يوميات فتاة تائهة

[Young DeviL]

من جمال القصه نسيت انقلها في مكانها المناسب

يتم النقل لقسم القصص

[Shika Meka]

من جمال القصه نسيت انقلها في مكانها المناسب

يتم النقل لقسم القصص

ثانكس يا قمر

[Shika Meka]

الحلقة الثالثه



رنا خلاص بقت حياتها كلها مؤمن وخلت مستقبلها كله واقف عليه بقت بتروح لأخته تزورها ومنها تشوفه ده غير الخروجات كل اسبوع ومحمد ومازن اصحابه اللي بقوا أناتيم رنا طبعآ ورنده ونورة (طبعآ فاكرينها)
رنده ونورة دول بقي حكايتهم حكاية هما اخوات رنده في 1كلية وعادية لكن نورة في2ثانوي وجميلة دول باباهم أنتيم أبو مؤمن ومامتهم أنتيمة مامةمؤمن وآية أنتيمة رنده ومازن أنتيم مؤمن يعني العيلتين أناتيم بعض
رنده كانت بتحب مؤمن بس لأنها واعية عمرها ما عرفته لكن نورة ماكانش في دماغها كانت رنا عندها احساس ان ممكن مامةمؤمن تجوزه رنده بس كانت بتكدب نفسها بسرعة
مع إن دي الحقيقة ودي الزواج الطبيعي لمعظم الشباب بس رنا شيطانها وحبها عماها عن الحقيقة الواضحه

المهم قضت رنا 4شهور مع مؤمن كلهم حب وغرام وكلام فاضي

وفي الشهر الخامس بدأت الخناقات تزيد بسبب رنده رنا كانت دايمآ تسأل عن سر الزيارات الزايده بين العيلتين وبتغير انه بيهزر مع رنده والغريب عمرها ماغارت من نورة عشان شيفاها صغيرة بدأ مؤمن يتخنق من غيرة رنا الجامده دي وبدأوا يتخانقوا يوميآ وبعدين محمد صالحهم علي بعض واتفقوا يرجعوا زي الأول مع بعض وقضوا اسبوع تاني حب وكده
بس في حاجه غريبه
فجأه عرفت ان مؤمن متخانق مع أهله بس رنا ماتعرفش ليه وماحدش راضي يقولها كل ماتسأل مؤمن يقولها بكره وبكره يقولها بعده وهكذا في حاجات غريبة بتحصل آية طريقة كلامها مع رنا كمان متغيرة ورغم انهم رجعوا زي الأول بس حصل ال ماكنتش رنا تتوقعه أبدآ
في يوم كانت رنا نايمة
كانت الساعة12 موبايلها رن صحت رنا وبصت في الموبايل لقت محمد بيتصل بيها فردت
محمد. ايوة يارنا
رنا. ازيك يامحمد
محمد. الحمد لله انا صحيتك؟
رنا. لأ عادي خير
محمد. انتي كلمتي مؤمن النهاردة؟
رنا. لأ أنا كنت نايمة ولسه صاحية
محمد. طيب بصي اممم
رنا. في ايه مالك اتكلم
محمد. انتي شكلك نايمة هقولك وقت تاني
رنا. انا مش نايمة قول يامحمد ماتقلقنيش



محمد. رنا أنا عندي رسالة عاوز أوصلهالك من مؤمن
(رنا قلبها اتقبض وحست احساس خوف عمرها ماحسته قبل كده)
رنا. ايه هي الرسالة دي
محمد. مؤمن بيقولك كل شئ قسمة ونصيب وهو بيحبك بجد وكان ناوي يفضل معاكي علي طول بس غصب عنه هو لو فضل معاكي بعد كده هيكون بيخدعك لأنه مش هيقدر يكون ليكي
(رنا حست انها مش قادرة تاخد نفسها وفي ألم رهيب جواها حست أوحش احساس كانت تتخيل انها تحسه في الدنيا عدت قدام عنيها كل دقيقه عرفوا بعض فيها و من كتر صعوبة الإحساس اتمنت انها عمرها ماعرفته عشان بس ماتحسش الإحساس ال حساه دلوقت ولقت نفسها بتعيط غصب عنها)
رنا. فجأه كده ده قالي انه هيموت لو بعد عني قالي أنا ماعرفش كنت عايش ازاي قبلك قالي انه مايقدرش يبص أصلآ لوحده غيري قالي كل ده وأنا صدقته ازاي مختش بالي انه بيكدب ازاي كنت واثقه فيه ثقه عاميه كده ازاي كنت فكراه ملاك ازاي
محمد. رنا متعيطيش بس بجد انتي ظلماه والله غصب عنه بقاله فترة مش عارف يقولك ازاي متظلميهوش
رنا. خلاص قوله أنا ندمانة اني عرفتك و ندمانة اني محستش بكدبك انت أحقر واحد في الكون ماتستهلش أصلآ أسألك عملت كده ليه
محمد. ماشي أنا هقوله سلام
رنا. سلام

