حلقات أحمد وضحى بعد الجواز

[jewel_lowis]

انا والله متابعه معاكى
حلقات تجنن
ومتزعليش لو اتاخرت ردودى

بس مين سلمى دى
الى كانت معاهم زمان فى الشغل ولا ايه

[Young DeviL]

ايه دا بقي مين سملي دي

ايه يا بت يا نمنمه ما الواد كان عسل وماشي كويس لازم يعني تطلعي فيه القطط الفاطسه مااااااااااااااشي لما اشوفك بسراعه بقي تعالي انتي والحلقه الجديده

[نمنمة المسلمة]

انا والله متابعه معاكى
حلقات تجنن
ومتزعليش لو اتاخرت ردودى

بس مين سلمى دى
الى كانت معاهم زمان فى الشغل ولا ايه

سلمى دي ياستي .........امممممممم ولا بلاش عشان محرقش الحكاية
منوووووووووووورة انجي والله اانا مش زعلانة انا بس بفتكر ان الحلقات مش عجبتكو ولا حاجة اصل انتي عارفة بقا الحلقات المؤلفة دي بتحتاج لتشجيع أو لإبداء الرأي لأن الواحد لسة مبتدىء برضه وكده منورة ياقمر ووحشاني كتير

[نمنمة المسلمة]

ايه دا بقي مين سملي دي

ايه يا بت يا نمنمه ما الواد كان عسل وماشي كويس لازم يعني تطلعي فيه القطط الفاطسه مااااااااااااااشي لما اشوفك بسراعه بقي تعالي انتي والحلقه الجديده

ماشي ياشيطونة حاضر من عونيا الحلقة الجاية بكرة بقا ان شاءالله وحشاني طلتك مشكورة لردك ياقمر

[jewel_lowis]

سلمى دي ياستي .........امممممممم ولا بلاش عشان محرقش الحكاية

منوووووووووووورة انجي والله اانا مش زعلانة انا بس بفتكر ان الحلقات مش عجبتكو ولا حاجة اصل انتي عارفة بقا الحلقات المؤلفة دي بتحتاج لتشجيع أو لإبداء الرأي لأن الواحد لسة مبتدىء برضه وكده منورة ياقمر ووحشاني كتير

بنورك ياقمر
وانتى وحشانى اكتر والله
وباذن الله هاتبقى مؤلفه اد الدنيا

متابعه معاكى عشان اعرف مين سلمى هانم دى
ههههههه

[-Nona-]

جميله يا نمنمه وتسلمى يا قمر

[نمنمة المسلمة]

