صداقات النت ....تجربه

[احمد التيتى]

متميزة دائما طيف فى انتقاء المواضيع
انا يمكن مش رافض كلامك بنسبة 100% لان فعلا الصداقة عبر النت لو ما كانش كلا الطرفين صادقين مع بعض او مافيش طرف فيهم واخد الموضوع تسلية و تعدى يبقى ما تبقاش صداقة و فعلا ممكن تسبب ألم للشخص نتيجة تعلق طرف بالاخر بس زى ما فيه دا فيه برضه صداقات بتستمر و موجودة و ناجحة جدا مش كده و بس كمان فيه حب عن طريق النت و ناجح و انا باتكلم عن تجربة حصلت مع اتنين بنت عرفتها من النت و واحد صاحبى و الاتنين اتعرفوا على بعض و الحمد لله فى طريقهم للجواز قريبا و المواقف دى طبعا بتكون نسبة نجاحها او حدوثها حوالى 5% تقريبا بس موجودة و يمكن عدم نجاح الصداقة عبر النت راجع عموما للشخص او التربية او حتى العادات العربية المتواجده و اللى ممكن تكون لحد دلوقتى رافضة ان تنشأ صداقات عن طريق النت او حتى حب و جواز ما بين ولد و بنت و يمكن راجع زى ما قلت لطبيعة الشخص و ان اخلاقه و تربيته غير مستقرة

مشكورة طيف على موضوعك و يارب انى ما اكونش طلعت من الموضوع

[طيف عابر]

وبعد غياب ارجع والاقى طوفه عامله توبك جميل من توبيكاتها الروعه ...
بس هقولك على حاجة الموضوع واقف على الشخصين وطباعهم واخلاقهم
انا عن نفسى نجحت فى تكوين صداقات كتير جميلة مع ولاد اكتر من بانات ولما بسافر اى بلد بعرفهم وبنتقابل ونقعد وكتير يعرفوه عنى وانا كذلك
واعرف بنات كتيرة برضه كونت صداقات مع بنات وبيتقابلوا فى الصيف وبيرحوا لبعض فى المناسبات
واعرف علاقات برضه كتيرة منجحتش لان اساسها من الاول كان غلط وهدفها اصلا مكنش تكوين صداقه ولا حاجة
فهو الموضوع اصلا واقف على طبيعه الطرفين وشخصيتهم

ربي يسلمك مصطفى على ذوقك في الرد
ممكن طبعا تكون ناجحة ولكن النسبه قليلة جدااااااااا
ممكن طبيعة الطرفين فعلا هي بتتحكم في الامر كله
اتمنى تنجح الصداقه وتستمر وتكون مبينة على اساس سليم وصحيح
يبارك بقلبك

[بسام الصواف]

الاخت طيف اولا وقبل اى احب اوضح حاجة مهمة جدا

انا مش معاكى اطلاقا لان انا كسبت صداقات باعتز بيها جدا جدا من على النت وعامة دى وجهات نظر



بسام الصواف

[Princess maya]

الصداقة لو قوية هتستمر سواء على النت او فى الواقع

[أحمد عمر]

رائع طيف
احجز مكان ولي عودة ان شاء الله لابداء الراي
تسلمي

[حبيبة]

بجد يا طيوفة موضوع متميز زى باقي مواضيعك
وانا عالعموم شايفة ان اي صداقة ليها أسس لازم تقوم عليها عشان نقدر نقول انها صداقة ناجحة ومستمرة وطبعا أكيد اهم هذه الاسس الصدق وطبعا الصراحة والوضوح والامانة ووجود الحب والتفاهم بين الاصدقاء وكمان ان كل صديق يخاف علي صديقه واكيد في اسس ومعانى تانية جميلة ممكن اوى توفر صداقة ناجحة
المهم انا رأيي ان لو توافرت هذه الاسس والمعانى سواء بين اصدقاء عالنت او عالواقع نحكم علي علاقة الصداقة دى انها ناجحة
ممكن انا معاكى ان النت بتكون النسبة فيه اقل بس فعلا ده بيرجع لطبيعة الانسان نفسه واخلاقه
وزى ماانت قلتى كمان

نت === تعارف ثم تكتشف

الواقع او الحياة العاديه ===تكتشف اولا ثم تقرر وتختار

بس برضه قبل الاكتشاف لازم يكون في تعارف زى صداقة النت
ومعنى كده انك برضه بتكتشفى في الواقع وبعدين تقرري أستمر ولا لأ
..............
بس برضه صوابعك مش زى بعضيها
فممكن اوى وده شىء وارد جدا ان تقوم صداقة علي أرض الواقع وكلها غش وخداع وكذب
(فبصراحة أخلاق الانسان هى الفيصل)
وآسفة للإطالة

[طيف عابر]

