تحت شعار (( النداله واجب وطنى !! )) ...

[m.chezoo]

السلام عليكم

من منا فى هذه الفتره من الزمن لم يعش موقف نداله حقيقى
انها ظاهره بدأت ان تزدهر فى الاونه الاخيره و خاصه بعدما بدأ العالم ...


لالا ماتخفش مش حقولك اعرب ما تحته خط و لا اذكر تلاته انواع من انواع النداله



صوره لموقف نداله قلاوظ ..



بصوا بقى يا حلوين
التوبيكـ ده علشان كل واحد يحكى موقف نداله موز

يعنى ندلت مع صحبك او ندلتى مع صحبتك
و ما اكثر مواقف النداله يا اعزائى

يلا بقى علشان ما طولش
عاوز مواقف نداله جامده منكم و بعد كده انا
يعنى بعد ماحد يحكى نداله تفرح ححكى انا
يلا سلاااااااااموز

[طيف عابر]

طيب ابتدي انت

[m.chezoo]

طب وليه الاحراج ده بس ...
عموما استنى بعد الفاصل وراجع تانى

[m.chezoo]

2- فى مره كنت ماشى انا و اتنين صحابى الساعه 2 بنتفسح حبه على كورنيش البحر
لقينا 3 صحابنا تانيين قلنالهم رايحين فييييييييين
قالوا نازلين البحر ده انتوا ربنا بعتكم من السما و مفيش احسن من صحابنا ياخدو بالهم من هدومنا و الشنط بتاعتنا و احنا فى الماايه
طبعا قلنالهم اوكا يلا بينا
نزلنا على الرمله و هما قلعوا الهدوم و حطناهم فى الشنط
و قلنالهم انزلوا و احنا حنستناكم على الرمله هنا بالحاجه بتاعتكم
بس تطلعوا لنا من وقت للتانى علشان لو حنمشى يعنى
قالوا طيب و نزلوا
نص ساعه .. ساعه .. ساعه و نص
و محدش طلع
و صاححبى ابوه اتصل بيه و قالوا يلا تعالى روح انا عاوزكـ
و صاحبى التالت قال انا ما اتغدتش عاوز اروح اكل
و انا الشمس حرقت قفايا
رحت داخل على لسان و فضلت ادور عليهم وسط المايه مش لاقيهم
فخطرت فى بالى فكره جامده جدا
اننا ناخد الهدوم و الحاجه و نوديها فى بيت اقرب واحد منهم ساكن قريب من البحر
و وقع الاختيار على احدهم و اللى كان ساكن فى الدور السااااابع و مفيش اسانسير
ده غير اننا صلا بنمد فى الشارع و بنجرى علشان الطفس اللى معانا و التانى اللى ابوه عاوزه
وصلنا بيت الواد ده
قلت لصاحبى اطلع ادلهم الحاجه
راح الولا طلع السبع ادوار فى رجل واحده
طبعا لازم ينهج من التعب
رن الجرس ابو الواد فتح له
و هو بينهج قاله خد يا عمو دى حاجه ابنك هه هه
احنا سبناهم و جينا هه هه
يلا مع السلام هه هه
و خد السلم فى رجل
طبعا الراجل اتفجع من منظر اللى بينهج و حاجه ابنه و صحابه
راح بلغ الشرطه
و فضلوا يدوروا
و الغلابه التانيين قاعدين بالشورت بس على الكورنيش لحد الساعه 9 بالليل
و بيترعشوا من السقعه
و كل واحد عطس و كح كح
و مش عارفين يرورحوا لانهم حافيين و مش لابسين حاجه فى رجليهم ولا فوق ولا موبايلات معاهم
و الناس تتفرج عليهم
و حالتهم يا عينى بالبلاء
لحد ما قالوا نمشى كده لحد الواد اللى ساكن قريب
راحوا لقوا الحاجه هناك
استحموا و غيروا
و ابوه قاله ماتعرفش العيال دى تانى
و اليوم ده اتكلموا علينا كتير اوى يعنى
حسبى الله و نعم الوكيل حسبى الله و نعم الوكيل
بيتكلموا من ظهرنا
ينفع كده ؟!

[m.chezoo]

يلا بقى انا بدات اهو وكملوا انتوا بقى
عشان اقولكم على باقى اساليب النداله

[لؤلؤة]

تــؤ تــؤ.. يا حرااام

أنا عمري ما اتنادلت غير مع اخواتي بس

وأصحابي لما يدايقوني




وأحيانا الجيران





آا.. وزمايلي الأولاد في الجامعة








يوووه.. كنت هنسى.. خالاتي وولاد خالاتي وخيلاني وولاد خيلاني واعمامي وعماتي واولادهم

[m.chezoo]

تــؤ تــؤ.. يا حرااام

أنا عمري ما اتنادلت غير مع اخواتي بس

وأصحابي لما يدايقوني




وأحيانا الجيران





آا.. وزمايلي الأولاد في الجامعة








يوووه.. كنت هنسى.. خالاتي وولاد خالاتي وخيلاني وولاد خيلاني واعمامي وعماتي واولادهم

هههههههههههه
الحمد لله انى مش من العيله ولا من نفس البلد
وتقولى مش استندلتى
طيب يلا بقى عايزين موقف ندل كده من المواقف بتاعتك

[x×x 7o0odA x×x]

تسلم ايدك يا حبيب هارتى
والله جامد
وشوف المسلسل ده وقولى رايك انا حاطك فيه يا مان

[بيبيتو]

لالالالالالا قول كلام عير دة اتكلمو عليك كمان مالهمش حق خالصصصصصصصصص