شكرا ميدو على النصائح المفيدة داخل المطبخ وبالفعل كلها مواقف بتتعرضلها كل وحدة جوا المطبخ
يلاّ نشوف المشاكل وحلولها مع بعضساعات وإنتِ بتطبخي والأكل لسه على البوتاجاز بعد ما تحطي الملح وتدوقي الأكل تلاقي إن الأكل طلع ملحه كتير شوية.. طبعا بتزعلي وبتبقي مش عارفة تعملي إيه بالرغم من إن الحل بسيط جدا وكل الحكاية إنك والأكل لسه على النار تجيبي بصلة وتقشريها وتقطعيها إلى قطع صغيرة جدا وتحطيها في الحلة اللي فيها الأكل ده وهي هتمتص أي ملح زيادة.
_ _ _ _ _ _ _ _ _ _ _ _
المشكلة الأولى
زيادة الملح في الطعام
أو إنك تضيفي معلقة صغيرة من السكر وهي هتضيع لك أي ملوحة في الطعام.
المشكلة التانيةأكيد لو سألت أي بنت وقلتِ ليها إيه هي الحاجة اللي مش بتحبيها في المطبخ هتقول لك على طول البصل لأنه بيسبب دموع وحرقان في العين...
دموع البصل
والحل هو إنك تحطي البصل قبل ما تنظفيه في حلة فيها مية لمدة نصف ساعة وبعد كده هاتيه ونظفيه وقطعيه وإن شاء الله مش هيبقى فيه دموع نهائي.. دي طريقة، وفيه طريقة تانية وهي إنك تحطي البصل بعد ما تقشريه في الفريزر لمدة نصف ساعة.
المشكلة الثالثةممكن وإنتِ بتعملي الأكل تلاقي جرس الباب رن وتروحي تفتحي وترجعي تاني للمطبخ تلاقي إن الأكل لزق في الحلة.. طبعا مش معقول إنك ترمي الأكل..
الأكل لزق على النار
علشان كده أحسن حل هو إنك تطفي البوتاجاز بسرعة وتجيبي حلة تانية وتحطي فيها الأكل ما عدا الجزء اللي لزق.
المشكلة الرابعةدي حاجة كلنا عارفينها وهي إن فيه أنواع من الخضار لونها بيتغير بسرعة وبيسود بعد ما بتتقشر زي البطاطس والباذنجان، وحل الموضوع ده إنك تقشري البطاطس وتقطعيها وتحطيها في مية بملح ونفس الشيء مع الباذنجان الأسود.
تغير لون الفاكهة أو الخضار
أما بالنسبة للفاكهة زي الموز أو التفاح فياريت إنك تضيفي إليهم عصير الليمون على طول علشان لونهم مايتغيرش.
المشكلة الخامسةدي بقى مشكلة ناس كتير بتعاني منها لدرجة إن فيه ناس مش بتحب إنها تقلي أو تشوي سمك في البيت بسبب موضوع الريحة اللي بيسببها السمك....
للتخلص من رائحة السمك في المطبخ
وعلشان تتخلصي من الريحة دي فيه شوية حاجات ممكن إنك تعمليها علشان تقدري إنك تقلي أو تشوي من غير أي ريحة.
والحاجات دي هي:-
1- حطي شوية خل أو عصير ليمون في زيت القلي أو ضيفي شوية من قشر الليمون الطازج للزيت وعلى فكرة الحركة دي بتدي للسمك طعم حلو قوي، وبكده يبقى إنتِ ضربتِ عصفورين بحجر واحد، خلصتِ من ريحة السمك وحصلتِ علي طعم حلو.
2- أو إنك تحطي قطعة فحم غير مشتعلة على الفرن بجانب الصينية اللي بتقلي فيها وخدي بالك إنك تغطي الصينية دي وافتحي مروحة الشفط والشبابيك كلها وبعد ما تخلصي مافيش مشكلة من إنك ترشي معطر جو في الشقة وبكده مش هتلاقي ريحة نهائي.
المشكلة السادسةساعات كتير وإنتِ بتسلقي البيض ممكن إن البيض يتعرض لحدوث شرخ أو كسور أثناء السلق...
كسر البيض أثناء السلق
علشان تتغلبي على المشكلة دي يبقى ياريت تحطي معلقة صغيرة خل في المية أو معلقة ملح.
