امتحانات الثانوية العامة 2008

[احمد التيتى]

السؤال الأول: التعبير
اكتب ما لايقلعن 650 سطر فى أحد الموضوعات التالية
لم يجد الطفل غير الشارع ملجأ نظرا لحالة البلد ..فاتجه إلى السرقة والقتل والحشيش.. حتى نال جزاءه وقبض عليه متلبسا بباكتة بانجو.. اكتب قصته مع تسليم الحِرز للباشا مراقب اللجنة

شهدت بلدنا الحبيبة نهضة فى مجال التشييد والبناء وخصوصا بعد وصول سعر الحديد إلى 6500 جنيه للطن.. اكتب ما يمليه عليك ضميرك على أن يبدأ موضوعك بعبارة أنا باشتغل فى حديد عز

بعد انتشار ظاهرة أكل لحم الكلاب والحمير..من وجهة نظرك تكلم عن هذه الظاهرة ومن المتسبب فيها بدون غلط..الورق متراقب
ـــــــــــــــــــــــــ ـــــــــــــــــــــــــ ـــــــ
السؤال الثانى: القصة
من قصة ' وعهد الله ما انت داخل الانتخابات' .. اقرأ القطعة وأجب عن الآتى
ثم أتى إليه وضربه بالجزمة وقال: انت عايز تترشح فى الانتخابات ؟؟دانت عايز معجزة..مش كفاية بتاكلوا لحمة ومستورين.. عايزين إيه تانى؟

ما هى اللحمة؟ أو على الأقل حدد أقرب معنى خيالى لها

مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟
أهو كسل .. لسة هيرفع العصاية؟ - عشان العصاية قلة قيمة برضه واحنا فى عصر الديمقراطية– عشان العصاية شغالة بس مش فى الضرب.. افهم انت بقى اختر

حلل بمزيد من التفصيل جملة ضربه بالجزمة ومدى توافقها مع جملة مصربتتقدم بينا
ـــــــــــــــــــــــــ ـــــــــــــــــــــــــ ــــــــــ
السؤال الثالث القراءة
من موضوع ( الزعيم..والفنان.. والقدوة) اقرأ القطعة وأجب
وقد نفى الزعيم عادل إمام الإشاعات التى أكدت أنه مرشح لوزارة الثقافة.. وأكد أنه فنان فقط وليس سياسياالخبر حقيقىكما أنه يرحب بالتوريث ومقتنع بكل سياسات الحكومة

فى رأيك هل يصلح عادل إمام لوزارة الثقافة أم لوزارة الصناعة باعتبار أنه صرح فى فيلم السفارة فى العمارة أنه بيحب المَكَن؟؟

دخل كاتب هذه السطور مسرحية بودى جارد للزعيم رغم قرفه منه أساسا.. فى رأيك ما السبب فى دخوله؟

أكيد معزوم – طبيعى معزوم – وربنا معزوم.. اختر على أن تضع إيدك على المصحف وانت بتحلف للمراقب بتاع اللجنة
ـــــــــــــــــــــــــ ـــــــــــــــــــــــــ ــــــــــــ
السؤال الرابع النصوص
أجب عن أحد النصين الآتيين
من نص ( ماشربتش من نيلها)..اقرأ ثم أجب
ماشربتش من نيلها.. جربت تغنى لها.. جربت فى عز ماتحزن تمشى ف شوارعها وتشكى لها

بعد رغبة صاحبة النص فى أن تلد ابنتها فى أمريكا لتحصل على الجنسية الأمريكية..اختر..ما المقصود بنيلها فى النص؟

المسيسبى - الأمازون – يونج يانج

هذا النص من نصوص الحزب الوطنى والدليل وجود اسم مهم من قيادات الحزب فى النص.استخرج الاسم..وبوسه ورجَّعُه مكانه

أكمل الأبيات إلى آخر كحكة فى الكليب

قوبل النص بانتقادات بسبب بعده عن الواقع..وضح من النص ما يتفق مع القول المأثور اطبخى ياجارية ..كلف يا سيدى
ـــــــــــــــــــــــــ ـــــــــــــــــــــــــ ـــــــ
من نص (حين ميسرة)..أجب عن الآتى

