مـــــــاذا تفعل لو تعلق قلبك بللى أكبر منك ؟؟؟!!!

[x×x 7o0odA x×x]

هاى عليك الأول يا حودا يارب تكون بخير
أنا كم وجهه نظرى فى حاجة اسمها توافق بين الاتنين وتعال نتكلم بصراحة الحب دلوقتى مبقاش الحب الحقيقى بيتاع زمان اللى ممكن علشانه نتمسك بواحدة اكبر مننا يعنى مثلا المعدل الطبيعى للفكر بيتاع البنت بيكبر عن الولد ب 3 سنين يعنى لو البنت عندها20 سنة والولد 23 سنه المعدل الطبيعى للنمو الفكرى الاتنين هيكونوا اد بعض فى مستوى التفكير وده طبعا من ناحية التفكير العلمى

أما دلوقتى يا حودا والله العظيم حصلت مع كذا صاحبة ليا والموضوه فاشل فاشل فاشل لان الراجل بطبيعته عنده الكبرياء والكرامه فوق اى شئ
يعنى عمره ما يرضى على حبيبته او مراته انها تكون اعلى منه فى مستوى التفكير ومش تقول مافيش كدا فى الحب لاء انتوا مليون فى الميه بتتغيروا بعد الجواز فمافيش داعى من العلاقة

وحاجة اخيره سورى اذا كنت هاقولها بس يمكن دليل عندى
طبعا ارادة ربنا فوق كل شئ
لكن بنت عمتى فى سنى كدا حبت واحد اصغر منها اتحدت اهلها والزمن والظروف وقاطعت الكل علشان تتجوزه فى الاخر قلنا الحب عايز كدا
اتجوزا ماشى عاشوا سعداء ماشى لكن جه اليوم اللى نكر الزوج حقيقة حبه وعايرها فى كل مشكلة تقول فيها رأيها ويقول انتى هاتعملى عليا كبيرة حبته اوى اوى فوق ما تتخيل وفى الاخر كل امراض الدنيا اصابت بيها كانت بتطلب منه يقف جمبها ويساعدها كان بيرفض كل الرفض ناكر حبه وفى الاخر عايرها بمرضها ولما دخلت المستشفى بكل امراض العالم
طلبت اخر طلب فى الدنيا عايزة اشوف جوزى قبل ما اموت رفض كعادته
وماتت وهى كان كل امنيتها تشوفه الله يرحمها ويدخلها فسيح جناته
عمل ايه بقى يا حودا الحب ؟؟؟؟
فراق الانفصال وانتم عايشين
احسن من الفراق وهى مش معاك اصلا فى دنيا تانية خالص


أسفه جدا جدا للإطاله طبعا صوابعك مش زى بعضها
بس اهى عيظة الواحد ياخد منها حاجة
بجد سورى يا حودا بس موضوعك عاجبنى علشان شاربه منه بحرقه اوى

والله يا سندس انا هعيط من حكايه بنت عمتك
بس بجد صعب اللى حصل ده
كان المفروض وقف جنبها فى موقف زى ده
وبجد يا سندس نورتى التوبيك واكيد كله استفاد من الحكايه دى
وشكرا لمرورك يا جميل

[x×x 7o0odA x×x]

هذا النوع من الحب
سببة نقص ما
فى أحد الطرفين

تسلم يا مان لمرورك الجامد ده
نورت التوبيك

[x×x 7o0odA x×x]

حودا موضوع جامد اخر حاجة
ورايى طبعا عن تجربه وعايشاها
كتير قصادى اتجووا بنات اكبر منهم جواز مش حب بس
والحمدلله موفقين فى حياتهم لان عامل السن مش عامل قوى فى الحب
لكنه عامل قوى من حيث البنية الجسمية
لان البنات بيعجزوا قبل الأولادة وبتبقى اده فى السن ونلاقى شكلها اكبر منه بزمن
يعنى لو اكبر بنسبة كبيرة هاتشعر ان الناس مستغربين شكلكوا سوا
ولو انت مقتنع بالقلب والتفاهم يبقى الناس ملهاش لازمة فى حياتكم
واصدق تجربة الرسول عليه الصلاة والسلام اول زيجاته السيدة خديجة رضى الله عنها وكانت اكبر منه ب17 سنة
وهى اللى ارسلت فى زواجه
وهو كان نعم الزوج والسند

والله اعلم

شكرا يا جينا على الاضافه الجميله دى
وبجد نورتى التوبيك
شكرا لمرورك يا قمر

[x×x 7o0odA x×x]

سؤال صعب
لاكن راي انا ان لازم الولد يكون اكبر منا البنت اذا كان فرق السن قليل ممكن لاكن لو كبير يبقي بلاش احسن

صح يا مان عندك حق
وشكرا لمرورك يا حبيب هارتى
منور التوبيك

[طيف عابر]

انا بقول العمر مش مشكلة
المهم يكون في حب واعجاب واحترام
وان كنت افضل تكون اصغر منه لكن لو حصل ف مش غلط ابدااااااا

[x×x 7o0odA x×x]

انا بقول العمر مش مشكلة
المهم يكون في حب واعجاب واحترام
وان كنت افضل تكون اصغر منه لكن لو حصل ف مش غلط ابدااااااا

شكرا طيوفه على الرد الجميل
منوره التوبيك

[MaRiYoMa]

بجد توبك حلو اوى
انا عن نفسي الفرق فى السن مش مهم اهم حاجه يحافظ عليها بس ميكونش الفرق كبي اوى

[x×x 7o0odA x×x]

بجد توبك حلو اوى
انا عن نفسي الفرق فى السن مش مهم اهم حاجه يحافظ عليها بس ميكونش الفرق كبي اوى

صح يا مريومه عندك حق
بس الناس مبتسبش حد فى حاله
ولا ايه
وشكرا لمرورك يا قمر
منوره التوبيك والله