اشتاتا شلتوت

[Young DeviL]

اشتاتاً شلتوت , البيت مسكون والواد ملبوس
واااااااااااااه
>> الاشباح <<


تعتبر الاشباح اشهر ظواهر ماوراء الطبيعة علي الاطلاق , وغالباً ماتفسر الاشباح علي انها روح قتيل او ميت , وتنتشر هذه الظاهره في معظم دول العالم ,
ولكن طبعاً الوطن العربي هو اكبر مركز لتواجد الاشباح علي الأرض , احتمال يكون الاشباح اصلهم عربي عشان كده بيحبونا ,
او يكون عندهم كليه واحده وهيا هندسه البترول عشان كده بيشتغلوا في الدول العربية ,
او يكونوا منظمين طوابير عيش وانابيب عشان كده بيشتغلوا في مصر
..



عادة ماترتبط ظاهرة الاشباح في دول العالم ببقعة معينة كالمنازل او السفن, لكن الأمر تطور عندنا ووصل للبني ادمين ,
طبعاً نحن نختلف عن الاخرون , والعجيب ان دايماً الاشباح في البلاد الاوروبيه بيكون عندهم زوق وفخامه ,
عشان كده دايماً بيتواجدوا في القصور الفخمه والعريقه والتاريخية , كما يعتقد الناس ,
هل تطلق هذه الاقوال لابعاد الناس عن تلك المعالم الاثرية سوي للزيارات فقط ,ام ان هناك اشباح حقيقيون ؟! ,
ممكن وممكن , من اشهر الاماكن اللي بيقولوا انها مسكونه بالاشباح في العالم هو قصر (كليمز ) التاريخي والموجود في مدينة ستراثمور الاسكتلندية ,
ويمتلك هذا القصر خلفية تاريخية مرعبه تصلح لأن تكون مصدر للشائعات , ففي عام 1034 قتل الملك ( مالكولم ) في هذا القصر علي ايدي بعض المتمردين المسلحين ,

وبعدها احرقت سيدة القصر ( جانيت دوغلاس ) علي خازوق بتهمة الشعوذة , ولكن بعد فترة من الزمن ثبتت برائتها من التهم المنسوبة ليها !!



ومن وقت ماثبتت برائتها ترددت الكثير من الاقاويل حول ظهور شبح السيدة ( جانيت دوغلاس) وهو بيتجول في ممرات القصر



كما يوجد ايضاً منزل ( ميغرز ) الذي يقع في قلب لندن , حيث نسجت العديد من القصص حول كائن نحيل جداً يقطع سلالم المنزل نزولاً وصعوداً ! ,
طبعاً لازم يكون نحيل جداً من كتر الرياضه اللي بيعملها علي السلالم



وحاول كتير من الناس يصوروا صور فيها اشباح ويقوموا بانزالها علي الانترنت , الا ان معظم تلك الصور تم اثبات زيفها !

..



ويختلف تفسير ظاهرة الاشباح من شخص الي اخر , اذ يري البعض ان الامر قد يكون متعلقاً بالجن
, في حين يري الباحثون في بريطانيا بعد اجراء سلسله طويلة من الدراسات حول معظم البيوت المسكونه بالاشباح ,
أن معظم هذه البيوت بها طاقة كهرومغناطيسية مرتفعه وتلك الطاقة تؤثر علي عقول ساكني المنزل , الأمر الذي يجعلهم في حاله اشبه بالهلوسه
فيخيل لهم انهم يروا اشكال واشباح ليس لها وجود واقعي !
,,


اما التفسير العلمي التاني هو اتقال عندنا في المثل الشعبي


( اللي يخاف من العفريت يطلعله )


طبعاً العفريت مش هيطلع بجد لكن الانسان من كتر خوفه عقله الباطن هيعيش حاله الخوف
وزي مااحنا عارفين ان العقل الباطن مابيصدق يعيش ,
عشان كده هيهيألك ان فيه عفاريت قدامك وان فيه حاجات بتمشي وبتنور في الظلمه ,
كل ده انت بتضحك بيه علي نفسك من خوفك ,


..



