مسلسل كوميدى بطولة أعضاء المنتدى ( الحلقة الثانية )

[x×x 7o0odA x×x]

السلام عليكم ورحمه الله وبركاته

النهارده جبتلكم الحلقه التانيه
والحلقه الاولى للى مش متابع


الــحــلــقــة الــثــانــيــة



تريكه : اهدي يا شيكو.فيه ايه بس..
شيكو:شيزو خبطني بالكورة في وشي ..
تريكه : معلش انت الطويل ولد يا شيزومش قولتلك متلعبش بالكورة في الجنينة .
شيزو وهو بيمصمص في صوابعه: مانا اعمل ايه بقي عايز العب كوره و عصام نت واخد الكمبيوتر ومش عايز يلعبني.
تريكه : طيب خلاص اجري يالا دخل البطختين دول جوة .
شيكو: بس قولي يا تريكه ايه الطربوش اللي انت لابسه ده ؟؟
تريكه وقد بدي الارتباك علي ملامحه : نعم ها اه الطربوش لا ابدا اصلهم طلبوني في الخيمة بتاعت الاوبرا وقولت لازم الطربوش علشان وحي القصبجي .
انجى: والله يا تريكه الف مبروك طبعا حاتعزمنا علي اول حفلة .
تريكه : ايه اعزمكوا لا طبعا.... قصدي اه طبعا ..
تريكه بيكلم نفسه: اعزمهم فين بس يادي المصيبة لو حد فيهم اكتشف انا بعمل ايه .
شيكو : هو لسه اد ايه علي الفطار والا الغدا ..
انجى:انت جعان انا حاروح اطبخلك بنفسي ..
شيكو وهو بيصرخ: تطبخيلي لا بلاش تطبخيلي معنديش رصيد اجازات مرضية .
تريكه : انا طالع اريح شوية ..
شيكو : خدني معاك ..
انجى : وانا كمان ماشية ..


المشهد الاول :
التاسعة ص
مطبخ كبير اوي عامل زي المصنع وبنات بتروح وبنات بتيجي و سندس رابطة راسها باشارب وبتزعق..
سندس : يالا يابنات عايزين نخلص الاكل بسرعة ...
ميريت: مستعجلة علي ايه لسه كتير على الغدا
طيف :ياجماعة اللحمة تقريبا مش حاتكفي اعمل ايه ؟؟
سندس : قولي لـ انجى تتصرف من المشرحة مش في بواقي جثة من انبارح .
طيف: لا يا سندس دي قضية شائكة هل يجوز اننا نااكلهم بقايا الجثة قبل ماتتعفن ..
سندس: مش مهم حبة بهارات وتبقي العملية في النملية وبعدين دول تيران ياكلم الظلط.
طيف: لا يا سندس حرام ناكلهم بقايا الجثة طيب والطلبة تذاكر علي ايه .
انجى: واحنا حاناكل معاهم جثث ياي ..
طيف وهي تكشر عن انيابها: جثث ايه ياشابة هو طبيخنا ده صالح للاستهلاك الادمي انا طالبة ديلفري من عند مؤمن .
حودا : وهو بيغنى انا معايا ضفادع كتير للى عايز
ميريت : ضفادع تانى انتى نهايتك على ايدى النهارده
سندس : فى ايه بس يا ميريت
ميريت : ده بياكل ضفادع بجد
سندس : يع ضفادع فين الصراصير بتاعتى يا حودا
ميريت :وهى بتصرخ والله منا واكله
حودا : لا خلاص متزعليش محدش واكل رجل الضفدع المقلبظ دى غيرك
ميريت : ابعد عنى بالضفادع بتاعتك دى
انجى:يابنات هو انتوا خلصتوا حلة الملوخية ؟؟
طيف : ايوة خلصناها بس عايزين حد يشوفلنا الملح مظبوط والا لا .
طيف : عايزين نشوف الملح مظبوط والا لا يابنات يالا حد يتطوع ويدوق ..
يحصل هرج ومرج والبنات بتجري في كل اتجاه ..
طيف: اهدوا بس يابنات في ايه بس ده عمل بطولي وشرف عظيم والل حايقوم بالعملية البطولية دي حانيدله ميدالية شوكة البدنجان .
سندس: ازاي بس واحنا اللى طابخين ندوق ايه ؟
طيف: يابنتي مفيهاش حاجة انتي حاتدوقي بس بطرف لسانك مش حاتبلعي حاجة .
انجى : لا احنا معندناش الا لسان واحد وبعدين العملية دي عايزة واحدة استشهادية .
ميريت وعنيها بتبرق: ايوة هي استشهادية هي.سندس..
سندس: ادوق لا انا عايزة افجر نفسي مش عايزة اموت بالملوخية ..
طيف : يابنتي انتي حاتدوقي بس بعد الغدا لما تاكلي الملخية كلها حاتنفجري لوحدك ..
انجى: خلاص لحد يدوق ولا حاجة هي كدة عاجبهم عاجبهم مش عاجبهم يبقي يروحوا ياكلوا برة ..
يالا يابنات نوضب طرابيز السفرة


