حلقات أحمد وضحى بعد الجواز

[طيف عابر]

روعه يا نمنمة
الحلقات كلها اجمل من بعض
استمري

[sasolly]

ههههههههههههههههههههه ...........بجد تحفه وجنان يا ضحى بس انتى مالك ومال ياسمين دلوقتى متخلى ياسمين بعيداحسن اجيلك بجد....وانتى عارفه انا ما حصدق لو جبتى سرتى تانى حجيلك بجد

[نوارة]

ايه ده ايه القصة الحلوة دي
استمري

[نمنمة المسلمة]

روعه يا نمنمة
الحلقات كلها اجمل من بعض
استمري

ربنا يخليكي ياطيف ياقمر وميحرمناش منك ومن حضورك ابدا وبانتظار رأيك باستمرار

[نمنمة المسلمة]

ههههههههههههههههههههه ...........بجد تحفه وجنان يا ضحى بس انتى مالك ومال ياسمين دلوقتى متخلى ياسمين بعيداحسن اجيلك بجد....وانتى عارفه انا ما حصدق لو جبتى سرتى تانى حجيلك بجد

ماشي ياعسولتي ربنا يخليكي ليا وميحرمناش من ردك الجميل ومنتظرين رأيك الجميل باستمرار

[نمنمة المسلمة]

ايه ده ايه القصة الحلوة دي
استمري

ربنا يخليكي نوااارة شرفتينا بحضورك ياقمر مشكوورة كتيير كتيير وبانتظارك دوماً

[Young DeviL]

ايه دا يا نمنمه هانم بقي اغيب عنك يومين ارجع الاقيكي خليتي احمد خائن علي العموم هكمل لحد ما اشوف اخرتها معاكي

[نمنمة المسلمة]

ايه دا يا نمنمه هانم بقي اغيب عنك يومين ارجع الاقيكي خليتي احمد خائن علي العموم هكمل لحد ما اشوف اخرتها معاكي

معلششششششششششش بس ليه بتحكمي عليه من دلوقت هههههههههههه اصبري بس معانا للآخر مشرفااااااانا والله تسلمي كتيير

[نمنمة المسلمة]

الحلقة الرابعة عشر (14 )

ضحى منطقتش بأي كلمة انسحبت بكل هدوء وخدت شهد ودخلت الأوضة

وراحت والدة ضحى تستفهم من أحمد ايه اللي حصل ده ومين دي

..والله ياحماتي انا ما اعرف ايه اللي حصل ده على يدك انا واقف في امان الله لقيتها داخلة عليا وعملت كده

ايوة بس دي مين يعني وتبقالك ايه عشان تعمل كده

هي بنت خالتي وكانت في ايطاليا من سبع سنين وكنا متربيين سوا من واحنا صغيرين وعشان كده هي واخدة عليا اوي كده

طب انا هدخل لضحى احاول افهمها احسن دي زمانها بتغلي

انتي هتقوليلي ياماما دي مراتي وانا عارفها كويس انا مش عارف اعمل ايه

ودخلت والدة ضحى عليها

..اانتي بتعملي ايه ياضحى ؟؟؟!!!

... زي ما انتي شايفة ياماما بلم هدومي وجاية معاكو

...انتي عبيطة يابنتي هو انتي عرفتي ايه اللي حصل ولا مين دي عشان تعملي كده وبعدين في واحدة عاقلة تعمل اللي بتعمليه ده تسيب بيتها وتمشي وهو احمد عمل ايه يعني

...انتي بتسأليني ياماما واحدة دخلت عليه وهات يابوس واحضان قدامي وقدام الناس كلها عاوزاني ابقا عادي كده ما ايه ر أيكو اروح انا كمان اخدها بالحضن ليه احنا فين هنا وكمان طلع يعرفها ااااااااااااخ ياني محدش فيكو هيحس بالنار اللي انا فيها