قعدت رنا تعيط كتير والألم ال جواها مش راضي يروح حاسه حياتها اتسحبت منها واحلامها اتبخرت هي حست ان مش بس مؤمن ضاع منها لأ ده مستقبل كامل بنته علي أساس واحد هو مؤمن ولما الأساس وقع المستقبل كله وقع قدام عنيها واتدمر افتكرت كل حاجه بينهم حتي الحاجات ال مكنش المفروض تعملها وعملتها عشانه وقطع عياطها الموبايل
رنا. الو
محمد. رنا أنا قولتله
رنا. طيب
محمد. رنا انا كلمتك تاني عشان أنا اقولك انه بجد مظلوم وقالي أقولك ماتزعليش عليه وخلي بالك من نفسك واوعي تصدقي واحد يقولك انه بيحبك كلهم بيكدبوامش كلهم هيحبوكي زيه
رنا لنفسها=لما مش زيه امال ايه كفره بقي!!!ا
رنا. مش مهم كل ده انا مش ناوية أعرف حد تاني أصلآ سلام بقي
محمد. انا هبقي اكلمك اطمن عليكي سلام



قامت رنا قعدت قدام التليفزيون والنت عشان تنسي ولو شوية الصبح كان عندها درس لبست اضيق لبس عندها ومكياج صارخ مالبستش طرحه وبرفيوم كتير وخرجت


هيحصل ايه لماخرجت نشوف الحلقة الجاية

[Young DeviL]

حلقه رائعه تسلم الايادي

[Shika Meka]

حلقه رائعه تسلم الايادي

تسلميلى يا قمر

[Shika Meka]

ايه دا بقي انا مش فاهمه حاجه
هي دي الحلقه التالته ولا غلطه مطبعيه ولا حصل ايه

لا ده شبه مقدمه كده

[Shika Meka]

الحلقة الرابعه

لما الإنسان يتعرض لصدمه أو حاجه تأثر فيه جامد بيقع في طريقين يا إما يعقل ويفوق يا إما يتجنن وتتقلب أحواله للأسوأ
والشيطان بسرعة بيطبق خططه عشان يمشي الإنسان في طريق الجنون زي ماحصل مع رنا في اليوم ده

راحت رنا الدرس لقت واحده صاحبتها واقفه زقتها وقعدت
مي. ايه يارنا انتي مش شيفاني
رنا(بطريقة عدائية). اصلي مابشوفش صح!
مي. ايه الإسلوب ده يا رنا وبعدين ده مكاني
رنا. ايه رأيك بقي إن ده مكاني وأعلي ما في خيلك اركبيه
مي. عيب كده يا رنا انا ماغلطش فيكي
رنا. بصي أنا ماشية وسايبه الدرس كلكو عيال خنيقة أصلآ


خرجت رنا وخرج وراها واحده صاحبتها محجبه ولبسها واسع

ايمان. رنا رنا استني
رنا. نعم انتي كمان في ايه يا ايمان!
ايمان. أولآ في حاجه اسمها ازيك ثانيآ انتي مين؟
رنا. انتي جاية تهزري هنا ولا ايه؟
ايمان. بصي لنفسك في المراية وانتي تفهمي ايه منظر بنات الليل ده مرخصه نفسك كده ليه كأنك مالكيش تمن فرجه للي يسوي وال مايسواش فين حجابك يارنا فين رنا البنت البشوشه ال بتهزر الطيبه ال بتسامح ال متربية بنت الناس ايه اسلوب ولاد الشوارع ده فوقي يارنا فوقي فوقي خرجي نفسك من طريق الضياع ده قبل ماتضيعي حياتك كلها واحب اقولك ان دكتور حسام اخويا شافك معايا قبل كده وسأل عليكو وكان عاوز يجي يتقدملك في الاجازه وتتخطبوا في اولي جامعه بس اظن مش هيستني انا اقوله ماتنفعكش هو لو شافك كده عمره ماهيفكر يخطبك وماظنش اي واحد تاني أصلآ هيفكر ماتستغربيش وماتزعليش أنا مش بهينك أنا بفوقك اديتك قلم يصحيكي قبل ماحد غيري يدهولك

