يوميات فتاة تائهة

[Shika Meka]

يانهاااااااار

طب وبعدين

هو مينفعش تعملي واجب جدعنه وتنزلي حلقه كمان

انتى تأمرينى

[Shika Meka]

الحلقة الخامسه



سمعت مامة رنا صوت في أوضتها راحت بسرعة تشوف في ايه

مامةرنا. يانهار أبيض رنا رنا مالك يابنتي
بابارنا جه علي صوت زعيقها
بابارنا. في ايه يا أحلام
مامةرنا. اتصل بعادل أخوك يجي يشوف رنا مالها بسرعه دي مابتتحركش بسرعه
بابارنا. حاضر حاضر

جه دكتور عادل فوقها واداها مهدئ وقالهم
عادل. اطمن دي بس تعب اعصاب تلاقيها من ضغط الدراسه والثانوي بقي ماتخافش
بابارنا. يعني هي كويسه؟
عادل. بس ترتاح وماحدش يوترها وهتبقي تمام وجبلها الدوا ده
بابارنا. حاضر يارب تبقي كويسه


فضلت رنا في السرير 3ايام تنام شوية وتعيط شوية وتفقد احساسها شوية في اليوم الرابع حست رنا انها لو فضلت في البيت كده هتموت
لبست رنا عباية سوده وطارحه ونزلت تروح درسها

وهي ماشية رجليها خدتها لشارع مؤمن فجأه شافته كانت الدموع هتنزل من عنيها غصب عنها لولا انها شافت معاه نورة بيضحكوا بيحط ايده علي كتفها وبعدين فتحلها بابا العربية
رنا لنفسها=فتحلها زيي ركبت مكاني بيبصلها نفس البصه وهي قاعده جمبه بيبتسملها نفس البسمه شفايفه بتقولها بحبك ايوة حركة شفايفه دي بيقولها بحبك منغير صوت زي ما كان بيقولهالي كده برده يعني محمد كدب عليا مش غصب عنك يامؤمن ده كله بمزاجك انا مش فاهمه حاجه كنت بتخدعني ماكنتش بتحبني بس ازاي ولا مش هتفرق خلاص كنت ولاماكنتش


مشت رنا وراحت درسها طول الدرس سرحانة وبتفكر في حياتها ياتري هتعمل ايه بعد كده ايه خططها لمستقبلها بدل الخطه ال ضاعت بضياع مؤمن
رنا كانت رياضة جابت94 في 2
بس في3 ماذاكرتش غير بسيط وماكانتش مهتمه حست بالضياع أكتر كان نفسها تدخل هندسه بس شكل الحلم ده كمان ضاع دي لازم أقل حاجه حتي تجيب زي 2 دي كانت بتقول لنفسها انها هتجيب في3 مجموع أعلي وتعوض2 كده كل حاجه ضاعت حست بيأس حست انها عاوزه تموت ماعدش في حاجه تعيش عشانها ووكل ال جاي وحش وألم حاسه ان مفيش يوم هيعدي عليها حلو بعد كده
فجأه افتكرت انها ماصلتش من ساعة ماعرفت بالخطوبه
رنا كان عندها خلفية دينية عشان باباها ومامتها متدينين بس كان عندهم أمل انهم يهدوها بدل مايغصبوا عليها فكانوا دايمآ بيكلموها في الدين






الخلفية الدينية دي خلت رنا تفكر دلوقت ان مفيش حد يقدر ينقذها غير ربنا
رنا لنفسها= ياه يارنا افتكرتي ربنا دلوقت افتكرتي انه موجود افتكرتيه لما خلاص ضعتي وخدتي الألم ال فوقك هتقولي لربنا ايه عشان ينقذك هتقولي ايه

وقفه هنوقف القصه دقيقتين
يامسلمة مش لازي تخدي الصدمه عشان تفوقي ماتستنيش تتألمي عشان تفهمي الحقيقه انتي في الدنيا دي كبروفه عشان الآخرة بسرعة ارجعي عن الطريق ده وماتستنيش الصدمه لأنها ممكن تموتك بدل ماتفوقك ممكن تضيعك اكتر بدل ماتهديكي ماتستنيش الوجع عشان تفتكري ربنا وترجعيله ارجعي الموت مش هيستناكي والقبر محجوز بأسمك فكري صح اكسبي دنيتك وأخرتك.


