هل انت راض عن الرئيس محمد مرسي حتي الان؟؟ ماا رايك في الحكومه الجديده ؟؟

[Young DeviL]

اهلا وسهلا باحسن اعضاء



اعضاء مصراوي كافيه

طبعا كلنا كان لينا اختيارات لرئيس الجمهوريه مننا اختار الرئيس الحالي ومننا اختار غيره لكن في النهايه اراده الصندوق الانتخابي قررت ان يكون رئيسنا

السيد محمد مرسي

فهل انتم كمواطنين راضيين حتي الان عن قرارته عموما ؟؟
وبنسبه كام في الميه ؟؟
وياتري هتحاولوا تدعموه ازاي ؟؟ وتساعدوا في رقي بلدكم ؟؟

وهل انتو راضيين عن قراراته في تشكيل الحكومه ؟؟؟

منتظره ارائكم

و
د
م
ت
م

[♥بـونـبـونـايـه سـكـره♥]

[IMG]http://im13.***********/2012-08-04/1344091604911.gif[/IMG]

[IMG]http://im24.***********/2012-08-04/1344092027161.gif[/IMG]

اها انا لحد ما موافقه بيه
انا كان نفسى يكون حمدين
بس اهو السيد محمد مرسى احسن من شفيق
وربنا يحفظ مصر يااااااااااارب
ويوصلها لبر الامان


[IMG]http://im13.***********/2012-08-04/1344091604512.gif[/IMG]

[Young DeviL]

تسلمي يا بنوبون لمشاركتك مهما كان المرشح اللي دعمناه في البدايه ورغم ان انا كمان لا انتخبته في الاولي ولا التانيه (ابطلت صوتي)
المهم حاليا رئيسنا السيد محمد مرسي عشان كده واجب عليا احترامه
وان شاء الله ربنا يقدم الاصلح لبلدنا

[SCREEM]

السلام عليكم ورحمه الله وبركاته

مبروك عالاشراف الاول السياسي نور
انا شايف ان الناس فضلت عايشه علي حكم مبارك 30 سنه وكان عندها امل انه يتحسن او يرفع مستوي البلد ف صعب جدا احكم علي حكم الاخوان في كام يوم عدو

[Young DeviL]

الله يبارك في حضرتك
هو فعلا مينفعش نحكم حاليا علي الحكم كامل او اسلوب الحكم لان دا مظهرش
لكن في قرارات اتاخدت في مواقف كتير عدت بيها البلد تحت رايته وحكمه علي الاقل نكون راضيين او لا عن اللي حصل وبيحصل كل يوم

[نور نور]

والله انا اصلا من مؤيدين صباحي لكن لما كنا بنختار بين الثورة واللا ثورة كان لازم نختاروا مرسي يعني كنا مضطرين لكن بجد هو اثبت انه كويس جدا وكل قرراته لحد دلوقتي سليمه بنسبه كبيره جدا وخصوصا انه شال طنطاوي وعنان والكهربا بعدها مبقتش بتقطع خالص الريس بيحاول يرضي كل الاطراف وطبعا مش هيقدر وفي ناس ضده لكن ان شاء الله خير وانا متفائله جدا جدا وحاسه ان قريب هترجع مصر ام الدنيا واكيد احنا هنساعده عن طريق ان كل واحد يعمل اللي عليه في شغله ويرضي ضميره لان بجد اسوء حاجه ان اغلب الناس مبقاش عندها ضمير لو كل واحد عرف دوره وعمله صح اكيد البلد دي هتتقدم ان شاء الله لان النهضه مش هيقوم بيها شخص واحد لازم كلنا نكونوا ايد واحده عشان نبني بلدنا من جديد واكيد اللي حصل امبارح في "ثورة " 24 اغسطس مع الاعتذار عن كلمه ثورة وضح للعالم كله حجم الثورة المضاده وان الناس مقتنعه بأداء مرسي لحد دلوقت ولو بشكل جزئي

[ابو تريكه]

دعاء

حمد الله ع السلامه

نورتى المنتدى من جديد

ياااااااااااااااااه غيبه طويله اوى

يارب تكونى بخير وصحه وسرمه وكل سنه وانتى طيبه

كلامك زى الفل وفعلا حتى لو مكناش اخوان احنا مصريين واللى يحط مصلحه مصر اولا احنا معاه وجنبه وف ظهره

ولازم كلنا نكون جنبه كل واحد ف مجال عمله كل واحد يؤدى الواجبات اللى عليه الاول قبل ما يفكر يطالب بحقوقه

وان شاء الله مصر راجعه واقوى مما كانت بس لازم نصبر شويه ونستحمل شويه

وربنا يوفق الجميييييييييييييع

دمتى ف طاعه الرحمن

[Young DeviL]

فعلا نور النهضه هنقوم بيها كلنا

تسلمي لمشاركتنا برايك

[Young DeviL]

يارب فعلا يا محمود مصر ترجع سواء بايده او بايد غيره بس ترجع وخلاص

تسلم لمرورك

[العادلي]

اين الامن والامان يارئيس يمنتخب