مشت ايمان من قدام رنا
حست رنا فعلآ انها خدت قلم جامد اوي هي مش زعلانة من ايمان لأنها فهماها كويس ولا زعلانه ع الدكتور حسام لأن هي نفسها كانت هترفضه بسبب الظروف ال هي فيها دلوقت بس حاسه بألم فوقها فعلآ سندت رنا ع الحيطه ال وراها وقعدت ع الارض تفكر

شوية وقامت روحت باباها شافها وهي داخله طبعآ قامت ثورة لما شافها بالمنظر ده واللبس ده لكن هي بصتله ودخلت اوضتها كأنها مش سمعاه

عدي اسبوع ورنا بتنزل دروسها ومابتكلمش حد وتروح تقعد ع التلفزيون
وقررت تتصل بحمد تعرف اخبارمؤمن ياتري هتعرف ايه؟؟
اتصلت رنا بمحمد

محمد. ازيك يارنا عامله ايه؟
رنا. تمام انت عامل ايه؟
محمد. كويس
رنا. ومؤمن؟
محمد. مؤمن مش كويس علي فكرة أنا عرفت السبب ال خلاه يعمل كده
رنا. وايه السبب ده بقي
محمد. أهله يارنا انتي عارفه انكو قرايب واهله صمموا انه يبعد عنك عشان مايحصلش احراج لو اهلك عرفوا ويبقي شكل أهل مؤمن وحش قدام أهلك
رنا. بجد يامحمد يعني غصب عنو
محمد. ده ال قدرت افهمه من الموضوع

وفضلو يتكلمو شوية وقفلو وحست ساعتها ان مؤمن بيحبها وهيتجوزها بس بعد عنها عشان اهله وقررت تصلي عشان تدعي انهم يبقوا لبعض



تاني يوم رنا كانت راجعه من درس شافت شرين صاحبتها ومعاها نورة سلمو علي بعض ماهي نورة صاحبة رنا برده من قبل ماتحب مؤمن المهم كانت نورة مستعجله وعندها درس فمشت وبعد مامشت نورة

شرين. انتي عرفتي ان نورة اتخطبت
رنا. ايه ده بجد ده احنا ع كده عنسنا هاهاهاهاهاها
شرين. علي رأيك ده لسه في اللفه
رنا. حد نعرفه ولا لأ؟
شرين. آه صحيح ده انا ناسية ده عريسها قريبك
رنا. قريبي!؟ قريبي مين ده؟
شرين. الواد مؤمن أخو آية
رنا(الدنيا لفت بيها). انتي بتقولي ايه اكيد بتهزري
شرين. والله بجد ده خلاص الثانوية كلها عرفت
رنا(حاسة انها في كابوس). طب قولي رنده حتي مش نورة عشان اعرف اصدقك
شرين. لأ نورة انا متأكده ما انتي عارفه الواد رامي أخويا صاحب مؤمن وأكدلي انها الصغيره نورة
رنا. طيب ياشرين انا هروح بقي عشان اتأخرت
شرين. اوكي سلام


روحت رنا وجريت علي أوضتها واتصلت بمحمد

رنا. محمد انا عاوزه اسألك علي حاجه مهمه
محمد. في ايه خضتيني
رنا. مؤمن خطب نورة؟؟؟
محمد.
رنا. انت ساكت ليه ماترد
محمد(وهو متفاجئ ومزبهل). انتي مين ال قالك؟
رنا. مش مهم مين قالي ومين مقاليش المهم ده حصل ولا لأ
محمد. لأ قصدي يعني معرفش
رنا. يعني محصلش؟
محمد. بصي يارنا هشوف كده وهكلمك الفجر كده عشان عندي مشوار وهتأخر فيه
رنا. هتشوف ايه مش فاهمه
محمد. سلام دلوقتي بس يارنا
رنا. سلام

[Young DeviL]

دا غش دي نفس الحلقه

[Shika Meka]

دا غش دي نفس الحلقه

غلطه غير مقصوده تم تعديل البوست

[Young DeviL]

يانهاااااااار

طب وبعدين

هو مينفعش تعملي واجب جدعنه وتنزلي حلقه كمان