المشهد الثاني :
الثالثة عصراً
المكان : حجرة السفرة واعضاء المنتدي كلهم قاعدين مع بعض و على مدكور علي رأس المائدة ..
على مدكور: كل سنة وجميع اعضاء المنتدي بخير وبصحة بالسلامة واللي معندهاش ربنا يرزقها واللي لسه متجوزتش ان شا الله عنها ماتجوزت وخليها كدة لحد ما تعنس واللي ناوية تتجوز تاخد بالها لان الجواز هباب وزفت ..
البنات في صوت واحد : وانت طيب يا على مدكور وربنا يخليك لينا يارب ..
على مدكور: وانتم طيبين يابنات و كل سنة واعضاء المنتدي بخير وسعادة وجمال و الشباب اللي بتدلع تبطل دلع واللي عايزين يتجوزا بقولهم يعرفوا يعني ايه مسئولية الاول واللي مش عايزين ان شا الله برضه عنهم ماعازوا وخليهم كدة لحد ما يموتوا لوحديهم والا عيل ولاتيل ياخد باله منهم واللي بيقعدوا علي القهوة يبطلوا يقعدوا واللي مبيقعدوش ان شا الله عنهم ماقعدوا ..
الولاد في صوت واحد : وانت طيب ياحاج وربنا يخليك لينا ..
على مدكور : وانتم طيبين ياولاد حد جعان يقول( وهو يرمقهم بنظرة نارية ..)
كل اعضاء المنتدي في خوف : لا طبعا جوع ايه احنا اخر حاجة نفكر فيها الاكل ..( يقولوها وهم ينظرون للاكل بحسرة ..)
على مدكور في رضا : طيب كويس ولحد لما تجوعوا أوى هأقولكوا درس صغير
يحدث هرج ومرج وهمهمة في القاعة .
على مدكور بيبرق ليهم وبيضرب بايده علي الترابيزة : بس سكوت مش عايز اسمع نفس .
تيمور: فيه ايه ياحاج انت واخد الموضوع علي صدرك كدة ليه يعني ايه متسمعش ولا نفس مش حانتنفس يعني والا ايه هو انت فاكرنا هنود حاندفن ومش نتنفس ..
تريكه :ماهو ياحاج لو انت كنت ناوي تقولنا درس كنت عملت حسابك انبارح وقولتهولنا قبل ما ننام كان يادوبك لحقت تخلصه علي الغدا

