إحساس صعب اوووووووى بجد؟؟

[مونه]

اعترافات قلب مجروح
الموضوع مفيش فيه اي نوع من الامل
لانه بيتكلم عن حالة موجوده في قلوب ناس كتير اوي
ويا ريت يا جماعه لو حد هايتعب
او يتشائم بلاش يكمل قراءة لاني مش عاوز اشيل ذنب حد
انا عارف ان الكلام ده يمكن يكون مش جديد
بس يمكن في ناس منكم حاسين بيه و مش لاقيين حد يقولوله عليه
وممكن ناس تانيه تقول ان ده رد فعل زياده عن اللزوم تجاه الحياة
بس دي اعترافات قلب
شاف كتير من الدنيا
ونفسه يتكلم و يقول اللي جواه.....
الناس بتقول ان اي قلب مجروح مع الزمن و الوقت بيتداوي و بيرجع زي ما كان
كأنه لسه قلب فاضي و جديد و لا شاف هم و لا شاف حزن
وانا مش قادر اصدق الحكاية دي
لكن اللي اعرفه و متأكد منه ان القلب المجروح
مهما عدت سنين عمره ما هايرجع تاني زي ما كان
جروح القلب كتير اوي
ومش لازم جرح القلب يكون من حب راح
لأ
جرح القلب و كسرته بتكون من الناس و من الحب و من الحياة كله
احساس صعب اوي انك تبقي عايش بقلب مجروح
بتلاقي قلبك بيتقطع و انت واقف و مش قادر تعمل اي حاجه
عندك احاسيس كتير مش فاهمها و مش عارف مصدرها و مش عارف تهرب منها
احساس بالضعف
بالخوف
احساس بألم فظيع
ألم بيأن في قلبك ليل و نهار
قلبك بينزف
و بيتقطع قدام عنيك
و بيتوجع
وانت واقف مشلول مش عارف حتي تنقذ منه و لو جزء صغير
زي ما تكون محبوسة حاجه كبيرة اوي جواك
زي ماتكون متقيد بسلاسل عمرها ما هاتتشال من عليك
نفسك تصرخ
نفسك تتحرك في اي اتجاه تاني غير اللي انت ماشي فيه
نفسك تقول آااااااه
لكن الكلمة محبوسة في صدرك و مش قادر تطلعها
يااااااااه علي الحياة
ياااااه علي الناس اللي مش بتحس بيك
وعلي قسوة القلوب الللي حواليك
وحياتك اللي بتسوء يوم عن يوم
.............
وفجأة
ييجي أمل
ييجي حب
يلملم الجرح
ويداوي شوية بشوية
تبتدي تحس
تبتدي تحب
يبتدي قلبك يدق من جديد
تبدا جواك حياة جميلة و حلم صغير عاوز يرتوي بالحب علشان يكبر

