جيل ميه ميا ...

اسف للاطاله ولي تكمله بس بعد ما اسمع باقي ااعضاء ...

موضوع تمام ومتزعليش من كلامي ....

وانا مقلتش ان الأختلاط حلال راجع كلامي تاني انا اتكلمت على الأسلوب في المعاملة ما بين الأم وبنتها أو الأب وابنه انا مبقولش انهم غلط في كلامهم انا بقول على الأسلوب مش معايا ان لما يكون الأسلوب لين والنصيحة تيجي من صديق افضل من الأوامر والنواهي خصوصا مع الجيل ده بالذات لأن اكترنا بيحس انه فاهم الدنيا دي كلها ومش محتاج اي حاجة من اي حد غيره انا بتكلم عن بعد الأم عن بنتها والأب عن ابنه يعني حضرتك ممرش عليك يوم من الأيام كان في جواك شيء مخبيه وكان نفسك تحكيه لوالدك أو والدتك بس خفت من رد الفعل انا شخصيا مر عليا كتير وبعدين انا مبانديش بالاختلاط لا بص يااخي الكريم الاختلاط موجود للأسف غصب عننا هو الحمد لله انا كنت في مدرسة وجامعة مفيهاش اختلاط بس قرايبي واصحابي اكترهم كانوا في جامعات مختلطة الاختلاط حرام طبعا بس موجود يبقا نعمل ايه نقننه ونحدده ونخليه قدامنا ولا يكون من ورانا وده بيحصل والله في اغلب البيوت وبيؤدي لأشياء في الاخر كلنا عارفين نهايتها المؤسفة يبقا ليه منقربش من أولادنا عشان يرتاحولنا ويتكلموا معانا بحرية واحنا نوجههم بهدوء ومن غير عصبية اخي انا بتكلم عن واقع بيحصل فعلا مش عاوزين نضحك على بعض ونداري الحقيقة للأسف هي دي الحقيقة


وبعدين ممكن تكون منقبة زي ما بتقول واخلاقها مش كويسة او بتداري ورا النقاب لكن احنا للأسف فينا عيب ان الحسنة بتخص والسيئة بتعم يعني لو شفنا واحدة منقبة كده يبقا كلهم كده المنقبات دول بيهم وعليهم ....الخ لكن كل واحدة وكل واحد بيحمل وزره لوحده مش الكل معاه ولازم نعرف نحكم صح مش نعمم في الأحكام ونظلم الصالح ونخليه يساوي الفاسد لمجرد الشبه في اللباس
جايز ناس غيري تقول كده على الأجيال اللي بعدها بس احنا مش عاوزين نكرر أخطاءنا احنا عاوزين نلاقي حلول ونطبقها ولا ايه مش عاوزين نفضل نتكلم وخلاص

ومشكووووور اخي الكريم على مشاركتك وردك البناء وانا والله مش بزعل ولا حاجة احنا بنتناقش مش أكتر وجزاك الله كل خير وأتمنى إننا نكون بنفيد ونستفيد ورسالتنا وكلامنا يوصل للكل وبانتظار باقي الأعضاء الكرام

[نمنمة المسلمة]

بانتظار باقي الأعضاء الكرام برجاء من الجميع التفاعل وابداء الرأي

فرأيك يهمنا

[طيف عابر]

ولا يهمك نمنمة رح نتناقش معك حبيبتي ولي عودة ان شاء الله لكن لانه محتاج فعلا نقاش واهتمام
احجز مكان ولي عودة والف شكر على الفكرة الحلوة
انتظريني

[طيف عابر]

اسمحيلي اشكرك كمان مرة على طرحك الرائع واوافقك بشدة على الجمله هادي

عاوزين نقلهم انه مش بالضرب ولا بكتر الأوامر والنواهي بل بالقرب ايوة بالقرب قربوا مننا شوية واحنا اكيد هنبقا احسن

