مـــــــاذا تفعل لو تعلق قلبك بللى أكبر منك ؟؟؟!!!

[x×x 7o0odA x×x]

سؤال صعب

محرج


جامد

تعمل ايه لو اتعلق قلبك بللى اكبر منك ؟؟

هتدوس على عامل السن وتكمل ( المسيرة ) ؟؟

هتمشى ورا قلبك و هتفكك من التفكير ؟؟

هتفكر بعقلك وهتنسى عواطفك ؟؟

كتير اتعرضو للمشاكل دى

لو انت اتعرضت ايه هيكون موقفك

وايه السبب


بجد يا جماعه رايكو يهمنى اوى

[x×x 7o0odA x×x]

انا عن نفسى اتعلقت بواحده اكبر منى وكتير قالولى سيبك منها
بس انا مكنش فارق معايا السن خالص المهم انى كنت بحبها اوى
ومقدرتش انساها ياريت لو حد مر بتجربه زى دى يقولى عمل ايه او اتصرف ازاى

[evil heart]

موضوع كويس يا حوده
انا رايي لو مشاكبر منك بكتير يبقي عادي مفيش وشكله ومفيش ما يمنع
بس انا عايز اسأل سؤال تاني
لو واحده اصغر منك وحبتك ووصلتلك الاحساس ده مع اكتر من واحده وبعد كده جت وقالتلك انها بتحبك
مع العلم انها اصغر منك ب 7 سنين
تعمل ايه بقي

[x×x 7o0odA x×x]

موضوع كويس يا حوده
انا رايي لو مشاكبر منك بكتير يبقي عادي مفيش وشكله ومفيش ما يمنع
بس انا عايز اسأل سؤال تاني
لو واحده اصغر منك وحبتك ووصلتلك الاحساس ده مع اكتر من واحده وبعد كده جت وقالتلك انها بتحبك
مع العلم انها اصغر منك ب 7 سنين
تعمل ايه بقي

هو الصراحه مفيهاش حاجه خالص
انا شايف لو البنت اصغر من الولد بيبقى احسن
بس 7 سنين كتير
وممكن بعد كده تكتشف انه كان اعجاب لانها لسه مشافتش ولاد
ولما تدخل الجامعه ممكن تغير رايها
هو ده رايى
وبعدين الاجابه ترجع للولد نفسه اذا كان حاسس بحاجه ناحينها ولا حب من طرف واحد
وشكرا لمرورك يا مان

[لؤلؤة]

بصراحة الموقف دا يا حودا صعب شوية..

ومعرفش ممكن يحصل فعلا ولا لأ ولوحصل يبقى ايه الحل

يمكن لاني عمري محبيت


عايزة اسألكم انتو بقى سؤال هوه غبي شوية بس ياريت تجاوبو عليه لأني فعلا معرفش اجابته

ايه هوه الحب من وجهة نظركم او ايه هوه عموما؟

[عاشقة الرومانسية]

هاى عليك الأول يا حودا يارب تكون بخير
أنا كم وجهه نظرى فى حاجة اسمها توافق بين الاتنين وتعال نتكلم بصراحة الحب دلوقتى مبقاش الحب الحقيقى بيتاع زمان اللى ممكن علشانه نتمسك بواحدة اكبر مننا يعنى مثلا المعدل الطبيعى للفكر بيتاع البنت بيكبر عن الولد ب 3 سنين يعنى لو البنت عندها20 سنة والولد 23 سنه المعدل الطبيعى للنمو الفكرى الاتنين هيكونوا اد بعض فى مستوى التفكير وده طبعا من ناحية التفكير العلمى

أما دلوقتى يا حودا والله العظيم حصلت مع كذا صاحبة ليا والموضوه فاشل فاشل فاشل لان الراجل بطبيعته عنده الكبرياء والكرامه فوق اى شئ
يعنى عمره ما يرضى على حبيبته او مراته انها تكون اعلى منه فى مستوى التفكير ومش تقول مافيش كدا فى الحب لاء انتوا مليون فى الميه بتتغيروا بعد الجواز فمافيش داعى من العلاقة

