قهوتنا على الانترنت
ابحث عن :  
النتائج 1 إلى 3 من 3
  1. #1
    تاريخ التسجيل
    11 - 11 - 2007
    ساكن في
    انت مالك
    العمر
    30
    المشاركات
    3,362
    النوع : انثيEgypt الفريق المفضل  : الاهلي

    افتراضي تعلم الفطير المشلتت او المغرز :D

    كيلو دقيق
    كوبايه ونص ميا
    والزياده حسب العجينه
    وذره ملح بسيطه تدوب في الميا
    والسمنه ((تفضل تكون بلدي ))
    وفي النهايه هينتج معاكي 2 فطيره
    وبالهنا والشفا


    ودي الطريقه

    اولا لمنع وجود اي روائح تختلط بالعجين يجب دعك يديك بالرده
    حتي وان وكانت مجرد روائع لمكان غسل الايدين بالصابون او اي حاجه ولو واثقه من عدم وجود اي روائح مش ضروري الخطوه دي



    دي صوره الرده العاديه (( زي اللي بنعمل بيها الكبده بانيه ))




    ودلوقتي نبدا ننخل الدقيق ومحدش يسال يعني ايه هو معناه اننا بنخرج منها اي حاجه غير مرغوب فيها هههههه

    وحضري الكميه اللي محتاجاها عشان هتقسميها بعد كده


    وبعد كده نبدا نعجن
    في الادول هنحط الدقيق وبعدين نزود ميا علي حسب الكميه اللي نحتاجها
    ويكون العجين من برا لجوا يعني من علي طرف الحاجه اللي بتعجني فيها وتلفيه بقي



    خليكي اعجني بقي لحد ما يبقي دا شكله




    وبعدين قسمي العجين قطع مدوره زي اللي في الصوره برده علي حسب حجم الفطيره اللي هتعمليها
    حجم الكوره دي يكفي فطيره واحده

    صوره لقطع العجينه وتشكيلها
    هتكون في حجم كف ايدك زي مانتي شايفه كده

    وحطيها في طبق مليان دقيق وابدأي قلبيها جواه لحد ما تبقي ناعمه



    وبعدين امسكيها بايدك وكوريها تاني بالشكل دا شويه
    هتبان اوضح في الصوره الجايه


    وخليكي محضره صنيه كبيره او اي حاجه مسطحه ورشي فوقها دقيق ... ونشابه طبعا اللي هي العصايه اللي هتفردي بيها




    بعدين نبدا نفرد العجينه بوضعها علي الصنيه اللي كنا محضرينها
    ونفردها بالنشابه (( اللي هي العصايه دي ))




    هتبدا تكبر معاكي وتكون بالشكل دا



    وبعدها افرديها بايديكي هتكون بالشكل دا
    طبعا هتكون طبقه رقيقه





    وبعدين هتبدأي تحطي سمنه ((يفضل تكون بلدي))



    وهنطبقها بالشكل دا ونرش شويه سمنه كمان مش كتير برده





    في النهايه هتكون بالشكل دا



    هندخلها الفرن هتاخد في حدود 10 دقايق او ربع ساعه عادي جدا في فرن البوتاجاز مش ضروري الفرن دي




    ودي هتكون النتيجه



    وتتاكل مع عسل وجبنه قديمه

    صعايده بقي هههه



    وبالهنا والشفا

    التعديل الأخير تم بواسطة Young DeviL ; 26 - 10 - 2012 الساعة 05:25 PM

    أيا دمعه مقيده باغلال الكبرياء...
    افتقدتك ..
    ففقدت احساسى بكل الاشياء...
    يا صديقتــى فى لحظــات الحزن والشقــاء ...
    اشتقـت اليكـــى ..
    اشتقـت الى البكــــاء ...

    البحث على جميع مواضيع العضو Young DeviL

  2. #2
    تاريخ التسجيل
    4 - 9 - 2009
    ساكن في
    *******
    المشاركات
    4,824
    مقالات المدونة
    2
    النوع : ذكر Egypt الفريق المفضل  : الاهلي

    افتراضي

    تقييم كامل
    ف انتظار جديدكم القادم
    كل عام أنتم بخير
    طيف عابر و لحظات عندها يتوقف الزمن معلنا حروف اسمك

    البحث على جميع مواضيع العضو Ali Pharouq Najar

  3. #3
    تاريخ التسجيل
    11 - 11 - 2007
    ساكن في
    انت مالك
    العمر
    30
    المشاركات
    3,362
    النوع : انثيEgypt الفريق المفضل  : الاهلي

    افتراضي

    وحضرتك بخير

    شرفت الموضوع

    أيا دمعه مقيده باغلال الكبرياء...
    افتقدتك ..
    ففقدت احساسى بكل الاشياء...
    يا صديقتــى فى لحظــات الحزن والشقــاء ...
    اشتقـت اليكـــى ..
    اشتقـت الى البكــــاء ...

    البحث على جميع مواضيع العضو Young DeviL

 

 

معلومات الموضوع

الأعضاء الذين يشاهدون هذا الموضوع

الذين يشاهدون الموضوع الآن: 1 (0 من الأعضاء و 1 زائر)

المواضيع المتشابهه

  1. ماتت وهي ترقص ودفنت و هي ترقص
    بواسطة قطره ندي في المنتدى قصص وحكايات وروايات
    مشاركات: 16
    آخر مشاركة: 19 - 11 - 2011, 07:01 PM
  2. اثبتت الدراسات..........!!!
    بواسطة Sezer في المنتدى خمسة فرفشة
    مشاركات: 11
    آخر مشاركة: 10 - 8 - 2009, 05:48 PM

ضوابط المشاركة

  • مش هتقدر تضيف مواضيع جديده
  • مش هتقدر ترد على المواضيع
  • مش هتقدر ترفع ملفات
  • مش هتقدر تعدل مشاركاتك
  •  
جميع الحقوق محفوظة لمنتديات مصراوي كافيه 2010 ©