وزي ما الحب جه فجأة بيروح برضو فجأة
وتلاقي قلبك بعد ما ابتدي انه يحس بالحياة
ابتدي يموت من اول و جديد
والالم اللي كان قلبك متعود عليه بقي افظع و اقوي
لانه ألم من قلب كان قرب يموت و عرف معني الامل
و فقد الامل ده حتي قبل ما يشوف ملامحه
تحس الحياة بتموت جواك
مع انك عارف انك عايش و كل الناس حواليك عايشين
بس لما تبص لنفسك في المراية
بتلاقي حطام انسان
بتلاقي جسد من غير روح
بتلاقي احلام متكسرة
بتشوف قلب بينزف و نزيفه شديد
والامل اللي كان ممكن يحيي قلبك من جديد
او حتي يلملم جراحه..... راح
راح الامل
راح الحب
راح الحلم اللي كنت لسه هاتبدأ تحلمه
راح الاحساس بالراحه اللي عيشته لأيام معدوده جوه سنين عمرك الطويلة اللي كلها ألم
وتبص علي الناس اللي حواليك
تلاقيهم عايشين
بيضحكوا
بيحبوا
بيحلموا
وأنت واقف مكانك
مش قادر تنقذ قلبك اللي بيموت
بيموت؟؟؟؟؟؟
لأ انا قلبي مش بيموت
ده قلبي خلاص مات
أيوة فعلا قلبي مات
فين دقات قلبي؟!!
فين احساسي بابسط الاشياء في الكون؟!!
مفيش
مفيش احساس بأي شيء
مفيش متعه
مفيش سعاده
مفيش احساس حتي بنبض قلبي.......
لكن في حاجه جديدة ابتديت اعملها
في ابتسامه
ابتديت ارسمها علي شفايفي
بخدع بيها غيري
علشان ماشوفش نظرة عطف في عينيهم
وبخدع بيها نفسي لما اشوف نفسي في المراية
وبخدع بيها روحي
علشان تفضل في جسمي عايشة لغاية ما ييجي اوانها و تسيب الدنيا هي كمان
يمكن ساعتها ارتاح
يمكن في الموت راحه للألم اللي مالي حياتي كلها
يمكن؟؟!!!!!
أحاول اسيب الدنيا و اموت
بس هاموت كافر يعني
لأ إلا ربي و ديني
انا خسرت احساسي وخسرت حبي و خسرت نظرة للحياة بعين سعيده
لكن مش هاخسر ربي و لا ديني
طيب هاعيش ازاي ؟
مش لو اصلا كنت عايش؟
هاقضي ايام و خلاص
بتعدي عليا ليلها زي نهارها
ألم و تعب و حسرة و ندم
يا ريت انا كنت زي باقي الناس
ادوس علي غيري برجلي و لا يهمني
يا ريت كنت يا قلبي قاسي
يا ريت كنت واحد تاني غير نفسي
في مكان غير المكان
في زمان غير الزمان
مع ناس غير الناس
يمكن كنت اقدر اعيش
يا ريت
يا ريت
يا ريت
................................
وبيفضل سؤال دايما جواك...
يا تري في قلب تاني ممكن يكون حاسس بنفس احساسي ده؟؟
والاجابة............................... مش موجوده

***********************

آسف ان الكلام ده حزين وكله تشاؤم بس ده كلام من قلب تقريبا فقد الاحساس بالحياة

دي حالة عشت فيها فترة من عمري و شفتها في عيون ناس تانيه كتير اوي
مش قادرين انهم يتكلموا و يعبروا عن اللي جواهم
بس للاسف لاني عشت اللي هما عايشينه بقيت بقدر اشوف حزنهم في عيونهم و اقرا كل اللي جواهم من غير حتي ما يتكلموا....

وفي النهاية دي مجرد اعترافات لقلب مجروح

وده مجرد كلام نفس قلبي و قلب غيري يصرخ بيه

ويمكن مش قادرين نقوله و بنكتبه في ورق و نقطعه

انا مش استخدمت اللغة الفصحي لان دي مجرد تعبير عن احساس

و أسف اني طولت في الموضوع بقي

ويا رب مش يكون حد منكم زعل مني


وفي النهاية ده مجرد رأي او وصف لاحساس يمكن يكون غلط او صح

[مونه]

الموضوع للأمانه منقول بس بجد
هو بيوصف حالتى اليومين دول
وكمان محولتش أغير فيه اى حاجه

[ابو تريكه]

مقدرش غير انى ادعيلك تعدى المرحله دى

بس انتى كمان لازم تحاولى خلى عندك امل ف ربنا

قل يا عبادى الذين اسرفوا على انفسهم لا تقنطوا منرحمة الله

ربنا خلقنا وعالم بسرنا وجهرنا وقادر يبدل كل حزنك فرح وسعاده

مهما كانت قساوه التجربه ومراره الفراق والم البعاد

لازم تخلقى لنفسك حياه جديده لازم تحاولى تغيرى من روتين حياتك

والاهم لازم تبكى وتفضفضى عن نفسك وتتكلمى مع حد قريب منك

وربنا يوفقك ويسعدك ويهنى قلبك ويريح بالك
و
كل المسلمين يارب العالمين

[مونه]

