المشاركة الأصلية كتبت بواسطة sasolly
رد مع اقتباسالحلقة الخامسة عشر
وخلص السبوع ووالد ضحى وهو ماشي ادى لاحمد كلمتيناحمد انا اديتك بنتي عشان ارتحتلك متخليش صورتك تتهز قدامي ومتسبهاش زعلانة فاهمني
حاضر يابابا من غير ما تقول انتي متعرفش ضحى بالنسبة لي ايه بس والله انا ماليش ذنب في اللي حصل ده
انا عارف بس انت برضه عارف الستات وتفكيرها لازم تتصرف وتصالحها بأي طريقة عشان الموضوع ميكبرش
ودخل أحمد لضحى
ضحى والله العظيم انا ما ليا ذنب في أي حاجة صدقيني ارجوكي ومتسمحيش لواحدة غريبة عنا توقع بينا
انت لسة مردتش على أسئلتي ارجوك جاوب وبكل صراحة
حاضر ياضحى ...زي ما قلتلك ياسمين بنت خالتي وكنا متربيين سوا من واحنا صغيرين وهي عرفت من خالتي اكيد ان سبوع بنتنا النهاردة وبعدين والله انا ما اعرف انها رجعت ياضحى
احمد انا حاسة بحاجة جوايا ...انت في حاجة لسة مخبيها عليا ارجوك قلي كل حاجة بصراحة
عاوزة تعرفي ايه ياضحى بالظبط
في ايه بينك وبين ياسمين دي وايه العشم الزايد ده
بصي ياضحى بكل صراحة ومن غير ما تنكدي النهاردة وتزعلي ارجوكي ومتنسيش انك لسة والدة ها.....كانوا زمان قايلين ان انا وياسمين هنتجوز بعض وهي كانت حاطة الكلام ده اوي في دماغها ويمكن كانت لاخر وقت حاطة امل ....بس ادي العشم اللي عندها
ياااااااسلااااااااام وليه متقولش كنتوا بتحبوا بعض ومتفقين على الجواز
ضحى والله ما كنت بحبها انا محبتهاش صدقيني جايز هي يمكن تكون حبتني لكن انا لا انا طول عمري وانا عارف ان ياسمين متنفعنيش ياسمين متحررة زيادة عن اللزوم وحياتها مبتعجبنيش ابداً ومكانش ينفع ارتبط بيها من اساسه ارجوكي تصدقيني
اصدقك ازاي بقا وانت كل ما اسئل سؤال الاقيك مخبي حاجة جواك
ياضحى انا مبرضاش اتكلم احسن تفهميني غلط وتزعلي اكتر مقصدش اني اخبي عشان خايف من حاجة مخبيها ضحى ارجوكي تهدي بقا وتصدقيني
وانت محكتليش الحكاية دي ليه من زمان ليه خبيتها عليا
ياضحي عشان الحكاية دي مش في دماغي اساسا وانا لو حكيتلك عليها هبقا بديها اهتمام وهبقا في نظرك بفكر فيها عشان كده مرضتش احكي ...ضحى قوليلي اعملك ايه عشان تصدقي اني بحبك انتي وبس ومفيش ست في الدنيا دي كلها ممكن تملا عيني غيرك انتي
معرفش يااحمد بس موعدكش اني هقدر انسا الحكاية دي بالساهل خصوصا ان ياسمين رجعت
يوووووووووووه بقا
وخرج احمد وهو في قمة الغضب وراح ناحية باب الشقة وعاوز يخرج جريت ضحى وراه
انت رايح فين يااحمد
رايح في داهية عشان ترتاحي ياضحى مني ومن التعب اللي بسببهولك
استنى يااحمد متخرجش انا اسفة يااحمد
ارجوكي ياضحى ادخلي ارتاحي وسبيني اعمل اللي انا عاوزه سلام
ونكمل الحلقة الجاية
وحشتوني كلكو معلش انا متغيبة شوية الفترة دي عشان الفرح قرب عقبال عندكو كلكو يارب واحشني بجد بجدومنتظرة آرائكم
قهوتنا على الانترنت