واللي انا متوقعاه بقا ان جيلنا كله كأمهات وأبهات هيصاحبوا ولادهم وبناتهم فهيطلع الجيل الجاي احسن من الأجيال اللي فاتت كلهااااااااااااااااا ان شاء الله

باقي الموضوع نبتدي نقطة نقطة

اولاً التعميم مش صح في الموضوع لانه الكلام فقط عن عينة معينة من المجتمعات العربيه وليس جميعها
شخصياً ماما بتعاملنا فعلا كصديقات وكل شيء عنا بتعرفه لكن مش كل شيء بتتقبله
اهم شيء في العلاقه العائليه هو الصراحة فعلا خاصه بين الاب وابنه او البنت وامها
ساعتها مفيش اسرار فبالتالي مفيش اخطاء ولا تجاوزات

اما موضوع البنت تعرف اهلها على صديق او حبيب فصعب جداً واتوقع لو انتي ام برضه صعب تتقبليه
ليه؟
لاننا تعودنا على عدم الوثوق الا في حالة التقدم فعليا للخطبه او الزواج واتوقع انا مع الاهل واوافقهم ولا اتخيل نفسي اقبل ان تحضر ابنتي صديق الى المنزل لاتعرف عليه

ممكن لو حصل اعجاب يحصل مصارحة واستشارة ويقرر الاهل فيما اذا كان الامر مقبول ام لا
ويقابل الشاب الاهل ويسمعوا منه نيته بالضبط تعارف وصداقه ام زواج ويحصل ارتباط بالكلام واتفاق على عدم الخروج والمقابلات طبعا

اما عن موضوع انه جيل بايظ فليس الجميع فهناك الكثير من الناجحين والمميزين في جيلنا كما في الاجيال السابقه فلا الجميع يرتدي جينز ساحل
او شغلهم الشاغل الاغاني وملاحقة الفتيات

لي عودة ان شاء الله

[شمس]

السلام عليكم ورحمة الله
حكلم بصفي ام وان شاءالله كلكم حتبقوا مسؤولين وممكن ساعتها تفهموا اكثر
لو اتقال شباب بايز فده مش معناه
ان الكلام موجه للجميع طبعا فيه ماشاء الله
شباب ربنا يحفظه (عقل ورزانة واخلاق عالية
عالية) بخلاف النوع الثاني المستهتر ولا بتنفع فيه لا نصيحة ولا اي كلام غير متحمل للمسؤولية
اتعود انه يلاقي كل طلباته مجابة ولا حاسس
ازاي اهله بيتعبوا وبيكافحه عشان لقمة عيش واحدة كل همه انه يلبس ويتقنزح قدام صحابه (ده النوع المقصود ببايز)
اما بخصوص البنت تقول لاهلها على حبيبها
حبيبها او صديقها فده مسالة صعبة شوية
الصعوبة مش في انها تقول او تخبي
الصعوبة في الاهل واختلاف الفكر ونوعية العقل لو البنت اتعودت من صغرها تحكي لامها
وفي نفس الوقت لو الام فتحت قلبها لبنتها
وكانت ليها اقرب صديقة فتاكدي حيكون الامر سهل لكل واحدة منهم لا البنت حتخبي
ولا الام حتتصرف بطريقة عشوائية
بالعكس ممكن تنصحها وتفيدها اكثر
هي الصراحة والصدق من الاول نميمة
اما بخصوص النقاب والميني جيب وكدا
فزمان كان النقاب وبردو الميني جيب
ومفيش حاجة اتغيرت هو تغيير بسيط في الشكل
الشكل ونوعية البشر بردو اتغيرت
ومش معنى ان فيه واحدة مشيها بطال وبتتستر ورا نقاب ان الكل كدا ماعاذ الله
النقاب والحجاب نعمة من عند ربنا
وهو شرف وافتخار لاي مسلمة ونطلب
الهداية لبناتنا وشبابا ونقول لهم
حافظوا على دينكم وراعوا واتقوا والديكم
اهاليكم لانكم بكرة حتبقوا ابهات وامهات
والحياة مش دايمة بصغرها ولا بلهوها
لانها لو دامت لغيرنا ما وصلت الينا
بجد موضوع مميز ويستحق المتابعة
بالتوفيق نميمة

