_ _ ( شاهد عيان ) _ _

[ETSA]

ياارض طاهره بشبابها . واسيت عشانها انا ترابها . اللى داق مر الشعوب
وترابك قال ده بسببها . انا شيلت سيادها وكلابها . والاخر اغرق بدم وطوب

وقال ع الطوب انا بيه راضى . لكن الدم ازاى يهون

وازاى كل الظلم ده عادى . ده عقل يابلدى ولا جنون

وترابك قال مش هايعاتبك .علشان اكيد حاسس بيكى

جيشك بيزاود من تعبك . وشبابك عاوز يرضيكى

ودم شبابك مش هايهون . ده ربك يابلدى معاه هايكون

هتقومى واقفه من تانى . ورافعه راسك فى وسط الكون

رغم انى تراب ولكنى بروح . وهروح مع شعبك فين مايروح

لو يبنوكى راح اكون مولود . وان هدوكى انا هبكى وانوح

وازاى تتهدى ياست الناس . ياامى وبلدى وتاج الراس

ده مجرد كلام وظنون وخلاص . مالهاش وجود ولا حتى اساس

وماتقلقيش شعبك واعى . حتى ان غلط من غير داعى

برضه اكيد قلبه عليكى . ومسيره يكون فى الخير ساعى

[Young DeviL]

كلامك بجد مسني
احنا بجد محتاجين عقل واع بنغلط كتير لكن في الاخر احنا بجد قلبنا عليها

تسلم الايادي

روعه

[اسماعيلعلام]

الله اكبر الله اكبر وله الحمد والشكر الله يعين اولى الامر على اصلاح حال المسلمين ولكنيوجد عدد من الاخو الذين يكرهوان الاخوان واناء منهم ولكن اناء لاادعوالى ثور 34 اغسطس القادمه الرجاء عمل حشد كامل لكل من نعرفهم لا لثور قادمه لا لهز استقرار مصر لاللفوضى لا لهز صور مصر امام المجتمع الدولى لا والف لا دى برده مصر ام العالم بللد الازهر

[ETSA]

احنا بجد محتاجين عقل واع بنغلط كتير لكن في الاخر احنا بجد قلبنا عليها

وازاى يتواجد عقل واعى فى زمن كل احساس حلو مفقود جواه