~¤§¦×÷·.·°¯`·)» ( مذكرات عجوة الحلقة التجريبية الثانية و الأخيرة ) «(·°¯`·.·÷צ§¤~

[AhMeD El-Za3eEm]

مذكرات عجـــــــــــــــوة

الحـــلقــة التجـريبيـــــــــة الثــــــانية و الأخيـــرة

:: تم التعديــل في شكـــل المذكرات حسب اقتراحات الأعضـاء السابقة ::

الساعة: 5:00 مساءا
المكان: بيت عجوة
الحدث: مكالمة مستعجلة من ميدو للسكرتير العام للبطيخ (أنـــا)

تررررن ... تررررن، تررررن .... تررررن

ييييييييييييييييييه مين الغلس اللي بيتصل دلوقتي دا، دا انسان معندوش نظر و لا احساس، يعني هما بيسموه بيت الراحة ليه عشان الناس بترتاح فيه مش الناس تنكد عليها المهم خلصت بسرعة و طلعت و لسه حارد علي التليفون قام مبطل، دا انت انسان معندكش ريحة الدم، الهي ربنا ينفخ في فخادك و يسلخهم امين يا رب العالمين، الهي ..

تررررن ... تررررن، تررررن .... تررررن

قمت رافع السماعة بسرعة و رديت (مين؟!!!) لقيت واحد بيضحك و بيقول ايوا يا عم كريم في ايه؟ و مين ايه؟ مالك؟ المهم ترجمت اللي بيتكلم ميدو فقولتله عايز ايه سيادتك و عرفت الدعوة جت في مين المهم بعد كلام كتير اتضح انه عايزنا نتقابل عشان نحتفل بعودة الزعيم من السفر، فقولتله حاضر يا عم انت و الزعيم دا كمان.

بـــعد 3 أيـــــام

الساعة: 8:00 مساءا
المكان: الوكر علي نفس الترابيزة بتاعتنا و المكان ناااااااااااااااااااااااا ااااار (مش الجو)
الحدث: حمد الله علي السلامة يا زعيم و كلمة المتحدث الرسمي للشله (أنــا برضه)

وصلت انا و ميدو و مستنيين حضرة الباشا يشرف، كل مرة يتأخر كدا دا ايه الواد دا، مهم اوي يا جدعان!!! (طبعا بهزر الزعيم دا حبيبي و روحي روحي روحي و قلبي من جوا) المهم الزعيم وصل و اخدنا بعض بالأحضان و الناس عماله تبص، قمت باصصلهم كدا و قلتلهم بتبصوا علي ايه، واحد لسه جي من الصومال و واحشنا اوي فيها حاجة دي. لقيت الناس بتبص اكتر صومال ايه و مين دا اللي بيتكلم؟ قمت ساحب الكرسي و اعدت احسن، المهم جينا نطلب ... دا طلب حاجة و دا برضه و دا برضه و سمعت ميدو بيطلب (مشروب سان شاين) قولتله ايه ده، دا (لبوسه اسهال دي ولا ايه) قام ضاحك و قايلي (يا عجوة دا مشروب عبارة عن عصير لمون و نعناع و سبرايت مع بعض و شوية حاجت تانية) قمت باصتله بذهول كدا و قولتله ياااااااااااااااااااااااا اااااه دا العلم اتطور يا جدعان، الله يرحم عربية الكبدة يا منجاوي!!!

الساعة: 8:15 مساءا
المكان: ايه الحاجات الحلوة دي ..... نفس المكان انجزوا انا بتفرج
الحدث: جدي الأكبر و كرمله و الكوره

اعدنا و جه (السان شاين) بحاله معانا و الزعيم اعد يحكلنا عن الحوار اللي كان مسافر عشانه و في نص الكلام اعد يحكي عن بنات رومانيا، قمت باصصله كدا و قلتله ياه فكرتني بالذي مضي، قام الزعيم باصصلي و ضحك و قالي ايه انت كنت هناك و لا حاجة؟ قالتله لأ دا جدي الكبير، ياما سافر حتت كتير رومانيا و حلايب و شلاتين و السلوم و جمصه!!!! و لقيت كل اللي معايا عملين يضحكوا و مش مبطلين ضحك، قام الزعيم قايلي "كرمله بطل شغل العجاوي دا" ... حيجي نفس الشخص الرزل بتاع كل مرة و يقولي ( الكورة فين ... قصدي مين كرمله دا ؟ )حاقوله دا الزعيم بيقولي كدا عادي يعني و بعدين برضه ................................. خليك في حالك، قال كورة قال.