وحاجة اخيره سورى اذا كنت هاقولها بس يمكن دليل عندى
طبعا ارادة ربنا فوق كل شئ
لكن بنت عمتى فى سنى كدا حبت واحد اصغر منها اتحدت اهلها والزمن والظروف وقاطعت الكل علشان تتجوزه فى الاخر قلنا الحب عايز كدا
اتجوزا ماشى عاشوا سعداء ماشى لكن جه اليوم اللى نكر الزوج حقيقة حبه وعايرها فى كل مشكلة تقول فيها رأيها ويقول انتى هاتعملى عليا كبيرة حبته اوى اوى فوق ما تتخيل وفى الاخر كل امراض الدنيا اصابت بيها كانت بتطلب منه يقف جمبها ويساعدها كان بيرفض كل الرفض ناكر حبه وفى الاخر عايرها بمرضها ولما دخلت المستشفى بكل امراض العالم
طلبت اخر طلب فى الدنيا عايزة اشوف جوزى قبل ما اموت رفض كعادته
وماتت وهى كان كل امنيتها تشوفه الله يرحمها ويدخلها فسيح جناته
عمل ايه بقى يا حودا الحب ؟؟؟؟
فراق الانفصال وانتم عايشين
احسن من الفراق وهى مش معاك اصلا فى دنيا تانية خالص


أسفه جدا جدا للإطاله طبعا صوابعك مش زى بعضها
بس اهى عيظة الواحد ياخد منها حاجة
بجد سورى يا حودا بس موضوعك عاجبنى علشان شاربه منه بحرقه اوى

[zezo1]

هذا النوع من الحب
سببة نقص ما
فى أحد الطرفين

[جينا]

حودا موضوع جامد اخر حاجة
ورايى طبعا عن تجربه وعايشاها
كتير قصادى اتجووا بنات اكبر منهم جواز مش حب بس
والحمدلله موفقين فى حياتهم لان عامل السن مش عامل قوى فى الحب
لكنه عامل قوى من حيث البنية الجسمية
لان البنات بيعجزوا قبل الأولادة وبتبقى اده فى السن ونلاقى شكلها اكبر منه بزمن
يعنى لو اكبر بنسبة كبيرة هاتشعر ان الناس مستغربين شكلكوا سوا
ولو انت مقتنع بالقلب والتفاهم يبقى الناس ملهاش لازمة فى حياتكم
واصدق تجربة الرسول عليه الصلاة والسلام اول زيجاته السيدة خديجة رضى الله عنها وكانت اكبر منه ب17 سنة
وهى اللى ارسلت فى زواجه
وهو كان نعم الزوج والسند

والله اعلم

[semsem101]

سؤال صعب
لاكن راي انا ان لازم الولد يكون اكبر منا البنت اذا كان فرق السن قليل ممكن لاكن لو كبير يبقي بلاش احسن

[x×x 7o0odA x×x]

بصراحة الموقف دا يا حودا صعب شوية..

ومعرفش ممكن يحصل فعلا ولا لأ ولوحصل يبقى ايه الحل

يمكن لاني عمري محبيت


عايزة اسألكم انتو بقى سؤال هوه غبي شوية بس ياريت تجاوبو عليه لأني فعلا معرفش اجابته

ايه هوه الحب من وجهة نظركم او ايه هوه عموما؟

ميرسى يا لؤلؤه
نورتى التوبيك ومسيرك هتلاقى الانسان اللى تحبيه ويحبك
والحب مبتوصفش
كل اللى اعرفه عن الحب انه احسن شعور ممكن الواحد يحس بيه
واول مهتحبى هتعرفى لوحدك من غير محدش يشرحلك الحب هو ايه
وشكرا لمرورك يا قمر