مقدرش غير انى ادعيلك تعدى المرحله دى

بس انتى كمان لازم تحاولى خلى عندك امل ف ربنا

قل يا عبادى الذين اسرفوا على انفسهم لا تقنطوا منرحمة الله

ربنا خلقنا وعالم بسرنا وجهرنا وقادر يبدل كل حزنك فرح وسعاده

مهما كانت قساوه التجربه ومراره الفراق والم البعاد

لازم تخلقى لنفسك حياه جديده لازم تحاولى تغيرى من روتين حياتك

والاهم لازم تبكى وتفضفضى عن نفسك وتتكلمى مع حد قريب منك

وربنا يوفقك ويسعدك ويهنى قلبك ويريح بالك
و
كل المسلمين يارب العالمين

يارب فعلا المرحله دى تعدى بسرعه وبدون أى جروح تانيه
لأن خلاص بجد مش ناقصه وجع تانى أنا كده أستويت
بس المشكله أنا قلبنا مش بالريمود ننسى وقت ما نحب
ومافيش قدامنا غير الصبر والصلاة والدعاء لنفسنا
والحمد لله كله بيعدى وبيفوت والبركه فى ربنا وفيكم بعده
لولا كلامكم ليا مكنش حاجه نفعت بجد
ميرسى ليك بجد محمود قصدى يا كابتن
ههههههههههههههههههههههه
ويارب دايما منورنى ومصبرنى كده على طول

[Ali Pharouq Najar]

لا أخفيكِ سرا أختى
بعد قراءة سريعة
لبداية المقال ...
أدركت ذاك الاحساس
فانتبهت سريعا
أن لى ربا كريما
بيده قلوب العباد
يقلبها كيف يشاء
فاللهم ثبت قلوبنا على دينك

[مونه]

لا أخفيكِ سرا أختى
بعد قراءة سريعة
لبداية المقال ...
أدركت ذاك الاحساس
فانتبهت سريعا
أن لى ربا كريما
بيده قلوب العباد
يقلبها كيف يشاء
فاللهم ثبت قلوبنا على دينك

اللهم أمين يارب العالمين
وبجد مشكور على المرور الرائع
ويارب دايما منورنى بطلتك

[Young DeviL]

موضوع مؤثر فعلا
فكرت كتير هرد واقول ايه بس في النهايه انا حسيت اني لازم ارد
كمان انك مهما تكوني محتاجه مواساه من حد قريب ليكي ممكن تلاقيه هو كمان مجروح
في كلمات بتقول " كتر الكلام ولا ريح حد ولا عمره خلي الجرح يروح ... وكلنا بنضحك علي بعض مجروح وراح ينصح مجروح!!"

بس في النهايه خليكي فاكره ان دي حياتك انتي وهتعيشيها مره واحده بس
ولو عدت دقيقه وانتي زعلانه دا مش هياثر في حد غيرك ولو كنتي مبسوطه برده مش هياثر في حد غيرك
وفي الحالتين الدقيقه هتعدي

يبقي تعدي بمزاجك وانتي مبسوطه ومتسمحيش للحزن يسرق ولو ثانيه من حياتك عشان الثانيه دي مش هترجع تاني

استمتعي بحياتك

[مونه]

موضوع مؤثر فعلا
فكرت كتير هرد واقول ايه بس في النهايه انا حسيت اني لازم ارد
كمان انك مهما تكوني محتاجه مواساه من حد قريب ليكي ممكن تلاقيه هو كمان مجروح
في كلمات بتقول " كتر الكلام ولا ريح حد ولا عمره خلي الجرح يروح ... وكلنا بنضحك علي بعض مجروح وراح ينصح مجروح!!"

بس في النهايه خليكي فاكره ان دي حياتك انتي وهتعيشيها مره واحده بس
ولو عدت دقيقه وانتي زعلانه دا مش هياثر في حد غيرك ولو كنتي مبسوطه برده مش هياثر في حد غيرك
وفي الحالتين الدقيقه هتعدي

يبقي تعدي بمزاجك وانتي مبسوطه ومتسمحيش للحزن يسرق ولو ثانيه من حياتك عشان الثانيه دي مش هترجع تاني

استمتعي بحياتك

بصى كلامك من أجمل ما يقال بس أنا
قلتها قبل كده وهاقولها تانى إن المشكله
إن قلوبنا مش بريمود كنترول ندوس على زر
الحزن ونعديها او مش نتأثر بيها معاكى
إنها هاتعدى وفعلا بتعدى بس الأكيد إنها
بتعلم وبتسيب أثر ليها مؤلم
معلشى يمكن عكننت عليكى بس انتى أختى
وعليكى إنك تستحملى قرف أختك بقى
نورتينى والله وأكيد أفتينى بردك الجميل بجد
تسلمى يارب ودمتى بكل خير