نرجع للقصة
ورنا غرقانه في أفكارها كان الدرس خلص وفجأه لقت قدامها ايمان

ايمان. رنا أنا آسفه
رنا. علي ايه
ايمان. والله كان قصدي افوقك صعب عليا أشوفك كده مالك ايه غيرك كده ايه حصلك؟
رنا. ياه قولي ايه ماحصليش
ايمان . احكيلي يمكن أقدر أساعدك
رنا بحكت لإيمان الموضوع كله
ايمان. قولي الحمد لله
رنا. ايه!!
ايمان. بقولك قولي الحمدلله
رنا . الحمد لله
ايمان. مش يمكن ربنا خلصك منه عشان عاوزك ترجعيله وكاتبلك مستقبل تاني في طاعة ربنا وزوج تاني ياخد بإيدك للجنة روحي صلي وادعي ربنا انك تنسي ويرزقك ربنا الهدي والإيمان فاضل 3شهور ع الإمتحان حاولي تجمعي وخلي مامتك تساعدك واوعي تبعديها عن حياتك تاني


روحت رنا وقالت لمامتها علي موضوع مؤمن وانها مش مطمنه السنه دي ومحتجاها تذاكر معاها مامتها فتحت معاها صفحه جديده وقررت تبذل كل جهدها معاها
وواظبت ع الصلاه ودعت ربنا يمحي موضوع مؤمن من حياتها وانها تجيب مجموع كويس السنه دي وقربت اكتر من ايمان وابتدت تقرأ قرآن كل يوم وتصلي قيام ركعتين كبداية وبقت تقول الأذكار كل يوم وبقت بتضغط نفسها في المذاكره عشان تلحق تلم وتراجع غيرت لبسها لعبايات وطرح طويله بس برده كان لسه في ألم جواها بتحاول تتغلب عليه ولسه بتفتكر مؤمن ساعات وتزعل وتتوجع وساعات تعيط لأ مش في يوم وليله هتنساه وساعات تانية تعيط لأنها عصت ربنا عشانه
لحد مافي يوم حصل حاجه غير متوقعه





الحلقة الجاية بقي تعرفوا

[Young DeviL]

رنا لنفسها=فتحلها زيي ركبت مكاني بيبصلها نفس البصه وهي قاعده جمبه بيبتسملها نفس البسمه شفايفه بتقولها بحبك ايوة حركة شفايفه دي بيقولها بحبك منغير صوت زي ما كان بيقولهالي

تبا لك كريستيانو قلبي الصغير لا يتحمل

بجد روووووووووووووعه

[Shika Meka]

تبا لك كريستيانو قلبي الصغير لا يتحمل

بجد روووووووووووووعه

تسلمى يا قمر

[Young DeviL]

ايه دا بقي ازاي ادخل ملاقيش حلقه جديده
مستنياكي يا قمره

[Shika Meka]

الحلقة السادس

في يوم جت واحدة قريبة رنا ومؤمن كانت عارفه بحكايتهم تزور مامة رنا
فمامة رنا حبت تعاتبها
احلام. بس انا زعلانة ياعفاف ازاي تبقي عارفه وماتحذريش البنت دي زعلانة جدآ من داليا و جمال انهم خلو ابنهم يخطب نورة كأن بنتي مش كويسه مثلآ!
عفاف. لأ طبعآ رنا دي قمر
بس ال انتي بتقوليه ده ماحصلش
احلام. ازاي بقي
عفاف. هما قالوله لو عاوز رنا روح اخطبها اول ماتخلص السنه دي بس بلاش حب وكلام عشان أهل رنا قرايبنا وبنعزهم وماينفعش تحرجنا معاهم راح مؤمن قالهم طالما مفيش مانع من موضوع الخطوبه انا عاوز أخطب نورة مامته قالتله يابني دي عيله طب حتي خد رنده قالهم أنا عاوزها حلوة وفي نفس الوقت صغيره أربيها علي ايدي وضامنها ومتربية معايا وهقدر أخليها تذاكر وتدخل طب انا عاوز أتجوز دكتوره زي تامر اخويا، ولما أهله رفضوا وقالوا اختار واحده كبيرة شوية حطهم قدام الأمر الواقع وراح خطبها من أبوها وطبعآ أهل نورة اصحابهم جامد فأهله ماقدروش يقولوا لأ بعدها
احلام. دي رنا فاكرة غير كده خالص يلا الحمدلله واحد زي ده مايستاهلش بنتي لأنه مش راجل بجد هو وأخته نفس الطبع المصلحه وبس
عفاف. لأ قولي لرنا وعرفيها الحقيقه أنا أصلآ قاطعته من ساعة ماعمل كده وساب رنا بس جه يقولي قال ايه احنا كنا اصحاب بس ورنا هي ال فهمت غلط
احلام. ده واد كداب وزباله اوي ايه ده!!
عفاف. يا احلام ما أنا عارفه هو بيضحك علي نفسه عشان يريح ضميره