[نمنمة المسلمة]

ولا يهمك نمنمة رح نتناقش معك حبيبتي ولي عودة ان شاء الله لكن لانه محتاج فعلا نقاش واهتمام
احجز مكان ولي عودة والف شكر على الفكرة الحلوة
انتظريني

مشكورة ياحبيبتي لتشريفك الموضوع ومكانك محجوز دايما حبيبتي

باقي الموضوع نبتدي نقطة نقطة

اولاً التعميم مش صح في الموضوع لانه الكلام فقط عن عينة معينة من المجتمعات العربيه وليس جميعها
شخصياً ماما بتعاملنا فعلا كصديقات وكل شيء عنا بتعرفه لكن مش كل شيء بتتقبله
اهم شيء في العلاقه العائليه هو الصراحة فعلا خاصه بين الاب وابنه او البنت وامها
ساعتها مفيش اسرار فبالتالي مفيش اخطاء ولا تجاوزات

حبيبتي هو ده بالظبط اللي انا اقصده عدم التقبل بصي هما عندهم حق طبعا مية المية انهم مش يتقبلوا مننا كل حاجة بس مش معايا برضه ان اوقات عدم التقبل منهم بيكون قاسي شوية على الأولاد والبنات وبيخلي المسافات تبعد حبة وتدخل بينهم عدم الصراحة مش معني كده انهم يقرونا على كل شيء بالعكس بس النصح وعدم التقبل يكون بأسلوب يخلي الثقة متروحش ابدا من الطرفين لبعض انا قصدت الأسلوب حبيبتي أسلوب عدم التقبل وربنا يديم علينا نعمة الأم والأب يارب ويديمهم فوق روؤسنا

ممكن لو حصل اعجاب يحصل مصارحة واستشارة ويقرر الاهل فيما اذا كان الامر مقبول ام لا
ويقابل الشاب الاهل ويسمعوا منه نيته بالضبط تعارف وصداقه ام زواج ويحصل ارتباط بالكلام واتفاق على عدم الخروج والمقابلات طبعا

وده اللي قصدته بالظبط عشان ميكونش فيه أسرار مستخبية انه لما يحصل اعجاااب يحصل مصارحة بين الأهل والبنت أو الولد على الأقل الشاب تبان جديته او لا ويعرف ان البنت مش لعبة ولا تسلية واللي المفروض يتعمل وقتها ان العلاقة دي تتقن ازاي بقا يعني مثلا الأهل يحكموا ان الأولاد لا يشوفوا بعض ولا يتقابلوا نهائي لحين اعلان الارتباط الرسمي وده يكون بالاتفاق بين الجميع وحتى المكالمات بلاش أو تكون كل شهر مرة وتكون بعلم الأهل وأمامهم أو بلاش خالص المهم اننا نعرف نكسب أولادنا ونكسب ثقتهم فينا وتاني بأكد مش معنى كده اننا نحلل الحرام ليهم لا احنا هنفهمهم الصح من الغلط وبعدين هو مش في حديث عن الرسول صلى الله عليه وسلم يقول فيه : " لا أرى للمتحابين إلا الزواج " يعني الرسول صلى الله عليه وسلم كان على علم انه في حب واعجاب شئنا أم أبينا لأن القلوب مش بايدينا بس الرسول صلى الله عليه وسلم قنن هذا الموضوع وحدده بحدود وهي الزواج يعني وجد الحل المناسب وقتها طب لو في زماننا ده هيكون ايه الحل ماهو برضه الشباب قدامهم كتير على مايعملوا حاجة طب يبقا المفروض يتقنن الموضوع ويتحدد ويكون قدامنا افضل ما يكون من ورانا

