حلقات أحمد وضحى بعد الجواز

**نمنمة المسلمة** · 19 - 2 - 2009, 11:51 PM

ونزل احمد وهو في قمة الغضب

ومش عارف يروح على فين ولا يروح لمين كان مخنوق جدا وعصبي جدا

وفجأة

ركب الميكروباص وقرر يروح لخالته .....ولما وصل

فتحتله خالته الباب

... أحمد اهلا وسهلا يابني نورتني معلش يابني احنا اسفين اوي على اللي عملته ياسمين ما انت عارفها تصرفاتها عبيطة اوي متزعلش منها

....هي فين ياخالتو قوليلي بسرعة هي فين ياسمين

...هي في اوضتها يابني اندهالك

لا انا هدخلها بنفسي

أحمد حبيبي كنت عارفة انك لازم تيجيلي لأني اكيد وحشتك

(واتشعبطت في رقبته تاني

ياسمين كفاية بقا لحد كده انتي زودتيها اوي اوي وانا خلاص فاض بيا من عمايلك

ايه يااحمد انت نسيت اللي كان بينا ولا ايه

ياسمين احنا عمر ما كان في بينا حاجة انتي فاهمة كويس اوي كده

لا انت بتضحك عليا ولا على نفسك احنا بنحب بعض من زمان وانت عارف كده كويس اوي

ياماما ده كان وهم في دماغك انتي فوقي منه بقا واللي عملتيه النهاردة ده ميتكررش تاني انتي فاهمة وبيتي ده متدخليهوش تاني ابدا فاهمة ياياسمين

لا مش فاهمة ولا كلمة من كلامك ده كله انا مش فاهمة غير اني بحبك وبس ( وقربت منه تاني )

زقها أحمد وضربها بالقلم على وشها وقالها

ياسمين ابعدي عني نهائي فاهمة ولا لا واخر مرة بحذرك

اخرج براااااااااا ياحيوان والله لادفعك تمن القلم ده غالي اوي واوعى تفتكرني ضعيفة بكرة تيجي تترجاني عشان اتجوزك بس اخرج برااا دلوقت

بنت اتلمي عيب الكلام اللي بتقوليه ده متكلميش ابن خالتك بالاسلوب ده

وسعي ياخالتو من قدامي خليني اخرج من هنا

متزعلش يابني عشان خاطري وهي في الاول وفي الاخر بنت خالتك ومتربيين سوا اضربها وادبها بس متزعلش نفسك عشان خاطري

ماشي ياخالتي عقليها سلام انا دلوقت

وفي الجانب الآخر كانت ضحى رايحة جاية على البلكونة وحاولت تكلم أحمد على الموبايل كتير وبتلاقيه مقفول ومبقتش عارفة تعمل ايه وفكرت تنزل تدور عليه في كل حتة

...

وشوية

ولقيت باب الشقة بيتفتح ودخل أحمد وهو ضارب بوز جامد

جريت ضحى عليه

انا اسفة ياحبيبي حقك عليا متزعلش مني سامحني بس متسبش البيت تاني ارجوك انا كنت هموت من القلق عليك

انا برضه اللي مسبش البيت امال مين اللي كان بيلم هدومه وعاوز يمشي ويسيب البيت

انا اسفة بقا خلاص سامحني

سيبيني ياضحى دلوقت ارجوكي

ليه يااحمد مش عاوز تصالحني يعني

ياضحى ما كل مرة بتعملي معايا كده وبتتخانقي معايا بسبب الغيرة وفي الاخر بعد ما اصالحك بترجعي تاني لنفس الموال طب اعمل ايه عشان ارضيكي مش عارف والله

انا اسفة بقا خلاص عشان خاطري سماح المرة دي

ولو رجعتي تاني للي في دماغك ده

اممممممم مش هرجع خلاص بقا اعفو عني وسامحني

ضم أحمد ضحى لصدره وقالها خلاص سامحتك ومش زعلان ومش عاوزك تزعلي من واحدة زي دي لأنها لا تعني ليا أي شيء وسامحيني ان كنتي شايفاني غلطان

خلاص ياحبيبي مسمحاك ومش زعلانة ولا حاجة

وعند ياسمين

اااااه ياماما انا يضربني بالشكل ده انا اللي عمر ما حد ضربني كده انا والله ما هسكتله ابدا

كنتي محتاجة القلم ده عشان تفوقي لنفسك شوية من اللي بتعمليه

انتي فرحانة عشان ضربني ياماما

اه بصراحة لأنك مبتسمعيش كلام حد وجايز القلم ده يفوقك

لااااااا انتي فاكراني هعديهاله بالساهل لا ده انتو تبقوا بتحلموا مبقاش ياسمين ان ما دفعته تمن القلم ده غالي اوي اوي

بنت اخرصي بقا انتي محدش قادر عليكي ولا ايه

بقلك ايه ياماما سبيني في اللي انا فيه

ونكمل الحلقة الجاية.....وحشتوني كتير بانتظاركم