يوميات فتاة تائهة

[Shika Meka]

دخلت رنا اوضتها لبست اسدالها وصلت الفجر(كانت تصلي فقط من يومين) ثم جلست تفكر وتحاور نفسها
رنا= مش ممكن أكيد شرين بتهزر أكيد بتضحك عليا إزاي ده معداش غير اسبوعين انا هموت لو كان ده حصل بجد.... قطع تفكيرها صوت الموبايل يرن بأغنية كانت علي طول تسماعها

ردت بسرعه وقلبها بيدق خوف واضطراب
رنا. ألو
محمد. أيوة يارنا
رنا. ها قولي اللي شرين قالته صحيح؟
محمد. آه فعلآ مؤمن خطب نورة كلام شرين صح
رنا (وقد أحست أن هناك سيارة بل قطار صدمها ومزقها). يعني كان بيحبها من زمان مثلآ ولا اشمعني وازاي؟
محمد. مش عارف مسألتوش أنا لقيته امبارح بيقولي أنا رايح بكره أخطب نورة من أبوها فباركتله وبس وانتي عارفة ان نوره أخت مازن صاحبي وصاحب مؤمن الأنتيم ومينفعش أسأله ازاي كنت من اسبوع بتحب رنا والنهاردة هتخطب نورة عشان مازن مايحسش اني مش عاوزه يخطب اخته
رنا. آه طبعآ
محمد. أنا مش عارف أقولك ايه أنا مامرتش بحاجه زي كده عشان أعرف شعورك
رنا(وهي تقريبآ بتموت وماسكه نفسها كأن مافيش حاجه). لا عادي بس نورة صغيرة دي اصغر مني ازاي تتخطب
محمد. هما هيتخطبوا دلوقت وكمان سنتين لما تدخل كلية يتجوزوا حتي آية أخت مؤمن كان رأيها يتجوزوا ع طول أحسن وفرحت اوي لنورة
رنا لنفسها= انتوا كلكو كدابين انت عامل أخويا ال ماجبتوش امي ومؤمن عامل ال لو سبته حياته تنتهي
و مازن عامل اكتر حد بيخاف ع مصلحتي
ونورة عامله صاحبتي وبتحبني
وآية عاملة أكتر من أختي أنا مش مصدقه انا في كابوس اكيد كابوس هفوق منه.... فاقت ع صوت محمد. أنا آسف اتمني اسمع عنك كل خير الايام الجاية
رنا. آه آه سلام
محمد. سلام
قفلت رنا ووقفت في اوضتها تبص في المراية تشوف الدموع نازله من عنيها حست انها فقدت شعورها من الصدمه
فجأه لقت اصوات في دماغها
(أنا بحبك مقدرش اعيش منغيرك انتي احلي حاجه حصلتلي أنا مقدرش أشوف بنت غيرك أنا حياتي تبوظ لو سبتيني )كانت الكلمات دي اول مره تحسها كدب وألم (انتهت الأصوات بصوت محمد في رأسها . مؤمن خطب نورة هيتجوزها بعد سنتين) وقعت رنا ع الأرض .
طبعآ رنا دي بطلتنا التائهه بس دي مش البداية ولا النهاية بس هنعرف حكايتها من الأول الحلقة الجاية

[Shika Meka]

الحلقة الاولى

رنا بنت من اسكندرية في 3ثانوي عايشه حياتها مابين دراسه وأغاني ع أفلام ع اصحابها ع نت محجبه بس طرحه صغيره علي لبس ضيق والذي منه ميكب خفيف وكده
طبعآ الأفلام رسخت في عقلها وقلبها ان الحب ده احلي حاجه في الدنيا وان مافيش حياه بدون حب لحد مابقي حلمها تلاقي الانسان ال هتعيش معاه قصة الحب دي ولأن رنا جميله كانت عارفه انها أكيد هتلاقيه بسهوله
والصلاة مش في حسابتها والدين مش من طموحاتها والالتزام لش اتجاهها

وفي يوم كانت رنا مروحة من درس فوقفها واحد
ادهم. آنسة رنا
رنا. نعم حضرتك تعرفني
ادهم. طبعآ انتي بنت الباشمهندس سامي جارنا في الشارع ال قصادنا
رنا. طيب نعم
ادهم. القلم ده وقع منك
رنا. شكرآ
ومشت رنا وهي اصلآ بتستعبط لأنها عارفه ادهم كويس ادهم ده يعتبر دنجوان النادي والشارع والبنات كلها عينها عليه
ومن ضمنهم رنا وطبعآ الشيطان ماكدبش خبر
وبدأت رنا وهي في طريقها للبيت تفكر تعيش مع ادهم قصة الحب الجهنمية دي اللي من اخراج الشيطان وطبعآ نفس رنا الهتموت وتعيش قصة حب مولعه