كل ده ورنا سامعه من اوضتها كل الكلام فجأه حست ان الوجع ال في قلبها اتبخر والحزن راح رجعت رنا لأن صورة الملاك ال حبته اتكسرت فخلاص ماعدش ملاك وماعدش هو الفارس بصت لنفسها في المراية وابتسمت بقالها كتير ماحستش طعم الإبتسامه بجد راحت صلت ركعتين شكر حست فجأه ان كل حب العالم بقي في قلبها ناحية ربنا هو بس ال وقف جمبها واستجابلها ومحاه من حياتها حست ان ماحدش بيحبها ولابيهتم بيها زي ربنا ماحدش بيسعادها ويجيبلها الخير وبتحس بالأمان لأنها تحت حمايته زي ربنا ساعتها بس حست ان ربنا بس ال المفروض تحبه وتخلصله وماتدخلش قلبها حد معاه ايامها بعد كده بقت سعادة عمرها ماحستها مع مؤمن أو قبله.




بعد كده رنا دخلت الإمتحانات وجه وقت ظهور النتيجه
رنا خايفه اوي وقاعدة تدعي ربنا خايفه حلمها يروح
وأخوها كان قاعد ع النت بيجيب النتيجه عشان هي خايفه تبص ع الشاشه
أخوها. ايه داااااا
رنا. ايه
أخوها. يانهار ابيض
رنا. كام انطق
اخوها. 90%
رنا زعلت وهتعيط
مامةرنا. ماتزعليش ياحبيبتي مجموعك يجيب هندسه خاص
رنا. كان نفسي ادخل عام
أخوها. انتو هتعيشوا في فيلم هندي جبتي 95.3 ياختي
رنا. آه يا..... وقعت قلتي أنا كنت هموت وانت بتهزر!
شكرت رنا ربنا وحمدته كتير انه حققلها حلمها وحلي حياتها

استنت رنا التنسيق ولما ظهر طلع مجموع رنا يوديها هندسة القاهره
بابارنا. خلاص بقي تروحي تقعدي عند عمك بدل المدينة وكده هو بيته قريب من الجامعه
رنا. بس يابابا عمي فؤاد عنده ابنه أحمد مش هينفع
بابارنا. أحمد خلص السنه دي وسافر قطر بقاله اسبوع
رنا. إذا كان كده أروح مفيش مشكله
بابا رنا. وحضري نفسك عشان عاوزك معايا
رنا. معاك فين
بابارنا. في العربية
رنا. حاسه كده بحاجه حلوة
بابارنا. بس لازم تتعلمي السواقه الأول وأطمن انك بقيتي سواقه
بابارنا. بجد هتجيبلي عربية
بابارنا. آه بس مش جيب يعني إختاري عربية موديل السنه دي ماركه كويسه بس علي قدك كده ماشي
رنا. ماشي
أخو رنا دخل فجأه في الحوار
أخورنا. اشمعني هي أنا كمان عاوز عربية
بابارنا. اديك داخل ع 2ثانوي لو دخلت طب أو هندسه اجيبلك شكلكو هتخربوا بيتي



سافرت رنا بعربيتها مع باباها عند عمها وقعدت في أوضة سالي بنت عمها سالي كانت قد رنا بس دخلت ألسن قعدت يومين لحد ما الأجازة خلصت وكان أول يوم في الدراسة لبست رنا جيب أسود واسع وبلوزه واسعة وطرحه كبيرة وراحت الجامعه هي و سالي كل واحده راحت علي كليتها قعدت رنا لوحدها مش عارفه تعمل حاجه خالص شوية وقررت تروح تنقل الجدول بعد مانقلته رجعت قعدت لوحدها ماعندهاش محاضرات النهارده اومال جت ليه قالت لنفسها=كده كده مش هينفع امشي غير لما سالي تيجي عشان لسه مش عارفه الطريق كويس هرن علي سالي
يوه مابتردش أكيد طلع عندها محاضره النهارده هقعد شوية آخد ع الكلية حتي
فجأه جه واحد قعد جمب رنا


نعرف هو مين الحلقة الجاية

[Young DeviL]