كمان خدي بالك إنك لو لقيتِ إن البيضة اللي هتسلقيها مشروخة يبقى حطي عصير ليمونة في مية السلق أو غلفي البيضة المشروخة بورق الفويل.
المشكلة السابعةممكن إنك تجيبي خس وبقدونس وعلى آخر اليوم تبصي عليه تلاقي لونه بدأ يصفر..
الحفاظ على الخضروات الورقية من التلف
علشان تتخلصي من المشكلة دي يبقى ياريت بعد تجيبيهم وتغسليهم كويس وبعد كده تجففيهم وتحطيهم في فوطة وتحطيهم في كيس نايلون وبكده تضمني إن الحاجات دي هتقعد معاكِ لمدة عشرة أيام ده غير إنها هتكون نظيفة وجاهزة على الاستعمال.
المشكلة الثامنةفيه بنات كتير قوي بتعتبر شوي اللحوم أو الأسماك مهمة صعبة تكاد تكون مستحيلة بالرغم من إن الشوي ده مافيش أبسط منه.
شوي اللحوم والفراخ والسمك
وكل الحكاية إنك تاخدي بالك من شوية الحاجات البسيطة دي:
1- شيلي الدهون الموجودة في الفراخ أو اللحمة قبل الشوي.
2- ماتستخدميش شوكة لتقليب اللحمة أو الفراخ المشوية علشان اللحوم ماتتجرحش منك ويبقى شكلها مش لطيف أثناء التقديم.
3- ماتقلبيش اللحمة أو الفراخ أثناء الشوي كل شوية يعني كفاية مرة واحدة لكل ناحية.
4- خدي بالك وإنتِ بتشوي السمك إن فيه أنواع من الأسماك زي البلطي مثلا لازم تحطي فيها ردة علشان ماتلزقش في الشواية وفيه أنواع تانية يفضل لفها بورق حراري علشان ماتلزقش.
المشكلة التاسعةزي ما الشوي مهمة صعبة برضه التحمير والقلي في الزيت مهمة صعبة علشان اللحوم أو الأسماك دي ممكن إنها تلزق أو الزيت ممكن إنه يتطاير عليكِ أثناء القلي.
تحمير اللحمة والفراخ والسمك
علشان كده لازم تاخدي بالك من شوية الحاجات دي اللي لو عملتيها يبقى إن شاء الله مش هتلاقي مشكلة.
1- اتأكدي الأول إن الصينية اللي هتقلي فيها مافيش فيها أي آثار للمية ولو حتى مية بسيطة ومن الأحسن إنك تحطيها الأول على النار لمدة 3 دقائق، وبعد كده تحطي الزيت وبكده تضمني إن الزيت مش هيتطاير عليكِ.
2- اتأكدي إن الزيت سخن كويس قبل ما تحطي أي حاجة فيه علشان لو حطيتِ قبل ما الزيت يسخن هتلاقي إن السمك أو الفراخ لزقت فيه.
المشكلة العاشرةأنا عارفة إن سلق اللحمة أو الفراخ مافيش فيه مشكلة بس معلش فيه شوية حاجات بسيطة خدي بالك منها وهي:-
سلق اللحمة أو الفراخ
1- قبل ما تحطي اللحمة أو الفراخ في المية اتأكدي إن المية دي وصلت فعلا لمرحلة الغليان.
2- ماتحطيش الملح بعد ما تحطي اللحمة والفراخ على النار... استني شوية وقبل ما اللحمة أو الفراخ تستوي بربع ساعة حطي الملح والتوابل.
3- لو لقيتِ إن اللحمة أخذت وقت طويل جدا على النار من غير ما تستوي يبقى ضيفي إليها معلقة صغيرة من السكر وهي هتستوي على طول.
منقوووووووووووووووووووووو ووووووووووووووووول
لاتعتمد على الصديق فهو نادرولاتعتمد على الحبيب فهو غادرولكناعتمد على الله فهو قاااااااااادر
البحث على جميع مواضيع العضو mido3d
شكرا ميدو على النصائح المفيدة داخل المطبخ وبالفعل كلها مواقف بتتعرضلها كل وحدة جوا المطبخ
شكرا علي المرور طيف
لاتعتمد على الصديق فهو نادرولاتعتمد على الحبيب فهو غادرولكناعتمد على الله فهو قاااااااااادر
البحث على جميع مواضيع العضو mido3d
الذين يشاهدون الموضوع الآن: 1 (0 من الأعضاء و 1 زائر)