قعدت رنا تتعشي مع باباها ومامتها الباشمهندسه احلام واخوها الصغير رامي
فجأه ظهر صوت الموبايل من اوضة رنا
رنا. دي رنة البت مني
جريت ع أوضتها وردت
رنا. ايه يا بت
مني. عندي مفاجأه جامده
رنا. انطقي في ايه؟
مني. حزري فزري مين معجب بيكي؟
رنا. اخلصي بقي
مني. الواد ادهم الامور بنت عمه لسه قافله معايا وبتقولي انه هيموت ويكلمك وقالتلي اديكي رقمه ومستنيكي النهاردة تكلميه
رنا. بس ده اكبر مني ب5سنين
مني. يابنتي هما شباب اليومين دول بيحبوا القطاقيط الوجوه الجديده
رنا. اممم طب انتي ايه رأيك يابت
مني. انا رأيي هقفل وابعتلك الرقم في رساله بااااااي
رنا. استني بس......
قفلت مني

مامةرنا. رناااا
رنا. نعم ياماما
مامةرنا. مش هتكملي عشا؟
رنا. لأ شبعت




الساعة12 نص الليل طبعآ رنا لوحدها في اوضتها اللي مابتسبهاش طول ماهي في البيت قاعده تسمع أغنية رومانسية وكاتبه الرقم ع الشاشة وبتفكر وطبعآ الشيطان بيزينلها انها تتصل بحجة الحب البرئ وحلاوة الحب والأحاسيس المرهفه وان الحب ده مافيش احلي منه
ياتري هتتصل

[Young DeviL]

ياتري؟؟؟

منتظره اعرف

تسلم الايادي

[Ali Pharouq Najar]

!!!!!!!
قيد الانتظار

[Shika Meka]

ياتري؟؟؟

منتظره اعرف

تسلم الايادي

thx ya 3asl

- - - Updated - - -

!!!!!!!
قيد الانتظار

thx ktiir >

[Shika Meka]

الحلقة الثانيه




زين الشيطان لرنا الفكرة لحد ما قررت تتصل

ماردش
رنا= مش هرن تاني خلاص

بعد شوية تليفونها رن
ادهم. ألو
رنا.
ادهم. ألوووو
رنا. ايوة
ادهم. ايه صوت الملايكة ده؟
رنا.
ادهم. هتسكتي تاني؟
رنا. لأ قصدي عادي
ادهم. طب انتي مين؟
رنا. أنا أنا..
ادهم. انتي رنا؟
رنا. عرفت ازاي
ادهم. من ساعة ماسمعت صوتك في الشارع وهو بيتكرر في ودني
رنا. ياسلام؟
.
.
.
واتكلموا لحد الفجر
ونامت رنا وهي غرقانة في بحر السعادة(الوهمية) وبتحلم بأدهم وكلامة(وهي ماتعرفش انه قاله لألف قبلها وهيقوله لألف بعدها)
.
.
عدي شهرين علي رنا وأدهم مع بعض وبعدين رنا عرفت انه بتاع بنات وزعلت ودمعتين وده كان حبي الأول وكده وسابته.
وأنا اختصرت الجزء ده لأنه دي مش القصة الرئيسية بس طبعآ زي كتير من البنات بعد ما رنا اتخدعت في ادهم بدل ما تعرف ان دي اوهام وتفوق لنفسها لأ دي شوقها زاد لقصة حب حقيقية يكون فارسها مخلص وأخلاقة عالية وبيحبها زي احمد السقا في افريكانو و محمد فؤاد في غاوي حب وإضافة لذلك بقي عندها جرأه زيادة ومعرفه أوسع بشؤون الحب(والجرأه دي بتكبر تدريجيآ بدون ماتحس)
المهم رنا لما عرفت ادهم كانت لسه بادئة دروس ل3ثانوي
بعد ماسابته بشهر الشيطان طبعآ لازم يملي الفراغ ده عشان يعوض الذنوب الضاعت منه في الشهر ده


في يوم كانت رنا بتلعب ع النت وبتدور في صفحات اصحابها لقت صفحة واحد قريبها من بعيد كان دايمآ بتشوفه شخصيته كده غامضه ورخمه
فقالت لنفسها=عادي ده قريبي مابعتله أآد فيها ايه
بعتت رنا الطلب
وقعدت تلعب وتلف في الفيس لحد ما نامت

