الاقيش عندكو عريس؟

[Young DeviL]

ازيكم ياجماعه عاملين ايه

بما ان هنا االكافيه مليان شباب
بسم الله ماشاء الله
يسدوا عين الشمس قلت اختارلى واحد فيهم واتجوزه

وعشان كده عملت الاعلان ده


انا عايزه اتجوز
الاعلان للشباب فقط
البنات اللى داخله لزوم الحقد والنفسنه
تطلع بره
مش عايزين قر من اولها



انا ياناس هحكى لكم وانتوا احكموا
انا ليه عملت الاعلان


انا كل ماامشى فى المنتديات ادحرج
فى توبيك
اللى تدخل تقول انتى لسه ماتجوزتيش ياموكوسه طيب تعالى ورايا على التوبيك

ده وانتى هتلاقى فيه الحل السريع لايجاد ابو سريع
خدى الدعاء ده وقوليه الصبح وبالليل وبين الوجبات ولازم تكونى واخده شاورعشان يجيب المفيد و تعبك مايطلعش على واحد من ايام العبيد ........



واالمصيبه بقى انى ساكته وكاتمه فى قلبى بس اللى قاهرنى ان

كل ما حد يشوفنى ايه مفيش جديد؟؟

ارد والله ابدا لسه النصيب ماجاش

طيب ياحبيبتى ربنا يبعت

اها والنبى دعواتكم معانا


امشى شويه اقابل واحده تانيه قبل ماتتحقق منى اذا كنت انا المدعى عليها ولا لا
عنيها ترشق فى صوابعى

ايه يابت انتى لسه ماتجوزتيش ارد واقول لسه ابن الناس ال........... "الرقابه حذفت"

ماجاش الغايب حجته معاه بقى

ايه ده كله ايه ده كله

ماهو الراجل جاى جاى يارجاله هو هيروح فين يعنى ربنا يبعتوا بالسلامة

بس بيجهز نفسه ويستعد للهم اللى هيشيله

ويصبروا على اللى هيشفوا بعد كده

دا هيشوف ايام سودا بعيد عنكم اى والله اسالونى انا


والواحد يشوف الكلام ده يحس ان العمر بيضيع منه مع اننا لسه صغيرين فى عز شبابنا

ده احنا لسه مخلصناش دراسه يعنى لسه طازه


وعشان كده بقى قررت انى اعمل اعلان وانزله فى
الكافيه
ماهوانا مش لاقيه غير شبابنا اللى هنا

تدبيس تدبيس من الاخر

شششششششششششش

عايزه
اركز وانا بقولكم مواصفاتى عشان نكون على نور من اولها

هى
اللى هى انا يعنى


" بيضاء اللون – ممشوقه القوام – عريضه المنكبين- دلوعه – قويه الشكيمه – مش عارفه فى حاجه اسمها المجانس والترابس والمحابس
المهم موجوده يعنى ماتقلقوش
- قلب حنون- عطوفه – متواضعه –سخيه "مش سخيفه ياخفيف انت وهى "اقدس الحياه الزوجيه –

لدى وظيفه محترمه امتلك شقه فارهه – اشارك فى الاعمال المنزليه



هواللي هو الموكوس يعني

"اهو راجل والسلام "



واحده من البنات هتطلعلى تقولى

يالهويز اعلان كده فى الكافيه يابت اتكسفى


معلش بقى يابنات انا مش هتكسف اها ياجماعه اصلى هموت من الغيظ




دلوقتى تفتح التليفزيون تلاقى التتر
طويل عريض البت منزله لسته مواصفات عن نفسها اللى مدلعه واللى مولعه واللى رومانسيه واللى هيفا واللى خايفه واللى تافهه واللى .. واللى



ومش احنا وبس انا مش بحب انحاز للجنس الناعم ولا الخشن
وعشان كده لازم اوبخ الشباب اصلى بموت فى الشتيمه
اللى برضوا مايقلوش عننا فى الموضوع ده

بس على الاقل احنا ولينا عذرنا انما هما بقى بشوف منهم حاجات يالهويز ببقى عايزه الطم



اللى يقول وسيم طويل. عريض. شعر الصدر حسين. بدى بيلدنج
لا اعمل وليس لدى شقه ولكنى حنون امور زى العصفور "على اساس انى هتجوز فرفور"

وعايز واحده تمتلك شقه وعربيه ووظيفه كمان ليا اها اومال ايه هصرف على نفسى يكونش ده اللى فاضل


ايه اللى حصل ياناس مابقاش فى دم ولا احساس البنت بقى هو زوج المستقبل فى نظرها بالشكل ده


والواد مابقاش فى نخوه ولا رجوله عامل اعلان طويل عريض بتدور فيه على واحده تصرف عليك
والمصيبه ان معظمهم مش شغالين عاطلين وعايزين واحده تصرف عليهم
وهى ديه مواصفاتك فى زوجه المتستقبل شعرها طويل وعنيها حمرا



انا بجد معترضه اشد الاعتراض على اللى بيحصل ده
لو حد موافق عليه لاسباب معينه وحياه باباه ومامته يجى يوعينى ويفهمنى




عرفتوا بقى انا ليه عايزه اتجوز

دلوقتى عايزه بقى اتناقش معاكم فى الموضوع ده

اشوف احلى تفاعل فيك ياشارع

وعايزه عرسان بالهبل

فى رعايه الله

[مونه]

بصى ياقمرايه أولا أنا برحب بيكى صديقه وأخت
بس اللى انتى بتقوليه ده من ضمن الحاجات الكتير قوى
الغلط اللى حصلت بعد الثوره يعنى هايجو على كده وكرامتهم
هاتعز عليهم البلد باظت وأول حاجه شبابها اللى مفكرين
إن هما كده صح وبيعملو الصح بس فعلا كده مس صح مفهمتيش حاجه صح

[Young DeviL]

بصى ياقمرايه أولا أنا برحب بيكى صديقه وأخت
بس اللى انتى بتقوليه ده من ضمن الحاجات الكتير قوى
الغلط اللى حصلت بعد الثوره يعنى هايجو على كده وكرامتهم
هاتعز عليهم البلد باظت وأول حاجه شبابها اللى مفكرين
إن هما كده صح وبيعملو الصح بس فعلا كده مس صح مفهمتيش حاجه صح

انا ارحب بيكي اكتر يشرفني اكسب صديقه واخت جديده
بس دا مش من الثوره وبس دا من قبل الثوره كمان والقنوات في التلفيزيون مليانه ومن قبل الثوره