...ضحى انتي مش محتاجة حد يقلك احمد بيحبك اد ايه اكيد يعني وكمان الولد معملش حاجة وحشة في حقك طب اسمعي منه وبعدين نتفاهم

...قلت لا يعني لا انا لا عاوزة اسمع ولا افهم كفاية اللي شفته

..طب ياضحى اطلعي دلوقت علشان الناس اللي برا عيب عليكي مهما كان دول ضيوفكو وجايين عشانكو لما يمشوا ابقي اعملي اللي انتي عاوزاه

..ماشي ياماما بس انتي و عدتيني هعمل اللي انا عاوزاه بعد ما يمشوا

وفتح أحمد الباب ودخل عشان يشوف ضحى

...طب اسيبكو انا بقا لوحدكو شوية وبالهداوة ها متفرجوش الناس عليكو

...ايه ياحبيبتي مالك بس مش تفهمي الاول وبعدين تزعلي

...بقلك ايه لا حبيبتك ولا نيلة انسى خلاص كل اللي بينا انتهى كفاية عليك ست ياسمين

.... ياسمين دي مين دي اللي ممكن تحل محلك ياضحى يابنتي افهمي

مش عاوزة كدب اديني بقلك اهو لو كدبت عليا يااحمد باللي بينا

وانا هكدب عليكي ليه بس وانا عمري كدبت عليكي قبل كده ...ضحى ياسمين دي مش اكتر من بنت خالتي بس قعدت فترة كبيرة برا وده اللي خلاها تعمل كده لما شافتني ادي كل الموضوع

مش قلتلك مش عاوزة كدب واديك كدبت خلاص يااحمد كفاية
ياضحى والله ما بكدب عليكي حرام عليكي بقا انتي عارفة انا بحبك اد ايه

انت مقلتش كل حاجة وهي عرفت منين ان سبوع بنتنا النهاردة وعرفت عنوان البيت منين وكمان لما هي عارفة ان احنا متجوزين وعندنا بنت عملت كده ليه خصوصا انها عارفة انها مش في ايطاليا يعني ولا حاجة

طب ممكن نخرج للناس دلوقت ولما يمشوا هنتكلم في كل اللي انتي عاوزاه

لا لما يمشوا انا كمان همشي

ضحى اعقلي ارجوكي بس تعالي ياماما يلا نخرج دلوقت وبعدين هقولك كل اللي عاوزة تعرفيه

طب اوعى كده سبني انا هخرج بعديك لوحدي

طب ياضحى زي ما انتي عاوزة


وفي بيت ياسمين ....

ايه ياياسمين اللي هببتيه ده في حد يسلم بالطريقة دي على واحد متجوز وقدام مراته ايه انتي نسيتي عاداتنا ولا ايه

ايه ياماما ده حمادة ده احنا متربيين سوا انتي اللي نسيتي ولا ايه وناسية كمان اني بقالي فترة كبيرة اوي مشفتهوش

وايه المشكلة ما كلنا مشفناهوش بقالنا مدة كبيرة اللي انتي عملتيه ده ميصحش ياياسمين ولازم تروحي يوم تاني تعتذري ليه ولمراته لأنك احرجتيه قدام الكل وزمانه زعلان مني ومنك

..طب وهي ليه مراته المتخلفة دي تزعل اوي كده ليه متاخدش المواضيع ايزي ايه الستات المعقدة دي وبعدين مش من حقها تزعل اصلا لازم تفهم اني انا اللي كان المفروض ابقا مراته مش هي ولا نسيتي ياماما

بنت بس متتكلميش في الموضوع ده تاني اقفليه تماما وحسك عينك تعملي مشاكل لابن خالتك مرة تانية

ونكمل الحلقة الجاية

[sasolly]

جنان يا ضحى بجد كل مره بتكتبى فيها جزئيه بحس بجد انك موهوبه واسلوبك مشوووووووووووق مووووووووووت بجد انتى تحفه وروعه