الساعة: 8:20 مساءا
المكان: في عالم سمسم ...... أكيد في الوكر يعني
الحدث: انا مش مصدق نفسي، الزعيم ....... لاااااااااااااااااااااااا

حيجي البني ادم اللي معندوش دم و يقولي ايه لااااااااااااااااااااا دي، حاقوله دي انا كنت باخد حقنه خلاص، الزعيم كان متاثر اوي و عمال يحكلنا في موضوع جديد عليا اني اسمعه منه و اشوفه متاثر كدا اوي و زعلان، و الله الواد دا تعب قلبي بصحيح بالكلام اللي عمال يقوله و بعد ماخلص كان دمر القعدة باللي فيها قلت لأ كدا كفايه نكد بقي، فقولت اقول أي حوار يطلعنا من اللي احنا فيه قمت باصص للزعيم و قلتله انت عارف انا مرة حبيت بنت الفران اللي عندنا كان اسمها تقريبا عتريس و لا بتاع مش فاكر، انا الحاجة الوحيدة اللي خلتني احبها ان ابوها الفران حيخلصني لما يكون فيه طابور طويل جدا بس لما مباحث التموين قبضت علي ابوها كنت زعلان جدا ............... زعلان عشان انا .................. زعلان عشان انا اقف في طوابير تاني، و فجأة لقيت الزعيم قام ضاحك و لا كان في أي حاجة حصلت و كله ضحك تاني و كله بقي تمام.

انا دمي خفيف مش كدا، دا علطول ينادوا عليا في الشارع و يقولولي ان دمي خفيف، بس مين مش عارف!!!!!

الساعة: 8:35 مساءا
المكان: عجوة لاند، دي مدينه جديدة حتفتح الحقوا احجزوا فيها
الحدث: عجــوة و ميدو و .... الضيوف و الشعـــــر

بعد ما كل واحد رجع لحالته الطبيعية رجعنا نهزر و نتكلم تاني و لا كان فيه حاجة حصلت، و بعدين و انا بتكلم مع الزعيم و جت سيرة ميدو في الموضوع فافتكرت موقف عمله معايا قبل كدا، و لفيت ليه كدا بطريقه دراماتيكية (يا ولد علي الكلمة) و قولتله فاكر لما اتصلت بيك مرة انا و مشمش و قولنالك ننزل نتمشي قولتلي استني كدا و اعدت 5 دقايق و بعدي قولتلي عندي ضيوف و مش حينفع تيجي، قمت لافف للزعيم بنفس الطريقة الدراميتيكيه (غلطت فيها، مش مهم كفايه مرة واحدة صح) و قولتيله فهمني انت بقي واحد يعد 5 دقايق و بعدين يقولك عندنا ضيوف لييييييييييييه، يعني الضيوف كانوا تايهيين في الشقة و راح جمعهم و لا يمكن يكون ساكن في الاستاد و احنا منعرفش يعني.و احنا اعدين جه واحد صاحبنا لسه حالق شعرة علي الزيرو قمت قايله: يااااااااااااه دا انت بقي نظام لما تروح تحلق تاني تقول للحلاق انت فاكرني انا اللي حلقت عندك من 15 سنه عدت يقوم الراجل يقولك ياااااااااااااااااااااااه هوا شعرك لسه فاكر انوا يطلع تقوم رادد عليه و تقول معلش اصل راحت عليه نومه.

و طبعا اخيرا عرفت هما بيضحكوا علي ايه يعني

الساعة: 8:45 مساءا
المكان: ذكريات عجـــــــوة لاند، برضه مدينه جديدة حتفتح
الحدث: ذكريات محشيه بالمفعول العجاوي الخطير

بعد ما بطلوا ضحك، قولتلهم حاقولوكم علي حاجة جامدة موووت، قالوا قول ادينا وراك .... المهم قلتلهم انتوا عارفيين ان انا باخد كورس كومبيوتر و كان فيه من كام يوم امتحان علي اللي كل اخدناه فـ الحاجة اللي بتدينا و هي بتعلم اجابتي عماله تدي (15/15) ، (10/10) و كدا يعني قولت بقي قشطة و قولتلها ممكن تديني الورقة دي اديها للوالد اصله حيفرح بيها اوي عمري ما جبت الدرجات النهائية كدا .... قامت ضاحكة و قالتلي ياااااا سلام شويه شويه حاديك استدعاء ولي امر ..... و طبعا اعدوا يضحكوا اومال المغزي من الحكايه دي ايه يعني ... حيجي واحد رخم و يقولي ايه هوا المغزي حاقوله اسكت يا بارد.