الحلقة الثامنة

أحمد : ايه ياحبيبتي اهدي اهدي اهديييييييي ارجوكي اهدي من غير عصبية هو انا عملت حاجة غلط دلوقت مش الكلام كان قدامك
ضحى: سلمي ها سلمىىىىىىىىىىى سلمىىىىىى تاني ها
أحمد : انتي يابنتي اهدي شوية احنا في وسط الناس ضحى اعقلي ياحبيبتي عيب عليكي انا جوزك حبيبك هتجرسينا وبعدين متنسيش انك حامل هو انا عملت ايه بس
ضحى: عملت ايه ازيك يا سلمى ها مااااااااشي ابقا خلي سلمى تنفعك
أحمد : طب منا قلتلها قدامك انا اتجوزت وعقبالك عاوزة ايه تاني بقا اكتر من كده يعني من الاخر بقلها متتصليش بيا تاني
ضحى: ااااااااااااااااااااااه ياني هطق من الغيظ .........وانت اصلا بتقلها ازيك ليه معملتش انك مش فاكرها ليييييييه ؟؟؟ ولا عاوز تغيظني وخلاص
أحمد : ههههههههههههههه انتي تحفة بجد يابنتي اهدي ايه العصبية دي كلها طب استني لما نروح ا لبيت هصالحك
ضحى: انت بتضحككككككككككك بتنرفزني اكترررررر طب اشبع بسلمى بتاعتك دي
أحمد : ياربي وانا عملت ايه بس لده كله .......ضحى بقلك ايه اهدي كده عشان احنا طالعين على مامتك وباباكي انسي الحكاية دي لحد ما نروح وانا لما نروح هعملك اللي يرضيكي
ضحى: ماشي اما اشوف .................
مامة ضحى : مبرووووووووك ياحبيبتي اعقلي بقا كده واركزي الحمل مش عاوز لا عصبية ولا تنطيط وتاكلي كويس و بطلي الريجيم القاسي اللي بتعمليه ده
ضحى : حاضر ياماما
أحمد : اه ونبي قوليلها احسن مش بتسمع الكلام خالص واهم حاجة تبطل عصبية
ضحى: انا عصبية يااحمد انا
أحمد : اهو شوفتي ياماما لسة بنقولها ايه وبتعمل ايه مفيش فايدة
ضحى: ماشي يااحمد ماشي
وبعد ما روحوا البيت
ضحى: يااحمد انت مش قلتلي ان سلمى مش بتكلمك خالص نهائي
أحمد : والله ياحبيبتي ما بكلمها ولا بتكلمني دي اتصلت النهاردة كده من نفسها ولو مش مصدقاني خدي كلميها بنفسك وبعدين مية مليون مرة ياضحى قولتلك ان انتي وبس اللي في قلبي والله وربنا يعلم حتى لو جابولي مين من بنات العالم ده كله هختارك انتي برضه ارجوكي تثقي فيا شوية بقا
ضحى: يااحمد متنساش ان سلمى دي كانت زمان بتحبك واكيد لسة فكراك وبتحاول ترجع الحب القديم فخد بالك من طريقتك معاها لو اتصلت تاني لأن أي طريقة كلام كويسة بأي شكل ممكن تديها أمل تاني وعموما ماشي هحاول اصدق الكلمتين دول بس ليا شرط
أحمد : ياضحى انتي عارفة اني محبتش غيرك حتى لو في حد زمان حبني فانا معشمتش حد بحاجة حتى من قبل ما اعرفك ومرتبطش بأي واحدة نهائي وبعدين قدااااااامك قلتلها انا اتجوزت اعمل ايه تاني بقا ؟؟؟!!!!
ضحى : غير نمرتك دي خالص نهائي عشان البنات القدام ميتصلوش عليك تاني
أحمد : يعني بعد الكلام ده كله مش واثقة فيا برضه مفيش فايدة ياضحى ...مينفعش اغير رقم التليفون عشان زمايلي القدام معاهم الرقم ده بس واغلب الناس اللي بيطلبوني عشان صيانة الكمبيوتر معاهم رقمي ده مينفعش اغيره دلوقت ولو كان ينفع انا كنت غيرته من زمان والله
ضحى : شفت بقا ان انت اللي عاوز البنات يكلموك برضه مفيش فايدةةةةةةةةة
أحمد : والله انتي مجنونة بجد طب اعملك ايه عشان اثبتلك اني بحبك انتي ومخلصلك انتي وبس
ضحى : خلاص متعملش حاجة انا عاوزة انام وتعبانة
أحمد : ماهو انا مش هخليكي تنامي وانتي زعلانة كده
ضحى : خلاص يااحمد انا مش زعلانة انت عارف انا بغير عليك ازاي ومش بستحمل نسمة الهوا اللي حواليك بغير منها انت فاهم يعني بطل تخليني اغير
أحمد : ااااااااااااااااخ ياني طب اعمل ايه بس عشان ترضي عني
ضحى : سبني انام

ونكمل الحلقة الجاية

[نمنمة المسلمة]

جميله يا نمنمه وتسلمى يا قمر

مشكورةةةةةةةة كتيييييييير نونا نورتي الموضوع ياقمر تسلمي حبيبتي لردك

[Young DeviL]

ايه دا يعني هو مش بيحبها طب كويس والله انا بدات احب الواد احمد دا عندك مكان لواحده تانيه مع ضحي؟زوجه تانيه زوجه تانيه مش فارقه

يلا كلميها بسرعه بقي

[نمنمة المسلمة]

ايه دا يعني هو مش بيحبها طب كويس والله انا بدات احب الواد احمد دا عندك مكان لواحده تانيه مع ضحي؟زوجه تانيه زوجه تانيه مش فارقه

يلا كلميها بسرعه بقي

والله عسل ياشيطونة ماشي ياقمر ..........بس لاااااااااااااا زوجة تانية مين دي ضحى تاكله اساسا بس ممكن نفكر حاضر ياقمر هكملها مشكورة كتييييير لردك اللي اسعدني