يوميات فتاة تائهة

**Young DeviL** · 19 - 10 - 2012, 12:56 AM

لا كده كتير

**Shika Meka** · 19 - 10 - 2012, 01:01 AM

المشاركة الأصلية كتبت بواسطة Young DeviL

لا كده كتير

هههههههههههههههه ليه بس

**Young DeviL** · 19 - 10 - 2012, 01:10 AM

طب نص حلقه تصبيره بس ههههههههههه

حلقاتك قصيره وبتقفي في الحتت المهمه وتعلقيني

**Shika Meka** · 19 - 10 - 2012, 01:31 AM

المشاركة الأصلية كتبت بواسطة Young DeviL

طب نص حلقه تصبيره بس ههههههههههه

حلقاتك قصيره وبتقفي في الحتت المهمه وتعلقيني

ههههههههههههههههههه حلوه نص حلقه دى

**Young DeviL** · 19 - 10 - 2012, 01:35 AM

يعني مفيش اي حاجه في ساندوتش
طب احكيلي انتي شفهيا كده هتنيل ايه اخو البت التانيه هيتقدملها برده

ايوا ماهو الجواز بالذات كده بتفضلي عايشه في جفاف في الاول تبدأ تندع وبعدين تقلب بسيول

**Shika Meka** · 19 - 10 - 2012, 01:44 AM

الحلقة التاسعه

سالي. أحمد بيدور علي عروسه وماما قالتله مافيش أحسن من رنا بنت عمك

رنا. اممم خير خير
سالي. انتي ايه رأيك
رنا. والله يا سالي مش عارفه أقولك ايه لما أرجع اسكندرية كده وأشوف وأقول لبابا وربنا يسهل

تاني يوم جه أحمد هو دكتور صيدلي خلص السنة ال فاتت يعني قد خالد

بعد ماجه وسلم ع الجميع بما فيهم رنا واتكلم معاها طبعآ في وجود عمها ومرات عمها وسالي بس حس انها مختلفه المره دي عن أي مره شافها فيها لما كان بيزورهم ال كان عاجبه في رنا إنطلاقها ودمها الخفيف هزارها وحريتها بس طبعآ هي دلوقت حاطه حدود وهادية ومش منطلقة قدامه زي زمان

المهم

رنا فكرت كتير بس كل ماتفكر يجي في بالها حسام وينسيها خالد و أحمد أيقنت رنا إنها مايله لحسام وده هيمنعها توافق ع خالد أو أحمد

صلت رنا صلاة استخاره وقررت تسيبها لربنا يعمل ال فيه الخير

بعد إسبوع رجعت رنا إسكندرية وكانت مستغربه إن هبه ما كلمتهاش تسألها عن قرارها بس قالت كويس أهو تسيب وقت أكتر ونشوف هيحصل ايه

وبالنسبه لأحمد رنا قالت لعمها إنها لما ترجع القاهرة عشان السنة الجديدة هتقرر

اتصلت بيها هبه في بعد شهر

رنا. ياسلام يادوب مافتكرتيني
هبه. غصب عني والله يارنا أنا متصله أعزمك علي خطوبتي وكنت مشغوله عشان كده
رنا. مبروك ياهبه بس انتي عارفه مش هقدر أحضر أنا في اسكندريه
هبه. ماشي تتعوض في الفرح
قررتي ولا لسه
رنا. أجليها بقي لما آجي
هبه. تأجيلاتك كترت يا روني
رنا. لأ خلاص آخر تأجيل

عدت الأجازة ورجعت رنا القاهرة وفي أول يوم دراسة جت هبه وسلمت علي رنا وقالتلها
هبه. بصي خطيبي جاي دلوقت هو و خالد وإيمان
رنا. إيمان وإيمان ايه الجابها معاكو
هبه. أصل إيمان تبقي....
ماكملتش هبه جملتها وجم خالد وإيمان وحسام

رنا لنفسها= حسام! حسام!

حسام. سلام عليكم

رنا. عليكم السلام
إيمان. انا اتصلت بيكي عشان اعزمك كذا مره مامتك قالتلي انك قاعده عنب خالتك وبنتها كام يوم
رنا. آه فعلآ بس مش مشكله تتعوض في الفرح بقي

مشوا وفضلت هبه ورنا وإيمان

هبه. ايه رأيك
رنا. كويس
هبه. كويس بس
إيمان. ايه ده مالك يارنا؟
********************

رنا. أنا كويسه بس عندي شوية صداع كده وحاسه اني تعبانة شكلي هروح النهاردة مش هحضر

إيمان طبعآ مش غبية وحست ان في حاجه وإن رنا اضايقت

رنا روحت ودخلت علي طول الاوضه
رنا لنفسها= هو أنا كل لما أفتكر واحد هيبقي خطيبي يروح يبقي خطيب صاحبتي بس أكيد ده الخير ليا أنا صليت إستخاره واكيد اني أخرج حسام من حساباتي هو الأفضل والأفيد ليا
ودلوقت أنا لازم أقرر في موضوع خالد وأحمد أنا كده عماله أأجل وكده عيب بقي

في اللحظه دي دخلت مامةسالي

مامةسالي. رنا انا عاوزة اتكلم معاكي شوية
رنا. طبعآ ياطنط اتفضلي
مامةرنا. أحمد كلمني من شوية بيسألك خدتي قرار ولا لسه احنا مارضيناش نكلم باباكي غير لما تقبلي انتي الفكرة الأول
ها بقي
رنا. خلاص ياطنط ع العشا النهاردة هبلغكم قراري بإذن الله

رنا لنفسها= دلوقت أحمد ابن عمي أنا عارفاه كويس وده فري جدآ ومالوش في الإلتزام خالص وعاوز يعيش بدماغه غير كده أنا طول عمري بحسنا ولاد عم بس واحنا صغيرين كنا زي الإخوات
إنما خالد لما قولت لماما وسألت عليه عرفت انه أخلاقه عالية هو مش علي درجه كبيرة من التدين بس بيصلي وعارف ربنا وبعدين لو كان في نصيب طالما عنده قابلية أساعده يقرب من ربنا أكتر
يبقي أنا أعتذر لعمي النهاردة
وأقول لهبه إن الفكرة مقبوله ويجي يتقدم وبعد كده الموضوع في ايد بابا و ربنا يعمل ال فيه الخير

اعتذرت رنا لعمها ومراته وقالت إن هي شايفه أحمد ابن علها وبتحترمه وبس

وبلغت هبه قرارها
وادتها رقم باباها

تاني يوم في الجامعة

هبه. خالد كلم باباكي امبارح
رنا. آه ماهي ماما قالتلي إن بابا قاله في نص السنة لما أنا أرجع اسكندرية
هبه. خلاص في أجازة نص السنة بقي تحضري نفسك
رنا. بإذن الله

عدي الترم عادي وجت الأجازة ورجعت رنا اسكندرية

وفي أول يوم وصلت فيه اسكندرية كانت بنت خالتها عملت حادثه وفي المستشفي راحت رنا ومامتها يزوروها

كانت المستشفي جمب بيت مؤمن لكن رنا ماخدتش بالها أصلآ

راحوا علي أوضة بنت خالتها فجأه لقت آية أخت مؤمن واقفه في طرقة المستشفي وبتعيط
الحلقه الجايه نعرف حكايه ايه دي