طبعاً التفسير العلمي الاول بتاع الباحثين البريطانيين ده لو طبقناه عندنا هيفهمنا حاجات كتير جداااً



هنلاقي ان كل الناس اللي جواهم طاقه كهرمغناطيسية عاليه ومبيعرفوش يتخلصوا منها بيبقوا اول حاجه مخنوقين جدا
وبيجيلهم اكتئاب وكل مابتزيد الطاقه دي جواهم كل مابتسوء حالتهم لأسوء ,
طبعا الطاقه الكهرومغناطيسيه دي موجوده حوالينا حاليا بشكل رهيب , من الكهرباء الموجوده في الحوائط
لكل الاجهزه الكهربائيه اللي بتطلع اشعاعات .. تلفزيون , تلاجه , كمبيوتر, الخ ,

بجانب الهموم النفسيه اللي بتزود الطاقه السلبيه جوه الانسان , الانسان ده من كتر الطاقه الكهرومغناطيسيه اللي بقت في جسمه ومش عارف يتخلص منها , بتسببله حاجات غريبه ,
ممكن يشوف حاجات مش موجوده , ممكن يسمع اصوات ملهاش وجود , ( زي الفصام والانفصام وكله ليه علاقه بكهرباء وكيمياء المخ )
مع الازدياد في كميه الشحنات دي جوه الجسم الانسان ممكن يفضل يصرخ ويتمرمغ في الارض , زي اللي عنده صرع وكهرباء عاليه في المخ ,

وطبعاً بجهلنا اول حاجه نقولها

, ده عليه عفريت ولابسه جن شوفولنا الشيخ ممدوح عشان يطلعلنا العفريت ,
طبعاً لو دجال يبقي هياخد منك فلوسك ويبيعك اللي وراك واللي قدامك وفي الاخر يقولك العفريت هيخرج بعد 6 شهور , عشان يكون خلع هو لمكان تاني ,

او لو كان شيخ ابن حلال وعارف ربنا , هيقولك خلي ابنك يسمع قرآن ويشرب ميه مقروء عليها ,
ودي طبعاً اكبر طاقه ايجابية في الدنيا ,
عشان كده ابنك هيخف وهيبقي تمام التمام , مش علشان العفريت اللي عليه طلع , لكن عشان الطاقه السلبيه اللي جواه خرجت واتبدلت بطاقه ايجابية !


..


حتي العفاريت اللي بتتمرجح في الشقق


بعض الناس من اماكن معينه كانوا كل اما يسكنوا بيت يلاقوا الاثاث بيتحرك , الكراسي بترقص , الكنب بيروح يمين وشمال , النجف بيقع , حاجات من دي



راح مجموعه من العلماء المتخصصين عشان يشوفوا ايه اشباح المراجيح دي


اكتشفوا ان الناس اللي بيحصل معاهم الموضوع ده , عندهم قدرة تحريك الاشياء عن بعد وهما مش عارفين ,
ودي قدرة غير طبيعية موجوده عند بعض البشر , يقدر بيها يبص للحاجه ويحركها من علي مسافه ,
وبتكون القدره دي عند بعض مقدمين العروض السحرية , وبيقدروا يرفعوا اشخاص في الهواء ,

فالناس اللي في البيوت عندهم القدره دي عشان كده الحاجات بتتحرك بقدرتهم دي , وهم فاكرين ان الاشباح هيا اللي بتلعب لعبه الكراسي المتحركة !