ايه التعليقه دي بقي

طب اديني صابره اهو

بس بسرعه

[Shika Meka]

الحلقة السابعه

رنا باصه في الأرض وبتبص بطرف عينها علي ال جه قعد قريب منها ده
رنا لنفسها=ده ولد طب أبص أشوف مين؟
لأ لأ هبص في وشه كده هو أنا أعرفه طب أقوم ولا ايه هو مش شايف لبسي المفروض من نفسه مايجيش يقعد جمبي

قامت رنا ورايحه تمشي
أحمد. لو سمحتي
رنا لنفسها=أرد ولا لأ ايه ده
رنا. نعم
أحمد. أنا أحمد في 5طب بس كنت جايب أختي هنا هندسه عشان ماتعرفش الجامعة لسه وشكلك انتي كمان أول يوم ولوحدك لو تحبي ممكن أفهمك كل حاجه هنا
رنا. لأ شكرآ انا بنت عمي معايا ولو عاوزه حد يعرفني هطلب من أي بنت اكبر مني تعرفني مش ولد لأن ده عيب وحرام طالما في بنات ألجأ للولاد ليه ولا حضرتك ماتعرفش العيب والحرام!
ومشت رنا وسابته محروق دمه
رنا لنفسها= واضح ان الأشكال دي موجود منها كتير هنا وأقابلها من أول يوم كده وازاي في طب وبيستعبط كده المفروض بتوع طب دول دحيحه ومحترمين أومال لو كنت لابسه لبس ضيق وبنطلون كان عمل ايه يارب عدي ال5سنين دول علي خير

"أحمد ده ولد باباه غني و عنده أخت واحده ومدلع زيادة زكي أوي وده بيساعده مايذاكرش كتير أوي"

صاحب أحمد. هاهاهاهاهاهاهاها مش قولتلك هترزعك بالقلم أو هتفرج عليك الجامعه لازمتها ايه الإحراج شكلها مالهاش في الحوارات
أحمد. ماهو ده ال عجبني شكلها ملهاش في حاجه يبقي انحرافها علي ايدي بقي عشان آخد ثوابها هاهاهاهاهاهاهاهاها
صاحب أحمد. لما نشوف يامعلم اطلع بخططك وأشتغل بقي ورينا شطارتك
أحمد. هتشوف شهر بالظبط وأكون ظبطها





راحت رنا قعدت في حته تانية جت المرة دي بنت قعدت جمبها
هبه. سلام عليكم
رنا. عليكم السلام ورحمة الله وبركاته
هبه. أنا هبه في أولي هندسه وماعرفش حد هنا خالص وانتي؟
رنا. أنا رنا في أولي برده
هبه. بما إن انتي أول بنت أشوفها لحد دلوقت مش معفرته شكلها فقولت آجي أتعرف عليكي
رنا. هاهاهاهاهاها لأ انا شوفت بنات كويسين من شوية كانوا بينقلوا الجدول عمومآ تشرفت ياهبه



واتعرفوا علي بعض هبه ورنا وبقوا اصحاب وسالي خلصت وجت خدت رنا وروحوا


روحت رنا صلت وقعدت تقرأ قرآن واتفرجت علي برنامج ديني وقعدت ع النت شوية ونامت

وجه تاني يوم في حياة رنا الجامعية
وراحت هي وسالي وقابلت هبه وقعدوا مع بعض
*******************************

عدي اسبوعين ورنا خدت ع الجامعة وكل حاجه تمام واتعرفت علي شلة بنات متدينة
وأحمد دايمآ يحاول يكلمها أو ينتهز أي فرصه ويعرض مساعدته بس رنا بتنفضله وتحرق دمه لحد ما في يوم كانت رنا في المكتبه قاعده شوية تقرا ومستنية سالي جه أحمد قعد قصادها جت سالي تقوم

راح أحمد ماسك ايدها وقال. استني بس انتي ليه مش راضية تديني فرصه
رنا نتشت ايدها منه بسرعة وقالتله انت مش محترم انت ازاي تعمل كده

لسه أحمد رايح يتنرفز ويرد تدخل واحد وقاله
حسام. نعم حضرتك عاوز حاجه
احمد. وانت مالك
حسام. طب ممكن كلمه بس بره
أحمد. أوي أوي انت هتخوفني

