ملاحظات علي الإنتخابات الأمريكيه

[Hooba]

ملاحظات على الإنتخابات الأمريكية





واحد : لم ألاحظ أي وجود لقوات الأمن .. أو الأمن المركزي .. أو الأمن الوقائي .. ولا حتى الأمن الغذائي



.. إتنين : لم يكن هناك حبر فسفوري ولا تركواز ولا كل ناخب طالع من اللجنه صباعه متلحوس بالحبر الرهيب اللي ما بيطلعشي من الصباع ولا بالطبل البلدي



تلاتة : مافيش وزير داخلية ولا رئيس لجنة إنتخابات بيعلن النتيجة ..

أنا بصراحة مش عارف النتيجة بيعرفوها إزاي



أربعة : إعلان فوز الرئيس بيتأكد بإقرار المرشح الخاسر بفوز الرئيس .



خمسة : جون ماكين مش هايدخل السجن خمس سنين عشان مش بيزور توكيلات أمريكاني



ستة : مافيش ولا واحد ولا حتى أي جهة متطرفة جاب سيرة تزوير في النتيجة



سبعة : ماحدش جاب سيرة بلطجة ولا حتى خناقة واحدة .. ولا إنه ما أخدشي النص التاني من الخمسين جنيه ...، أنا مش فاهم إنتخابات إيه دي يا خويا



تمانية : الناس إنتخبوا في النهار والنتيجة طلعت بالليل ، كأنها انتخابات نقابة النقاشين



تسعة : الإتنين المرشحين إتصلوا ببعض بالتليفون فور إعلان النتيجه ومبروك يا عم أوباما .. الله يبارك فيك يا عم جون ... إبقي عدي بقي اشرب الساقع



عشرة : ماكانش فيه أتوبيسات بتنقل الموظفين والمواطنين عشان ينتخبوا



حداشر : لم تذيع السي إن إن ولا الإي بي سي أغنيه إخترناك ..إخترناك .. ولا أمريكا اليوم في عيد ..ولا تبقي انت اكيد .. أكيد في أمريكا



إتناشر : مافيش أي حد إشتكى من عدم وجود إسمه في الكشوف الإنتخابية . . ده إذا كان فيه أصلاً كشوف انتخابيه



تلاتاشر : ماسمعتش كلمة بطاقة إنتخابية



أربعتاشر : نسبة المشاركين ستة وستين في المية .. أكتر من مية وسبعتاشر مليون .



خمستاشر : الشبه الوحيد بين إنتخاباتهم وإنتخابتنا تنحصر في أن باراك تعني باللغة السواحيلية

( اللغة الكينية ) مُبارك - معلومة حقيقية

[طيف عابر]

والله ملاحظات روعه هوبا
لانهم فعلا بيهتموا بناسهم ومواطنيهم وبيهمهم رأي الناس لانهم فعلا بينتخبوا عن حق وصح
مقارنة جداااااااااا واقعيه وصحيحة ومش محتاجة تعليق الا انهم بيهتموا بالحيوان عندهم اكتر من اهتمامنا بالانسان عنا
ومواطنهم شيء مقدس
يسلمووووووووووووووو

[احمد التيتى]

ملاحظات دقيقة جدا و خد بالك كمان مافيش لجنة سياسات فى اى حزب و لا فيه جمال مبارك هناك ولا ابن الريس هناك لما جينا واحده من بنات بوش اتمسكت فى يوم بتسوق عربيتها مخمورة و سكرانة اتسحبت رخصتها و اتحبست على ما افتكر شهر طبعا مافيش راجل فى الشرطة كلها ولا فى الداخلية يقدر يوقف جمال مبارك و يسحب رخصته حا يسحبوا هما رخصته فى الدنيا و يرحلوه للاخرة فى اقرب قطر رايح هناك
مشكور هوبا على الموضوع الجميل انا باقلى فترة ما ردتش على مواضيع بس الموضوع دا فعلا اجبرنى انه يكون اول موضوع ارد عليه النهاردة

[احمد حسين]

والله ملاحظات روعه هوبا
لانهم فعلا بيهتموا بناسهم ومواطنيهم وبيهمهم رأي الناس لانهم فعلا بينتخبوا عن حق وصح
مقارنة جداااااااااا واقعيه وصحيحة ومش محتاجة تعليق الا انهم بيهتموا بالحيوان عندهم اكتر من اهتمامنا بالانسان عنا
ومواطنهم شيء مقدس
يسلمووووووووووووووو