الساعة: 9:10 مساءا
المكان: لسه في ذكريات عجـــــــوة لاند، برضه مدينه جديدة حتفتح
الحدث: تابع ذكريات محشيه بالمفعول العجاوي الخطير

برضه من الذكريات الجامدة (علي فكرة انا باحكي للزعيم اصله مكنش موجود معانا في الحاجات دي)، ميدو كان عامل حفله عشان اخته نجحت في الثانويه، رحنا احنا هناك و قلتله ايه حتجيب مين ترقص (دينا و لا سنيه المفك) قالي لا دي و لا دي دا شاذلي اللي حيرقص، قمت قايله افادكم الله.... دخلنا في اوده ميدو و شغلنا اغاني و بعدين قالوا المطرب الشاب خالد حيغني قولت يااااااااه دا ميدو طلع واصل اهو .... باشوف خالد دا طلع شاب شبهنا انا كنت بحسبه (بتاع عبد القادر يا) يلا و لسه حيغني قولتله انت بتغني قالي اه قولتله بتغني فين قالي يعني علي ادي، قمت رادد بسرعة طيب انت لو بتروح كباريهات مقضيها طبل و حاظبتك لقيت كله عمال يضحك و الواد بيقولي بجد!!!!!!

الساعة: 9:25 مساءا
المكان: برضه لسه في ذكريات عجـــــــوة لاند، برضه مدينه جديدة حتفتح
الحدث: برضه تابع ذكريات محشيه بالمفعول العجاوي الخطير

برضه من ذكرياتي -- اصل القعدة المرة دي كل واحد ماسكله ودن واحد و عمال يكلمه و انا ماسك و دن الزعيم و هاريها اكل اهو – المهم انا مره انا و مشمش في شارع خالد ابن الوليد و اللي حيسال حاكسر نفس السلطانيه علي دماغه .... دخلنا احنا الاتنين للراجل جوا و كريم قام سائله هو شريط عمرو دياب حينزل امتي؟ فالراجل قاله كمان يومين طلعنا و رجعت وحدي و قلتله هو شريط عمرو حينزل امتي؟ فالراجل استعجب و قالي كمان يومين طلعت و دقيقتين دخلت تاني و سالته نفس السؤال قام الراجل بدء يتنرفز فضلت معاه كدا كتير ......... فضلت معاه 6 مرات و في الاخر طلع يجري ورايا و انا اضحك و الشارع كله بيضحك علينا حتقولولي ليه عملت كدا حاقولوكم ان دا واحد قريبي علطول بغلس عليه بنفس الطريقة...!!!!

الساعة: 9:50 مساءا
المكان: ايضا لسه في ذكريات عجـــــــوة لاند، برضه مدينه جديدة حتفتح
الحدث: ايضا تابع ذكريات محشيه بالمفعول العجاوي الخطير

انا كل دا بحكي للزعيم و هو شغال ضحك ... في يوم كدا انا و مشمش (كيمو) و الشاذلي رحنا الكلية و جينا نشرب من عند حنفيه كدا و لسه حافتحها (هي المفروض الحنفيات العاقله تنزل ميه عادي يعني لتحت) لأ بنت الايه دي ترتشط الميه في وشنا و اتبلينا و الناس اعدت تضحك علينا، قمت قايل بقي كدا طيب، قمت واقف كدا جنبها و قمت قايل (اللهم ما صلي علي النبي) و فاتحتها علي الاخر و الناس كلها اتغرقت و اعدوا يجروا ورانا لغايه المريخ (مبالغة مسموح بيها يعني) بس الحمد لله نفدنا منهم ...!!!