طلعوا بره وخرجوا بره عند البوابه ورنا طلعت وراهم تبص منغير ما ياخدوا بالهم

حسام. لو سمحت بالأدب كده لو شفتك بتتعرض لأختي تاني هتندم بقيت عمرك
احمد. علي فكره أنا مابتهددش وماكنتش بعاكس أختك أنا كنت هطلب منها حاجه وبس
حسام. لما تعوز حاجه بعد كده اطلبها مني أو من أي زميل ليك مش من بنت ده مش مبرر لأي واحد انه يكلم أي بنت
أحمد. خلاص انت هتديني محاضره
مشي أحمد
وكانت رنا بتبص ع الموقف بإعجاب بالشخص المحترم ده ال باين عليه علامات الإلتزام طويل ولبسه شيك جدآ
رنا لنفسها= فوقي يارنا انتي هتعجبي بيه ولا ايه ماتخليش الشيطان يلعب بدماغك ده مجرد شخص عنده نخوة دافع عنك ومنع واحد منحل من التعرض ليكي


دخل حسام من البوابه لقي رنا واقفه
حسام. آنسه رنا أنا آسف اني تدخلت قدام الناس بس أظن هو مش هيضايقك تاني
رنا لنفسها= آنسه رنا ده عرف اسمي ازاي!!!
رنا. لأ ده انا حابه اشكرك ع الموقف ده بس حضرتك عرفت اسمي ازاي؟
حسام. أنا حسام أخو إيمان كنت شفتك معاها كذا مره وأنا آسف مره تانية بعد إذنك

كل ده وحسام نظره بيلف ومش سابت طبعآ علي رنا و واقف علي مسافه ورنا فرحانة بإحترامه ده
بعد مامشي
رنا لنفسها= إيمان ياه ده أنا نادله أوي أنا مسألتش عليها خالص ياتري دخلت كلية ايه وعملت ايه بس سيبك من ده كله
ده حسام؟! ال كان عاوز يخطبني ياه يلا بقي كل شئ نصيب زمانه نسي أصلآ انه كان عاوز يخطبني


رنا لقت سالي جايه وراها

سالي. مين ال كنتي واقفه معاه ده؟
رنا. ده أخو إيمان صاحبتي
سالي. طب يلا نروح بقي

وهيحصل مفاجآت كتير نعرفها الحلقة الجاية

[Young DeviL]

انتي علي طول تيجي عند الحته المهمه وتقفلي الحلقه

[Shika Meka]

انتي علي طول تيجي عند الحته المهمه وتقفلي الحلقه

هههههههههههههههه لازم اعمل كده عشان الوحد يستنا الحلقه بفارغ الصبر

- - - Updated - - -

الحلقة التامنه



روحت رنا وقررت تتصل بإيمان تسأل عنها

ايمان. كده برده ماتسأليش عليا خالص واتصل بيكي بعد النتيجه موبايلك مقفول
رنا. معلش يامون مون غيرت رقمي وبعدين انا روحت جامعة القاهرة واتلهيت في الموضوع ده سامحيني
ايمان. ماشي ياروني مبروك ياعم الهندسه شوفتي ربنا حققلك حلمك ازاي
رنا. الحمد لله وانتي جبتي كام؟ ودخلتي ايه
إيمان. أنا جبت 97 وانتي عارفه في 2 كنت جايبه 98 فمالحقتش طب يادوبك لحقت صيدله
رنا. في اسكندرية؟
إيمان. لأ القاهرة برده أنا قاعده أنا وحسام مع بعض في شقةبابا القديمة
رنا. آه صحيح أنا شوفت حسام النهاردة
إيمان. ماهو قالي إنه شافك في المكتبه
رنا. قالك كده بس؟ هو في سنة كام دلوقت؟
إيمان. آه قالي شوفت رنا صاحبتك في المكتبه بتقرا وهو ياستي دلوقت في5 طب
رنا. امممم ماشي وأنا بقي شكلي ماتغيرش من ثانوي علي كده
إيمان. لا اتغير وحسام مبسوط اوي انه لبس بقي اكتر التزام عن لما شافك معايا واحنا في ثانوي اصل انا ماكنتش قولتله علي اليوم ال اتخانقت انا وانتي فيه أنا بس قولتله استني شوية رنا لسه صغيرة
رنا لنفسها= ياحبيبتي يا إيمان
رنا. أوك يا موني ابقي طمنيني عليكي بقي سلام
إيمان. سلام