اما عن موضوع انه جيل بايظ فليس الجميع فهناك الكثير من الناجحين والمميزين في جيلنا كما في الاجيال السابقه فلا الجميع يرتدي جينز ساحل
او شغلهم الشاغل الاغاني وملاحقة الفتيات

لي عودة ان شاء الله

عندك حق مش الكل وانا قلت قبل كده ده عيبنا ان الحسنة بتخص والسيئة بتعم ...........وبانتظارك حبيبتي ونورتيني والله

[نمنمة المسلمة]

السلام عليكم ورحمة الله
حكلم بصفي ام وان شاءالله كلكم حتبقوا مسؤولين وممكن ساعتها تفهموا اكثر
لو اتقال شباب بايز فده مش معناه
ان الكلام موجه للجميع طبعا فيه ماشاء الله
شباب ربنا يحفظه (عقل ورزانة واخلاق عالية
عالية) بخلاف النوع الثاني المستهتر ولا بتنفع فيه لا نصيحة ولا اي كلام غير متحمل للمسؤولية
اتعود انه يلاقي كل طلباته مجابة ولا حاسس
ازاي اهله بيتعبوا وبيكافحه عشان لقمة عيش واحدة كل همه انه يلبس ويتقنزح قدام صحابه (ده النوع المقصود ببايز)
اما بخصوص البنت تقول لاهلها على حبيبها
حبيبها او صديقها فده مسالة صعبة شوية
الصعوبة مش في انها تقول او تخبي
الصعوبة في الاهل واختلاف الفكر ونوعية العقل لو البنت اتعودت من صغرها تحكي لامها
وفي نفس الوقت لو الام فتحت قلبها لبنتها
وكانت ليها اقرب صديقة فتاكدي حيكون الامر سهل لكل واحدة منهم لا البنت حتخبي
ولا الام حتتصرف بطريقة عشوائية
بالعكس ممكن تنصحها وتفيدها اكثر
هي الصراحة والصدق من الاول نمنمة
اما بخصوص النقاب والميني جيب وكدا
فزمان كان النقاب وبردو الميني جيب
ومفيش حاجة اتغيرت هو تغيير بسيط في الشكل
الشكل ونوعية البشر بردو اتغيرت
ومش معنى ان فيه واحدة مشيها بطال وبتتستر ورا نقاب ان الكل كدا ماعاذ الله
النقاب والحجاب نعمة من عند ربنا
وهو شرف وافتخار لاي مسلمة ونطلب
الهداية لبناتنا وشبابا ونقول لهم
حافظوا على دينكم وراعوا واتقوا والديكم
اهاليكم لانكم بكرة حتبقوا ابهات وامهات
والحياة مش دايمة بصغرها ولا بلهوها
لانها لو دامت لغيرنا ما وصلت الينا
بجد موضوع مميز ويستحق المتابعة
بالتوفيق نميمة

مشكورة حبيبتي لتشريفك الموضوع ومشاركتنا رأيك البناء بارك الله فيكي وكلامك صح مية المية ياريت تقربوا بجد من ابناءكم وتقبلوهم واسمعوا كل كلامهم بدون عنف أو تخويف ليهم عشان تصير الصراحة هي اساس العلاقة

[ساندرا]

انا بدي اشكرك كتير على الموضوع المتميز كتير والاراء كلها حلوه وما باقي شيء اقولو الا انو انا جربت اصارح ماما وكلشي بقلها او لاختى الاكبر منى
ومن شان هيك احمد الله واشكره كل ما اجى اقع بالغلط بنبهونى وبساعدونى وانا مرتاحه كتير بحياتى وما عندى مشاكل لانى دايما بصارحهم بكلشي
وبساعدونى وبعطونى الحل
شكرا كتير بارك الله فيكى