على مدكور: بس ياض منك ليه وانت يابو شعر ولسان طويل انا حاعلمك تتكلم كويس عصام نت هاتلي مقص الجنايني ..
عصام نت: حمامة ياحاج اجيب الفلكة كمان ؟؟ (اصله بيموت فى المصايب وعايز ينتقم من تريكه)
تريكه : خلاص ياحاج انا بهزر حقك عليا ..
على مدكور : وانت ياعم حودا ايه بس ..
حودا : لا ولاحاجة ياحاج ده انت كلامك علي قلبنا زي العسل بس والنبي اختصر علشان نلحق صلاة الفجر ..
على مدكور : لا متخفش انا كمان عايز اصلي العشاء ..
سندس : ياحاج أنا جعانة وانا بقول ناجل الدرس لبعد الغدا ..
حودا بيوشوش سندس : قولتلك تعالى كلى ضفادع مرضتيش
انجى : لا انا عايزة اشوف الماتشات ..( ماتشات ايه ! ! )
على مدكور: مفيش تاجيل ولا حاجة انا حاقول كلمتين كدة وخلاص ..
على مدكور : بسم الله الرحمن الرحيم الحمد لله الذي هدانا وماكنا نهتدي لولا هدانا الله اما بعد ...
على مدكور يتكلم ...
حان الآن آذان المغرب حسب التوقيت المحلى لمدينة القاهرة
على مدكور مازال يتكلم ..
حان الآن آذان المغرب حسب توقيت مدينة بروكسيل
على مدكور مازال يتكلم ..
سندس ..انهارت وحاول كل من تريكه وعصام نت مساعدتها ولكن زغرة من على مدكور رجعتهم لمكانهم ..
على مدكور مازال يتكلم ..
ميريت بتاكل في صوابعها و على مدكور مازال يتكلم ..
انفجرت مرارة حودا
وعلى مدكور مازال يتكلم ..
دقت الساعة الثانية عشر وحان الان موجز الانباء
وعلى مدكور مازال يتكلم ..
تريكه عمال يدور علي شعرة في راسه علشان يشدها
وعلى مدكور مازال يتكلم ..
حان الان موجز انباء الساعة الثانية ..
زلزال يدق اليابان ومصرع عشرين الف شخص ..
على مدكور مازال يتكلم ..
خبر عاجل .. تغيير حكومة نظيف وتعيين حكومة ابو الليف ..
على مدكور مازال يتكلم ..
مصرع مسئول كبير بالحكومة ضربا بالقباقيب ..
يصمت على مدكور....... تتصاعد تنهدات الارتياح ..
على مدكور : انا تعبت حانقف شوية ....
ميريت في لهفة: ايه خلاص ..
على مدكور: لا بس حانقف دقيقة حداد علي روح المرحوم ونقرأ الفاتحة ..
الاحباط علي وجه الجميع ..
على مدكور عاد وتكلم ..
وتكلم ...
وتكلم........
وتكلم............
خبر عاجل انفجار ماسورة الغاز الرئيسية بالعاصمة ..
على مدكور مازال يتكلم ..
على مدكور : بس وفي نهاية الدرس تتعلموا من كلامي ده ان خير الكلام ماقل ودل يعني البنات اللي بترغي تبطل رغي والشباب اللي بيلك يبطل لك ..
تنطلق صرخة من اخر الترابيزة ويصمت الجميع ..

ياتري ايه اللي حصل ؟؟؟
مين اللي اتجرأ وصرخ ؟؟
وياتري الاكل كان ايه علي الغدا ؟؟
وايه رأي الناس فيه ؟؟


خليكم معانا الحلقة الجاية علشان تعرفوا .

[عاشقة الرومانسية]

تسلم ايدك يا حودا
انا اللى عاجبنى انى مصممة على اكل صراصير يع بجد
حودا فى انتظار الباقى
فعلا موضوع شيق جدا
تسلم ايدك وفى انتظارك

[×X× sHeKo0o0o ×X×]

اشــــــــــــــطــــــــ ـــــــز
يا حودا فل عليك
هات بقى الحلقه اللى بعديها
عايزين نعرف ؟؟!
و يسلمووووووووووووو يا غالى على التوبيك الجميل و الفكره الاجمل

[x×x 7o0odA x×x]

تسلم ايدك يا حودا
انا اللى عاجبنى انى مصممة على اكل صراصير يع بجد
حودا فى انتظار الباقى
فعلا موضوع شيق جدا
تسلم ايدك وفى انتظارك

ميرسى يا قمر منوره
ومتخافيش مسيرك هتاكلى الصراصير
هههههههههههههههههههه
شكرا لمرورك يا عثل

[x×x 7o0odA x×x]

اشــــــــــــــطــــــــ ـــــــز
يا حودا فل عليك
هات بقى الحلقه اللى بعديها
عايزين نعرف ؟؟!
و يسلمووووووووووووو يا غالى على التوبيك الجميل و الفكره الاجمل

اشطز يا حبيب هارتى
منور يا مان
وانتظر الجديد

[legendgirl]

هههههههههههههههه
حلو اوووووي يا حودا تسلم ايدك

[x×x 7o0odA x×x]

هههههههههههههههه
حلو اوووووي يا حودا تسلم ايدك

ميرسى يا جميل
منوره المسلسل
وانشاء الله الحلقه الجايه هتاكلى الضفادع
هههههههههههههههههههههههه

[-love-]

ههههههههههههههههههههههههه ه

موضوع فى منتهى الروعه ياحودا



ومستنيه الحلقه الثالث

[x×x 7o0odA x×x]

ههههههههههههههههههههههههه ه

موضوع فى منتهى الروعه ياحودا

ميرسى يا love ربنا يخليكى
وشكرا على الرد الجميل

[طيف عابر]

رائع حودا
تسلم الايادي
ممتعه فعلا