على الربابه بغني الموال



الدنيا دي احوال احوال

وكل واحد بيغني موال


 لكن فين الكلمة المسموعه تنقال


 حافضل اغني للميه واكتب كلام حنيه


 من الفجريه لحد ماتروح الشمس

من على وش الميه


حاتتسرسب المواويل وانا بكتبها

بأديا وأهديها للميه

وانا ماشيه بكل حنيه




 ترسلها لقلب عايش ...هناااك ... هناااك


 وراء الميه ،لكن معشش جوة عنيا


 حاطاة ومحوطاة

ومن العين ذاد والتانيه ميه


 حد شاف منكم أكتر من كدة حنيه


والناس كل يوم احوال احوال


 والمواويل كلها اصبحت فيه تتقال


 بيغنوا كلهم مع بعض موال


واللي يتقال اليوم يتكرر في الحال


 ودائرة هي ياعنيا وهو في سكته رحال


 احتمال ولا حاسس بالحال وكل الموال

 خليهم يغنوا ،يبقي لاغني ولا حنيه


وانا لوحدى مع حكايته موال


 كل يوم بعد المغربيه


 والشمس مروحة من الدنيا ديه


 امسك الربابه واغني على الأحوال


 واودع شمسى في المغربيه


 وتاني يوم ومن البدريه




 جرى اقعد وفي وشي الميه


 ومن تاني اعيد في الموال


 وعلى الربابه احكي في الحال


والمرة ديه بعت اقول له ياعنيا


 ساكن أنت جوة القلب والشريان


 والسر جوه صدرى حيفضل موال


 يتغني في المغربيه

وأجيله من الفجريه

بقلمي

مع تحياتي القلبيه ..منى رشدى