كل سنه وانت طيب !!!

**Young DeviL** · 27 - 10 - 2012, 10:07 PM

السلام عليكم يا احلي اعضاء
منورين

النهارده حابه اقولكم بجد كل سنه وانتو طيبين
فعلا من قلبي كل سنه وانتم طيبين
لا لا بجد كل سنه وانتو طيبين

اصل انتو مش فاهمين
العيد عباره عن كل سنه وانتو طيبين وشويه ورق ب 200 فوق بعض
طبعا لسه مفهمتوش حاجه

ابسطهالكم

هحكيلكم علي تجربتي في العيد
طبعا يوم العيد الصبح بنسمع تكبيرات العيد من الفجر كده وكلنا بنحب نقف في البلكونه عشان نحس بالعيد
كنت واقفه وفي ناس قاعدين تحت كتييييييير جدا واحنا جبن بيتنا علي طول جامع

انا مجاش في بالي اي حاجه لقيت ست بتقولي كل سنه وانتي طيبه يا بنتي
قولتلها وحضرتك طيبه يا طنط
شويه وجت تقولي كل سنه وانتي طيبه
قولتلها وحضرتك بالف خير
لفت تاني ورجعت بصتلي اوي قالتلي كل سنه وانتي طيبه
قولت في سري لا اله الا الله ورديت بابتسامه ميرسي وحضرتك طيبه

ودخلت جوا

اختي كانت قاعده فحكيتلها الموقف قالتلي يا هبله دي عاوزه العيديه
قولتلها عيديه ايه حرام عليكي هو اي حد يسلم عليكي يبقي عاوز منك حاجه مش معني انها بتقول كل سنه وانتي طيبه انها عاوزه حاجه
العيد فرحه ع الكل

واديتلها محاضره في احترام البشر ههههههههه

قالتلي بكل هدوء خلصتي؟؟

قولتلها اه قالتلي طب هوريكي وطلعت البلكونه
جت نفس الست قالتلها كل سنه وانتي طيبه فاختي نزلت حاجه وقالتلها وانتي طيبه

الست خدتها ومشيت ودعتلها وانا واقفه مش مصدقه انها طلعت صح وانا غلط

خلاص يعني اي حد يسلم علي حد يبقي عاوز منه حاجه

العيد بقي فرصه للناس انها تستغل فرحه الناس بالعيد وكل سنه وانتو طيبين !!!

المهم اتحرق دمي وسكت ووقفت في البلكونه تاني انا اصلا كنت فكراها حد يعرفني عشان انا معرفش جيراننا اوي
بس خلاص سكت

جت واحده تانيه بعدها بشويه
قالتلي كل سنه وانتي طيبه يا حبيبتي عامله ايه
قولتلها وحضرتك طيبه ثواني ودخلت عملت زي ما اختي عملت
فالست بصتلي اوي كده
وقالتلي ايه دا بقولها عادي كل سنه وانتي طيبه

اختي سمعت اني بكلم حد فطلعت وقفت جنبي

الست دي طلعت جارتنا بجد
اختي سلمت عليها وعرفتني عليها والموقفف عدي بس كنت هموت من الاحراج عشان افتكرتها حد منهم

المهم نرجع لموضوعنا

شويه كمان ولقيتهم قاعدين كلهم جنب بعض وفجأه كل واحده فيهم طلعت فلوس
ابص في ايديهم الاقي ورق فلوس ب 200 و 100 و50 واقل عمله معاهم ال 20
بيعدوا الفلوس وبيشيلوها
يااااه ازاي كل دا
طب جابوها ازاي
الناس دي طلما معاهم كل دا لييييييه بيعملوا كده

هسيبكم مع الصوره
صورتهم

وكان في فيديو بس للاسف مش هعرف احطه مش بعرف ارفع الملفات

اه نسيت
كـــــــــــل سنـــــــــه وانتــــــــــــم طيبـــــــــــــــــــين