صحت رنا لقته قبل الطلب
فحست انها عاوزه تكلمه عشان تعرف أغوار شخصيته دي(طبعآ ده كان السبب ال أقنعها بيه الشيطان)
بعد اسبوع أخيرآ لقته فاتح قالت تكلمه
Rony.هاييي
Memo.هاي مين؟
Rony.أنا رنا سامي بابا قريب باباك انت مش عارفني ولا ايه؟
Memo.آه أهلآ طبعآ عارفك
Rony.طب كويس آية أختك أخبارها ايه ماشوفتهاش من زمان
Memo.كويسه انتي في سنة كام يارنا؟
Rony.أنا في 3ثانوي وانت في5هندسه صح؟
Memo.صح شكلك متابعة
Rony.هاهاهاهاهاهاهاهاها

وهكذا
اتكلمواكتير في اليوم ده وعدي اسبوعين وبقوا يعرفوا كل حاجه عن بعض

رنا كانت رغم انها اتوهمت بقصص الحب برغم سنها إلا إنها كانت طيبه جدآ وبتتأثر بأي حاجه تحصلها وبعد مابقت هي ومؤمن اخوات (علي حد فكرهم طبعآ)
لكن رنا ابتدت تحس ان مؤمن ده هو فارس احلامها لأنه محترم وطيب وبيخاف ع البنات ومتدين(اصله بيصلي الجمعة كل جمعة في الجامع!!! ولما الآدان بيدن بيوطي الأغاني فكده بقي متدين من وجهة نظرها) المهم ابتدت هي تلمح وهو يلمح لحد مايوم كانوا بيتكلموا يوم وقفة عيد الأضحي
رنا. أنا زهقانة أوي هعد في البيت بكره مش هعمل حاجه
مؤمن. أنا هعد برده مش خارج بكرة
رنا. خلاص نفضل نتكلم بكرة عشان نكسر الملل
مؤمن. طب ما في فكرة أحسن
رنا. ايه يامعلم
مؤمن. ماتيجي افسحك بكره ونخرج شوية
رن طبعآ انقض عليها الشيطان يقنعها انه عادي وانتوا اخوات وفيها ايه ده جدع وراجل وبيخاف عليكي.
رنا. طيب أوك
مؤمن . خلاص هاجي آخدك من الشارع ال وراكو اتفقنا
رنا. اتفقنا


وفضلوا يتكلموا لحد ماناموا زي كل يوم
صحت رنا بدري عن الميعاد ساعتين قعدت تظبط الهدوم والميكب والاكسسوار وال5طرح والبرفيوم وظبطت نفسها
واتصلت بمؤمن

رنا. ألو
مؤمن. ايوة أنا داخل ع الشارع انتي فين؟
رنا. نازله أهو سلام
مؤمن. سلام

نزلت رنا وعدت الطريق بس ماكانتش تعرف ان أي طريق تمشيه صعب ترجع منه بس عواطفها وشيطانها كانوا بيحركوها ناحية رغباتها والحاجات التخليها مبسوطه في الحاضر حتي لو ماتعرفش رايحه فين في المستقبل
أو بمعني أصح هي نفسها انها تحب واحد ويفضلوا في قصة حب ملتهبه وأول ماتدخل الجامعة يتخطبوا وبعدها يتجوزوا وهي فاكره ان كمان الشباب فكرهم كده لأنها بتشوف في الأفلام الحبيب بيموت نفسه عشان حبيبته وهي شافت البطل ده في مؤمن لان شخصيته كانت قريبه من بطل الأفلام نفس الطيبه والجدعنة بس ده مش معناه انه بيفكر في نفس حلم رنا عمومآ هنشوف


قضت رنا اليوم بالطول والعرض مع مؤمن وكلت واتفسحت وهزرت وكل حاجه وحصل ال نفسها فيه كمان ومؤمن اعترفلها انه ماقابلش حد قربله زيها وكده وهي سكتت في (كسوف مصطنع) ما احنا قولنا هي اكتسبت معرفه وخبرة من حوار أدهم
وبعد ماروحت كلمها ادهم واعترفوا بحبهم لبعض والدنيا بقت جميلة لرنا ال مش عارفه ايه في المستقبل

[Young DeviL]

حلوه اوووووووووووووي

مستنيه

[Shika Meka]

حلوه اوووووووووووووي

مستنيه

تسلميلى يا قمريه

[Ali Pharouq Najar]

سلسلة واقعين تلمس نسبة كبيرة جدا
من شباب المجتمع ... !!

-- انتظار --

[Young DeviL]

ايه دا بقي انا مش فاهمه حاجه
هي دي الحلقه التالته ولا غلطه مطبعيه ولا حصل ايه