الساعة: 10:07 مساءا
المكان: وكر البطيخ (عشانك يا زعيم)
الحدث: كفايه كدا كل واحد يقوم يروح يلا

لقيت الزعيم بيكتم بوئي و بيقولي كدا كفايه انا تعبت من كتر الضحك و مرهق من السفر و عايز انام فقولتله ما تيجي نروح لأبو عزه قالي فكك انسي مش قادر دا انا يدوبك الحق اروح بالعافيه، دفعنا الحساب و سبنا بقشيش يا غتت ياللي بتقول ما بيسبوش حاجة .... المهم وصلت الزعيم ركب و كله روح، حيجي واحد يسألني هو خلاص كده .. أقوله الحمد لله كفــاية فضــايح أكتــر من كـــده

((( الدروس المستفادة من النهاردة )))


علي فكرة دروس غريبة جدا بس بجد مفيدة و ساعات الواحد بيكبرها و بيقول عادي

• التاخير، احترم مواعيدك عشان الناس تحترمك لو اتاخرت الاحترام بيقل.
• لما تيجي تتصل بواحد اتصل في اوقات الفراغ يعني مش في اوقات الصلاة و مش ساعة الغدا أو العشا اكيد و ما تتصلشي بالليل اوي بعد 10:30 دي اصول و مهمة جدا.
• ما تقضيهاش دعاوي علي الناس عمال علي بطال عشان كما تدين تدان.
• حط دايما حدود لهزارك عشان ما يقلبش يعني لو كنا اتمسكنا في الكليه دي مين عالم.
• خلي حبك طاهر يعني ما يبقاش وراه مصالح زي بنت الفران دي.
• ابعد عن الأتوبيس نهائيا عشان السرقة و حاجاااااااااااااااااااااا اااات.
• أهم حاجة اتاكد من الحنفيه اللي حتستخدمها اصل احنا احلي شعب يبوظ حنفيات ليه محدش يعرف.
• لما تحب اوعي تندم انك حبيت و لو انجرحت اوعي تلوم الحب، لوم الشخص اللي جرحك.

( نهـــــــــــــاية الحلــقة التجريبيـــــــــة )

كتبت بـــواسطة المعلم عجـــــوة كرامل
نشـــرت بواسطــة الزعيـــم
ســاعد في الكتــــابة ميـــدو

:: من فضلــكم .. اذا وجــدت اقتراحات جــديدة قلا تبخلوها علينـــا ::
انتـــــظروا حلقــات المذاكــرات الأصليـــة في 31/1

المعلم عجـــوة كرامــــل
أحمـــــــــد الزعيــــــــــم

[طيف عابر]

كتييييييييييييييييييير ممتعه يا احمد وفعلا قريتها كلها وطبعا احلى ما فيها انها بترسم بسمة على وش اي حد بيقراها وبرضه الدروس يلي حاططها كخاتمة للموضوع فكرة حلوة كتير

[affaan]

لى ملاحظة واحدة فقط هى :
.. تكبير الخط ..

واتمنى لك التوفيق ..

[AhMeD El-Za3eEm]

كتييييييييييييييييييير ممتعه يا احمد وفعلا قريتها كلها وطبعا احلى ما فيها انها بترسم بسمة على وش اي حد بيقراها وبرضه الدروس يلي حاططها كخاتمة للموضوع فكرة حلوة كتير

الحمــــد للــه انها عجبتــك يا طيــف
و عملنـــا بنصيحتــك و قصــرنا الحلقــة حبتيـــن
و علي فكــرة مش أنــا اللي كــاتبها .. دا عجـــوة هو اللي كاتبها بنفســه
و أنــا و ميدو و كيمو كل اللي علينــا اننــا بنسق الأحداق و كده يعني
و ان شاء الله الحلقات لمــا تنزل تكســر الدنيــا
ميرسي يا طيف لمرورك الكريم

[AhMeD El-Za3eEm]

لى ملاحظة واحدة فقط هى :

.. تكبير الخط ..

واتمنى لك التوفيق ..

حــــــــــــــــاضر يا أخ عفــــــــــان
و دي فعــلا كنــا لســه بنتناقش فيـها
عمــــوما شكرا جدا علي مرورك و ردك الجميل ده

[TiMo0oR]

ههههههههههههههههههه

بصراحه مش قادر امسك نفسى من كتر الضحك

تسلم يا زعيم على الحلقه الجميله دى

بس بصراحه طويله اوى

كنت المفروض تعملها على حلقتين

علشان كده فى ناس هتزهق من القراءه الكتيره اوك

[AhMeD El-Za3eEm]

أوكي يا تيمو إن شاء الله من أول الحلقات حنبدأ نقسمها و نصغرها
و كمان حتبقي مرتين أسبوعيا .. يلا خلي الناس تنبسط

[وهج الشمس]

جميله اوى تسلم ايدك يا غالي