رنا قعدت تفتكر موقف حسام البطولي من وجهة نظرها
رنا لنفسها= ياه فعلآ راجل وملتزم وفي نفس الوقت شيك هو ده الرجل المسلم بكل معني الكلمة أيوة يارنا بس انتي لازم ماتنساقيش ورا مشاعرك وأهوائك لو ليكي نصيب فيه هتاخديه وساعتها حبي وانساقي براحتك ماعدا كده مايكونش فيه اي كلام بينا غير لو لهدف أو لحاجه معينة هتسبب فايدة ومش هتضر





راحت رنا الكلية بعد كده وانتهي الترم الأول وكانت رنا قلقانة جدآ من أول امتحانات ترم في الكلية بس الحمد لله عدت بخير وجابت جيد ودي بداية كويسه



وبقت بتشوف إيمان كتير وبيتقابلو وقربوا من بعض كتير في الفترة دي
كانت رنا في فترة الإمتحانات اتشغلت عن القيام وقراءة القرآن وحست انها مقصرة بس رجعت انتظمت تاني في الأجازة وكانت دايمآ بتدعي ربنا يرزقها الزوج الصالح ياتري هيكون هو حسام ولا في زوج محتمل تاني هتظهره الحلقات الجاية هنشوف



كل ده ومفيش اي أخبار عن حسام ولا شافته خالص من ساعة اليوم ده
**********************************************

عدي الترم التاني كمان بسلام ونست رنا شوية موضوع حسام واليوم إياه انشغلت في مذاكرتها وامتحاناتها ال قربت وفي يوم جت هبه صاحبة رنا ومعاها واحد سلمت عليها وعرفتها

هبه. رنا ده الباشمهندس خالد أخويا كان جاي يوصلني خالد دي الباشمهندسه رنا صاحبتي وحبيبتي
خالد. أهلآ تشرفنا
رنا. الشرف ليا
خالد. بعد اذنكو بقي أنا ماشي ياهبه عاوزه حاجه؟
هبه. لأ ماتحرمش ياخالد سلام
خالد. سلام



هبه. بصي ياستي
رنا. اممم مش مطمنة لبصتك دي ايه
هبه. الباشمهندس خالد أخويا وحبيبي متخرج من هندسة السنة ال فاتت وبيشتغل مع بابا في الشركه وذو مستقبل واعد إن شاء الله
رنا. هاهاهاها انتي بتقوليلي السي في بتاع أخوكي كده ليه عوزاني اجيبله عروسه؟
هبه. لأ عوزاكي تجيبيله رقم باباكي
رنا. بمعني؟؟؟؟
هبه. بمعني إن الباشمهندس خالد عاوز يكلم باباكي ويحدد ميعاد في الأجازه عشان يتقدملك
رنا. ازاي يابنتي هو شافني قبل كده
هبه. آه شافك كذا مره وهو بيوصلني وسألني عنك وسأل عن عيلتك في اسكندرية وقرر يخطبك ياروني
رنا. طيب بعد الإمتحانات هدي قرار ماشي
هبه. ماشي ياعم ليك حق تتأمر ما انت أمور برده ماقولناش حاجه
بس برده الواد أخويا قمر ده نص بنات هندسه كانوا بيجروا وراه
رنا. هاهاهاهاهاهاها ليه كان عليه ليهم فلوس







خلصت الإمتحانات وعدت علي خير برده الحمدلله ورنا قدامها اسبوع بس في القاهرة وهترجع اسكندرية تقضي الأجازه هناك ولازم تدي قرار لهبه قبل ماتسافر

رنا لنفسها= هو خالد حلو شكلآ وليه مستقبل واضح بإذن الله وفي مواصفات العريس المثالي بس أهم حاجه في المواصفات دي هي الإلتزام والتدين وأنا معرفش هو ملتزم ولا لأ لازم أسأل هبه الأول
اتصلت رنا بهبه
رنا. أنا كنت عاوزه اسألك علي حاجه قبل ماقرر ياهبه
هبه. ايه هي
رنا. خالد أخوكي ملتزم زيك بفضل الله ولا....
هبه. هو بصراحه خالد بيصلي وأخلاقه إسلامية بس شغله بياخد أكترية وقته فبيشغله عن الإلتزام بكتير من العبادات
رنا. طيب ياهبه شكرآ ممكن بس نأجل القرار كمان يومين
هبه. ماشي بس بسرعة بقي خالد مستعجل



بعد ماقفلت رنا مع هبه دخلت سالي
سالي. أحمد أخويا جاي بكرة من قطر يقضي شهر معانا وفي كمان مفاجأه


ياتري ايه هي نعرف الحلقة الجاية