اهلا طيوفة
يمكن يكون عندك صح
صداقة النت صعبة من اي صداقة وده لسبب واحد
لاننا يمكن ولا حنقدر نشوف بعض ولا نزور بعض وده
راجع لبعد المسافة وعدم التمكن من السفر
وحتى لو اتكلمنا نت فمش بسورة منتظمةولا بوقت اكثر
يعني ممكن تفضل مستني نص النهار وانت قاعد على النت
ولا تجيش صديقتك لظروف طارئة وغصب عنها وده بعد ايه
لما تكوني اتعلقتي بيها ووجودها بقا ضروري
ويمكن تكوني عاملة اف لاين على الناس كلها
لكن لما تيجي الصديقة الي قلبها ارتحلك بدون متحسي
ولا سابق اندار مقدم حتكلميها فورا
مش معنى ده يا طيوفة ان مفيش مشاعر ولا احاسيس
بالعكس هي موجودة ويمكن بكثرة لكن النت
ولا خلاها ولا حيخليها تخرج للدنيا
وياستي الحمد لله ولو انه نت واوقاته محدودة
الا اننا بنصادف ناس يمكن ولا حنصادفهم من غيره
يعني نرضى بشوية دقائق احسن من مفيش
دمتي في تالق طيف عابرررررررررررر

والله كلامك صح شمس وهو كان قصدي فعلا انه البعد ومش دايما موجودين
ممكن تحتاجيهم وما تلاقيهم بوقت حاجتك لهم بسبب ظروفهم
وممكن كمان تحبيهم وتتعلقي فيهم ويحصل ملل وتسيبيهم او يسيبوكي
مع ملاحظة انه البنات بيميلوا للكلام مع الشباب اكتر
والعكس برضه
فهون بتبقى علاقة صعبه ومش ناجحة دايما
عجبتني الجمله فعملتها بخط كبير
تسلمىىىىىىىىىىىىىىى منورة عنجد

[طيف عابر]

صباح النور جميعا

عزيزتي طيف موضوعك فيما لا شك فيه مميز ورائع ويطرح واقع نعيشه

الا وهو صداقتنا عبر النت
الكتير مننا او كلنا كنا ولازلنا على علاقات مع مجموعة من الاصدقاء على النت
مع طبعا اختلاف النهايات فهناك من ينتهى بصدمة ودليت وبعد ذلك يمكن تفقد الثقة فهدا النوع من الصداقات و...........

وايضا هناك صداقات مازالت مستمرة بشكل جيد وان شاء الله تستمر
عزيزتي فالصداقة عبر مثلها مثل الصداقات المباشرة على شرط وجود الصدق في التعامل
طبعا عامل المسافات لايطرح مضكل كبير فربما في يوم من الايام تلتقي بهم ....
بالسنبة الي فانا لي صداقات من على النت ودامت مدة معقولة فهناك التي وصلت الى سنتين وبعضها اكتر وكلها من دول غير المغرب

تسلمي على خربشاتك ياقمر
ويمكن تكون لي عودة لاني لسة صاحية واكيد كلامي داخل فبعضه

الرد وانتي نعسانه
طيب لو صاحيه كنتي عملتي ايه
رد رائع جدا ومقنع لانه منطقي جدا
تسلم الايادي يا قمر واتمنى عودتك طبعاااا

[طيف عابر]

متميزة دائما طيف فى انتقاء المواضيع
انا يمكن مش رافض كلامك بنسبة 100% لان فعلا الصداقة عبر النت لو ما كانش كلا الطرفين صادقين مع بعض او مافيش طرف فيهم واخد الموضوع تسلية و تعدى يبقى ما تبقاش صداقة و فعلا ممكن تسبب ألم للشخص نتيجة تعلق طرف بالاخر بس زى ما فيه دا فيه برضه صداقات بتستمر و موجودة و ناجحة جدا مش كده و بس كمان فيه حب عن طريق النت و ناجح و انا باتكلم عن تجربة حصلت مع اتنين بنت عرفتها من النت و واحد صاحبى و الاتنين اتعرفوا على بعض و الحمد لله فى طريقهم للجواز قريبا و المواقف دى طبعا بتكون نسبة نجاحها او حدوثها حوالى 5% تقريبا بس موجودة و يمكن عدم نجاح الصداقة عبر النت راجع عموما للشخص او التربية او حتى العادات العربية المتواجده و اللى ممكن تكون لحد دلوقتى رافضة ان تنشأ صداقات عن طريق النت او حتى حب و جواز ما بين ولد و بنت و يمكن راجع زى ما قلت لطبيعة الشخص و ان اخلاقه و تربيته غير مستقرة

مشكورة طيف على موضوعك و يارب انى ما اكونش طلعت من الموضوع

والله احمد كلام جميل مقدرش اقول حاجة عنه ورد تمام ومية مية
الف شكر على اهتمامك ومرورد
تسلم الايادي يا رب

[طيف عابر]

الاخت طيف اولا وقبل اى احب اوضح حاجة مهمة جدا

انا مش معاكى اطلاقا لان انا كسبت صداقات باعتز بيها جدا جدا من على النت وعامة دى وجهات نظر



بسام الصواف

ممكن برضه ومتنساش كل انسان وتجربته
ممكن انت لقيت وانا ما لقيت لكن اتوقع اني الان لقيت وما بعرف بتستمر او لا
الف شكر على مرورك بسام
دوما بيسعدنى تواجدك