ايه رأيك في ظاهرة الاشباح ؟؟
واااااااااااااه

[♥بـونـبـونـايـه سـكـره♥]

[IMG]http://im13.***********/2012-08-04/1344091604911.gif[/IMG]

[IMG]http://im24.***********/2012-08-04/1344092027161.gif[/IMG]

انا بيتهيألى الاشباح لا وجود لها
بس الجن موجود اكيد وذكر فى القرأن
انا عن نفسى كان زمان عندنا شقه كانت مسكونه
بس والله ما بكدب انا شوفت عفاريت بتتحرك وحاجات مش طبيعيه فى الشقه
وكان وقتها عندى 6 سنين
ومش انا لوحدى كل البيت عندى شافهم
ماما كانت بتشغل قرأن علتول ف الشقه مكانوش يظهرو الا لما النور يقطع والقرأن ينطفى
او الراديو يسكت بأى شكل
بس الحمد لله يعنى عزلنا منه

موضوعك مهم اووووووووووووووووى
وجميل كداااااااااا
دمتى متألقه حبيبتى

[IMG]http://im13.***********/2012-08-04/1344091604512.gif[/IMG]

[Young DeviL]

[IMG]http://im13.***********/2012-08-04/1344091604911.gif[/IMG]

[IMG]http://im24.***********/2012-08-04/1344092027161.gif[/IMG]
وعليكم السلام

انا بيتهيألى الاشباح لا وجود لها
بس الجن موجود اكيد وذكر فى القرأن
انا عن نفسى كان زمان عندنا شقه كانت مسكونه
بس والله ما بكدب انا شوفت عفاريت بتتحرك وحاجات مش طبيعيه فى الشقه
وكان وقتها عندى 6 سنين
ومش انا لوحدى كل البيت عندى شافهم
ماما كانت بتشغل قرأن علتول ف الشقه مكانوش يظهرو الا لما النور يقطع والقرأن ينطفى
او الراديو يسكت بأى شكل
بس الحمد لله يعنى عزلنا منه

موضوعك مهم اووووووووووووووووى
وجميل كداااااااااا
دمتى متألقه حبيبتى

[IMG]http://im13.***********/2012-08-04/1344091604512.gif[/IMG]

انا مؤمنه بوجود الجن لكن العفاريت والاشباح والحاجات دي بصراحه لا

متخوفينيش بقي هههههههههه

نورتي يا قمره

[ابو تريكه]

طبعا الجن موجود وليهم عالم زينا بالضبط بس احنا مش شايفنهم

العفاريت كمان موجوده بس طبعا مش هنشوفها لانها مش ممكن تظهر ف النور

العلاج بالقرأن ده فعلا مذكور وانا شفت وحضرت الموضوع ده كتييييير جدا

كمان موضوع تحريك الاشياء عن بعد ده موجود وانا قريت كتير عنه وكمان شفت افلام كتير ناقشت الموضوع ده

الموضوع كله لذيذ والاشباح حاجه فعلا كلنا بنقرأ وبنسمع عنها كتير

والكون ف ظواهر كتيره اوى ما وراء الطبيعه احنا مش ممكن ندركها والغاز لسه ع الرفم من التقدم العلمى ده الا اننا واقفين عاجزين قدامها

وده سبب اكبر يخلينا ندرك مدى وعظمه الله سبحانه وتعالى ونزعن له بالعباده والطاعه

الكون مشحون بأسرار *** اذا حاولت تفسيرا لها اعياكا
لله ف الافاق ايات ** لعل اقلها هو ما اليه هداكا

[Young DeviL]

الكون مشحون بأسرار *** اذا حاولت تفسيرا لها اعياكا
لله ف الافاق ايات ** لعل اقلها هو ما اليه هداكا

جامد جدا الشعر دا

فعلا في حاجات كتيره منعرفش عنها حاجه "وما اوتيتم من العلم الا قليلا" لكن احيانا بتزودها عن الحد لما اي حاجه تحصل نقول عفريت ونقول جن
دا ميمنعش انه موجود
لكن احنا بنزودها

[naadeen]

سلمت يداكِ

[Young DeviL]

تسلمي

- - - Updated - - -

تسلمي

[Ali Pharouq Najar]

:: موضوع مثير ::