حوار مع قلبي المخدوع

[Mr.Mo0ody]

بقالك كتير بتتكلم عنها وعن حبها
طب ما تقولى ايه اللى خلاك تحب قلبها
وتقرب منها ومن حضنها
وتروح ليها وتصدق عنيها

معرفش حبيت اتجرح ولا ايه
شفت حنان وغرام بعيد
قربت منهم لقيت سراب
واتاريها سبتنى فى حبى ليها وحيد



عمرها ما فكرت تبعد عن عيونك
يمكن تكون مش عارفه تجيلك
بس قلبها هيفضل يحبك
ويتنمى يرجع تانى ويترمى فى حضنك



كنت الاول مستنيها
كان وقتها قلبى بيحس بيها
بس خلاص مش عاوز اشوف عنيها
دى ماتت لحظه ما فكرت
انها باعت فيا واشترت



متقلش عليها انها انسانة انانية
افتكر لما كنت بتتعب شويه
كانت بتحس بيك
وبتخاف من الهوا عليك
ولا افتكر ان عندها نفس احساسك
وافتكر كمان انها قدرت تنسيك بيتك وناسك



ده كان زمان لما كان عندها احساس
قدرت تشربنى من نفس الكاس
وتحس انها محبوبه ومرغوب فيها
على حساب قلبى اللى حس بيها
ولو على الاحساس قدرت تكدب فى احسسها
وتكون خاينه لقلب حس بملمسها
شهاده موتها اتكتب على ايدى
لوقلت ايه يا صحبى
مش هيفكر قلبى تانى فيها



خلاص يا صحبى انساها ولا اعتبرها ماتت
وادفن معاها كل ذكرياتك
وفوق بقا وعيش
وصدقنى هتحب تانى وتعيش
ما انا كنت زيك كده زمان
كنت بتجرح وكمان بتهان
لغاية ما لقيت اللى ادتنى الامان
سيبك يا صحبى من اللى فات
واعتبره وقت وخلاص مات
بس يا صحبى لازم تعرف ان اللى كنت عايش فيه
كان وهم وجرح صغير من الزمااااااااااان

بجد يا جماعه رأيكو يهمنى جد ً لأنه هيحدد ليا حاجات كتيير قوى

[japanys]

خلاص يا صحبى انساها ولا اعتبرها ماتت

وادفن معاها كل ذكرياتك
وفوق بقا وعيش
وصدقنى هتحب تانى وتعيش
ما انا كنت زيك كده زمان
كنت بتجرح وكمان بتهان
لغاية ما لقيت اللى ادتنى الامان
سيبك يا صحبى من اللى فات
واعتبره وقت وخلاص مات
بس يا صحبى لازم تعرف ان اللى كنت عايش فيه
كان وهم وجرح صغير من الزمااااااااااان

[Mr.Mo0ody]

ايه يا ياباني
انت بتغش ولا أيه؟
هههههههه

علي العموم شكرا لمرورك يا صحبي

[Mr.Mo0ody]

ايه يا جماعه
هو الموضوع مش عاجبكو ولا إيه؟؟؟؟؟

[طيف عابر]

لا بالعكس ده راااااائع جدااااااااا
وكلام معناه جميل ورقيق

تسلم الايادي يا رب

متقلش عليها انها انسانة انانية
افتكر لما كنت بتتعب شويه
كانت بتحس بيك
وبتخاف من الهوا عليك
ولا افتكر ان عندها نفس احساسك
وافتكر كمان انها قدرت تنسيك بيتك وناسك

[salama10]

هايل والله يا مودى

فنان والله واحساسك عالى

تقبل مرورى

[نمنمة المسلمة]

وفوق بقا وعيش


وصدقنى هتحب تانى وتعيش

هي حلوةةةةةة جدا بجد ومعبرة جدا جدا بس بما إنك فتحت باب الصراحة وهو المطلوب تسمحلي اعدل عليها شوية اتهيألي يعني انها كده هيبقا الوزن مش مكسور هما في مكانين بس يعني مش تقلق

يعني ممكن نخلي الكوبليه اللي فوق ده كده

وفوق بقا وعيش

و حب تانى وجراح مفيش

إيه رأيك بقا وليك حرية التعبير برضه مش تقلق

وكمان في الكوبليه ده

بس يا صحبى لازم تعرف ان اللى كنت عايش فيه
كان وهم وجرح صغير من الزمااااااااااان

ممكن نخليه
بس يا صحبى لازم تعرف ان اللى كنت عايش فيه
وهم وجرح صغير كان لازم تنهيه

امممممممم متهيألي كده بقت أغنية تتغنى حلوة أوي

بس بجد فعلا هايلة والله ربنا يوفقك وإلى الأمام

[Mr.Mo0ody]

لا بالعكس ده راااااائع جدااااااااا
وكلام معناه جميل ورقيق

تسلم الايادي يا رب

تسلميلي يارب ربنا يخليكي يا طيوفه

[Mr.Mo0ody]

هايل والله يا مودى

فنان والله واحساسك عالى

تقبل مرورى

ميرسي كتير ليك يا سلامه

وطبعا أنت نورت التوبيك بردك الجميل ومرورك المتميز

[Mr.Mo0ody]

وفوق بقا وعيش

و حب تانى وجراح مفيش

......

بس يا صحبى لازم تعرف ان اللى كنت عايش فيه

وهم وجرح صغير كان لازم تنهيه

لا طبعا أزاي
بالعكس دان أنا كده فرحت أكتر والله العظيم
وطبعا انتى عندك حق
بس المشكله انا لما الحاجه بتطلع والاقيها جامده
بخاف أعدل فيها لحسن تبوظ

والله انا لو ينفع أعدلها كنت عدلتها
وخليكي متابعه كده معايا علي طول
وأوعى تفتكري انى هزعل