حلقات أحمد وضحى بعد الجواز

[Young DeviL]

متيلا بقي اتاخرتي ليه

[طيف عابر]

يالا نمنمة
منتظرين بشووووووووق
والف شكر يا قمرررررررر

[نمنمة المسلمة]

متيلا بقي اتاخرتي ليه

اهو انا جاية اهو متزعليشششششششششششش

[نمنمة المسلمة]

يالا نمنمة
منتظرين بشووووووووق
والف شكر يا قمرررررررر

من عونيا ياحبيبة قلبي نورتيني ياطيوفة والحلقة الجديدة هنزلها حاااااالاً وانتي برضه مش تتأخري عليينا أحمد وبتعة وحشونا ووحشنا نقارهم

[نمنمة المسلمة]

الحلقة التاسعة

أحمد : صباح الخير والنور والسعادة والهنا عليكي ياحبيبتي ...لسة زعلانة مني
ضحى مسكت ايد أحمد وباستها وقالتله : صباح النور ياحبيبي ..لا طبعا مش زعلانة منك انت عارفني انا طيبة وبحبك ازاي ...
أحمد : ربنا يخليك ليا ياحبيبة قلبيوميحرمنيش منك ومن رضاكي عني ده عندي بالدنيا
- بقلك ايه صحيح احنا معزومين النهاردة عن طارق زميلي في الشغل حضري نفسك بقا ياحبيبتي على ما اخلص شغل عشان نلحق نروح ونيجي انتي عارفة طارق ساكن بعييد عننا اوي
ضحى: حاضر يااحمد هجهز نفسي ..بص انت روح شغلك دلوقت وانا لما اخلص شغلي هاجي عليك في الشغل ونروح سوا بدل ما ترجع هنا
أحمد : خلاص ماشي ياحبيبتي هستناكي وخدي بالك من نفسك وانتي جاية
ضحى: حاضر ياحبيبي
وراحت ضحى الشغل لاحمد عشان يروحوا العزومة لكن ياااااااااريتها ما راحت
ضحى : مين البنت دي ؟؟؟؟؟؟؟؟؟؟؟
احمد : ايه ياضحى ياحبيبتي بنت مين دي
ضحى: البنت اللي بصتلك وضحكت دي تبقا مين وبتبصلك وبتضحك ليه
أحمد : ضحى يعني انا مالي دلوقت بصتلي وضحكت ولا بصتلي وعيطتت انا ماااااااالي
ضحى: ياااااااااسلام ما انت لو مش مديها ريق حلو من الاول مكانتش بصتلك وضحكت يااستاذ
أحمد : يلا ياضحى ياحبيبتي هنتأخر على العزومة
ضحى: انت كمان بتطنش كلامي ماااااااشي يااحمد
- وفضلت ضحى طول الطريق مبوزة ومضايقة واحمد بيحاول يصالح فيها برضه مفيش فايدة ووصلوا عند الضيوف وقعدت ضحى مع مرات زميل أحمد وهو قعد هو وزميله بس ضحى كان باين عليها الزعل
هند : مالك يابنتي مضايقة كده ليه
- وحكت ضحى اللي حصل وو...
هند : هو ده اللي مضايقك ده انتي عبيطة والله يابنتي وهو الواد عمل ايه ولا ماله اصلا يعني مش هي اللي بصتله وضحكت
ضحى: يااااااسلام يعني هي هتبص وتضحك كده من الباب للطاق كده مع نفسها يعني
هند : بصي في بنات بتتعمد تعمل كده لما يكون الراجل معاه مراته عشان تعمل فوركيشة وخلاص بطلي انتي بس الغيرة الزايدة عن اللزوم دي متنفعش وهتتعبي قدام منها
وفي الناحية التانية :
طارق : ايه يااحمد شكلك قرفان كده ليه
أحمد : اصل ضحى زعلانة مني ياطارق ومضايقة البت نهلة ياسيدي الغلسة دي وانا واقف مع ضحي لقيتها بصتلي وبتضحكلي قدام ضحي فطبعاً ضحى فهمت الموضوع غلط
طارق : خلاص سبها بكرة تفهم الصح لوحدها
أحمد : يااااااسلام يعني اسبها زعلانة كده واقلها اتفلقي مينفعش يا طارق انت بتتكلم ازاي
طارق : ماهو مينفعش برضه انك كل حاجة تقعد تحايل وتطبطب وتدلع اسلوبك ده صراحة مش عاجبني ماهو انت لو كنت غلطت في حاجة كنت قلتلك ماشي روح صالحها انما انت مغلطتش وكمان يااحمد انشف كده شوية معاها عشان متتدلعش عليك جامد بعد كده ومينفعش انها تفضل مبوزة كده وانتو خارجين على الاقل

- وجه وقت المراويح وسلمت ضحى على هند كتيير وقالتها لينا قعدة سوا تاني ان شاء الله وانتي اعقلي ها
وسلم احمد على طارق ووصاه طارق يتقل شوية
وضحى واحمد مروحين هما الاتنين ساكتين ومش راضيين ينطقوا سوا بأي كلمة بينهم صمت تااااااام
- وضحى في نفسها بتقول : هو مش عايز يتكلم ليه مش المفروض انه يفتح الموضوع عشان يصالحني هو ساكت كده ليه
أحمد في نفسه : اتقلللللل ياابو حميييييد خليك ماسك نفسك المرة دي شوية ومتصالحهاش لانك مش غلطان في حاجة وطارق عنده حق

ونكمل الحلقة الجاية

[قلب الاسد]

احلى حلقات لأحلى عضو رووووووووووععععععععة

[نمنمة المسلمة]

احلى حلقات لأحلى عضو رووووووووووععععععععة

الله يخليكي وتسلمي كتييير لردك ومنورة المنتدى والحلقات ياقمر

[Young DeviL]

ايوا خليهم متخانقين كده وانا انتهز الفرصه واروح اتجوز احمد شايفه دانا حتي قمر اهو يا نمنمه ولا معجبش يعني

كلميها بسرعه واياكي تتاخري تاني

[نمنمة المسلمة]

ايوا خليهم متخانقين كده وانا انتهز الفرصه واروح اتجوز احمد شايفه دانا حتي قمر اهو يا نمنمه ولا معجبش يعني

كلميها بسرعه واياكي تتاخري تاني

آآآه منك انتي يامستغلة عاوزة تستغلي الموقف هااااااااااا لا بعييييييينك انتي طبعا احلى قمر ياحبيبتي واسعدني ردك كتييير وهحاول متأخرش

[sasolly]

تحفه يا اجمل ضحى فى الدنيا كلها ربنا يخليه ليكى ويخليكى ليه.............بس بطلى امص لحسن انتى اماصه اوى اوى وشكلك عاوزه قرصه ودن