البنات و تعليقاتهم اللي تخنق

[m.chezoo]

- دا بني آدم بارد .
ياعني هو لازم يجي و يقعد يتجمل و يعمل فيها معجب بجمال اللي خلفوكي علشان تحسي بمدى تفوق أنوثتك (المشكو ك في أمرها من كتر مساحيق التجميل) الراجل في حاله و موش بتاع نفاق لازم يعمل فيها الشاطر حسن من الجمالية الي بيعشق ست الحسن و الجمال و ملكة جمال عباس العقاد ؟!2

2-سياسة .... سياسة أيه هو مافيهش غيرها في البلد ؟[
أمال عايزنا نتكلم في أيه آنسه؟ بمانسبة أوضاع بدلنا المستقرة جدا اللي محتاجة على الأقل شوية وعي وسطنا كشباب للي بيحصل في بلدنا علشان الأوضاع دي بقى مابقاش ورانا غير الكلام في الموضة و خطوطها و عرضها و الفنانة دي قالت و دي عادت و دي عامل موش عارف أيه في فستانها و كليب أيه الأخراني ؟! (على فكرة في شباب بردو للأسف بيعملوا كدة أنا مابنكرش بس أنا عن نفسي بشوفهم سلبيين بطريقة فظيعة و مالهمش لازمة في البلد دي)

3- كورة ..... كورة أيه مافيها غيرها بردو ؟
نفس التعليق اللي فات بردو و لو موش عاجبك روحي أشربي من الكولدير

4- أنتوا أيه حبكم في العربيات و الإلكترونيات و الكومبيوترات فاكرين نفسكم عباقرة ؟

طب ما تتنيلي على عينك يا آنسة و تحاولي تعلمي نفسك حاجة ماهم بره في اوروبا بيعملوا زينا و لاد و بنات بدل من الشات على النت من غير لازمة م[]ع صاحبة بتشوفيها طول النهار أو تحميل النغمات من النت علشان الموبيل ما تحاولي تفيدي نفسك و بلاش كلام عن العربيات لأن فيه حكمة مرورية شهير جدا في مصر وهي (3 حاجات لا تمشي و راهم و لا جنبهم و لا أدامهم و هما أتوبيس و ميكروباص ..... و احدة ست)أما الإليكترونيات بأة فدة موش عيب علشان الواحد لازم يفهم الحاجة اللي في أيده و خصوصا لو كانت بتاعته موش عيب يعني موش أحسن مايجيلي رسالة و موش عارف افتحها ؟!!!


5-يااي دا موش جنتل مان خالص !
يعني هو لازم يفرد فلوس محفظتة كلها علشان يعجب جناب فخامة سعادة سيادتك؟ ليه ؟ فاكرة نفسك هند رستم و لا تكونيش فاكرة نفسك أحلى من (هيفاء وهبي) اللي للأسف أكتر من نص شباب البلد فاكرينها حلوة مع أنها من غير علميات و مكياج عاملة زي الجاموسة الدكر! الراجل غلبان و فلوسه على قده يادوبك على قد سجايره و شايه اللي بيشربه فبلاش تنطيط بأة على الناس يا باااااي !

6- دا مبيحبش غير أفلام الضرب و الرزع و القتل

قال يعني أنتوا اللي كلكم بتموتوا في أفلام الرومانسية الجميلة، دا إذا أصلا كان فيه رومانسية عدلة في الأفلام العربي (اللهم بعض الأفلام البسيطة) أنما أنتوا عايزين رومانسية (تمورة حس حس) أو رومانسية الأفلام الأمريكاني و أنا أراهن بكل اللي في جيبي (0.0009 قرش) أن أغلبكم بيتفرج على أفلام الرعب و ماشابها، ما تشوفوا نفسكم الأول و بعدين أبقوا تعالوا اتكلموا.

7- دا موش رومانسي خالص![
يعني هو لازم يجي يقابلك كل يوم بورد و فل و ياسمين ؟ سيادتك فاكرة نفسك مين يعني؟ (مريم فخر الدين) ، و عايزاه يبقى (شكر سرحان) طب أفرضوا أحمد مظهر طب عليكم ؟ هاتعملوا أيه ؟ (نصيحة للشباب الجري كل الجدعنة)
]
8- بيبدي صحابه عليا![
يعني هو الشاب لما يكون واقف مع صحابه عايزاه بنفض للرجالة و يروح يعمل فيها عيل مالوش لازمةو يجري على حضرتك يبدي فروض الولاء و الطاعة ؟ (نصيحة للشباب/ تصاحب راجل، تعيش راجل، تموت راجل، أنما تصاحب ست/ تخسر كل يوم راجل)

9- هو الواد كل حياته أنه يبقى موس في المذاكرة ؟
لا حول الله يا رب يعني الواد الهايف اللي دايما بيلاحقك موش طايقاه و كمان اللي في حاله و عايز يذاكر علشان ينجح و يبقى ليه مستقبل كويس (قال يعني لو نجح هايبقى ليه) كمان موش طايقاه ؟! دا انتوا عالم غريبة أوي !

[طيف عابر]

طيب انا مش هرد
هسيبه ل سندس ترد
اه فينك يا مريومة بس تردي عليهم
تسلم الايادي مصطفى
كنت بمزح
كتير حلو وطريف الموضوع

[x×x 7o0odA x×x]

هههههههههههههههه
تسلم يا حبيب هارتى
نايس توبيك يا مان

[m.chezoo]

طيب انا مش هرد
هسيبه ل سندس ترد
اه فينك يا مريومة بس تردي عليهم
تسلم الايادي مصطفى
كنت بمزح
كتير حلو وطريف الموضوع

انتى عارفه لما تجيبى هيئه الامم النساءيه
لان اتراجع او ازحزح عن موقفى

[m.chezoo]

هههههههههههههههه
تسلم يا حبيب هارتى
نايس توبيك يا مان

تسلملى انت مرورك الكميل
حودا

[لؤلؤة]

مـــاااشي... بقى كدا




متخليناش نحطك في البلاك لِست

خليك حلو كدا والا.........

[m.chezoo]

مـــاااشي... بقى كدا




متخليناش نحطك في البلاك لِست

خليك حلو كدا والا.........

بلاك ايه ياختى
طب خافوا على نفسكوا بقى

[عاشقة الرومانسية]

ايه اللى انت كاتبه ده ؟؟؟
انطق رد عليا مش هامك حاجة ها وعامل فيها جيمس بوند
مش كده ؟؟واول ما تقوم الحرب هاتعملى فيها فرخة مبلوله عندها انفلونزا
الطيور
اخرك على ايدى يا شيزو انا وراك والزمن طويل وهاخد حق البنات فى المنتدى

[m.chezoo]

ايه اللى انت كاتبه ده ؟؟؟
انطق رد عليا مش هامك حاجة ها وعامل فيها جيمس بوند
مش كده ؟؟واول ما تقوم الحرب هاتعملى فيها فرخة مبلوله عندها انفلونزا
الطيور
اخرك على ايدى يا شيزو انا وراك والزمن طويل وهاخد حق البنات فى المنتدى

الله الله
هتجيبى حق البنات على اساس ان انتى الفت اللى فيهم يعنى
عموما هنشوف مين اللى هيبقى فرخه فى الاخر ياكتكوتة

[ساندرا]

انا معك اخى شيزوو ولا يهمك
يسلم ايديك