اذكر اسم مصيبة واحدة محصلتش فى النص الأسود ده

وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى

سبب وجود الشرطة كل خمس دقائق فى النص

موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النصاختر
ـــــــــــــــــــــــــ ـــــــــــــــــــــــــ ـــــــــ
السؤال الخامس النحو

أعرب ما تحته خط.. لو مالقيتش القطعة أصلا ..اتصرف

ذهب الرئيس إلى المؤتمر .. ضع الجملة السابقة فى صيغة المثنى.. ماعدا الرئيس طبعا ياكلب

كان ممدوح إسماعيل قاتلا .. ضع إن مكان كان.. على ألا تنصب ممدوح.. عشان هوه بينصب لوحده

فُرِضت الضرائب علينا ببشاعة ..أعرب الجملة .. وارفع الضرائب أبوس إيدك
ـــــــــــــــــــــــــ ـــــــــــــــــــــ
السؤال السادس الخط

كوز المحبة انخرم..طرطش على كمى

اكتب الجملة السابقة ثلاث مرات بثلاث خطوط.. موبينيل وفودافون واتصالات..كما يمكن التحويل من خط لخط بنفس الرقم.. فقط اتصل بخدمة العملاء

[طيف عابر]

ما هى اللحمة؟ أو على الأقل حدد أقرب معنى خيالى لها
مرادف معجزة فى اللغة ( تغيير وزارى – زيادة المرتبات – رغيف العيش) اختر يا مقلول البخت

لماذ ضربه الرجل بالجزمة وليس بالعصى مثلا؟؟

حراااااااااام عليك
بدك تودينا بداهيه
اللحمة اختراع بنشوفه بعيد الاضحى وخلاص كفايه
ايه
الشعب العربي طماع
والله اللحمة عنا غاليه كتير يا احمد
منحول نباتيين احسن

تسلم الايادي احمد
انا لا ارى لا اسمع لا اتكلم
ومعرفووووووووووووووش نداله بئة

[احمد التيتى]

اخص هى بقت كده و بقى فيه ندالة و ما اعرفهوش اخر ما كنت اتوقعه منك يا طيف دا نا كنت مفكركم انتم اللى حاتقفوا جنبى لما اتمسك ههههههههههههههههه
مشكورة طيف على مرورك

[No TiMe]

من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النصاختر


ا لحته دي جامده تسلم يا غالي تمثيل بقي او علي قولتك او قوله الامتحان ارهابي تسلم يا جامد

[ساندرا]

حلو الامتحان وبسيط ممكن اجيب في علامه كلمله
جزاك الله خيرا اخى احمد

[jewel_lowis]

ايه يابنى ده
ههههههههه
بص هو شبه مذكرات الامتحانات الى كنت بتعملهالنا
هههههههه

منورنا والله يااحمد
يارب نشوفك كده دايما على طول

بس امتحان جامد بصراحه
تسلم ياباشا

[احمد التيتى]

من نص (حين ميسرة)..أجب عن الآتى
اذكر اسم مصيبة واحدة محصلتش فى النص الأسود ده
وضح عبقرية أحمد بدير الإرهابى فى النص وهو يكتب رسالة على الكمبيوتر باستخدام أزرار الأرقام فقط ومفيش حروف.. ويعطى أمر التنفيذ بزرار قايمة ستارت مش بإنتر.كمبيوتر إرهابى بقى
سبب وجود الشرطة كل خمس دقائق فى النص
موسم ترقيات عقبال أملتك ولازم شغل – أخو خالد يوسف ظابط ولازم يخدم أخوه – عشان الشرطة بتراقب قسم البوليس اللى جنب أحداث النصاختر


ا لحته دي جامده تسلم يا غالي تمثيل بقي او علي قولتك او قوله الامتحان ارهابي تسلم يا جامد

مشكوريا باشا على التعليق و الرد و حلو على فكرة اسمك على المنتدى مصرى و لو قتلونى انتماء جامد جدا للبلد انت مسنود ولا ايه اوعى تكون من اعضاء لجنة السياسات ههههههههههههههههه

[احمد التيتى]

حلو الامتحان وبسيط ممكن اجيب في علامه كلمله
جزاك الله خيرا اخى احمد

ههههههههههه مشكورة ساندى على ردك و بدين دا امتحان اقل كتير من قدراتك و ذكائك طبعا لازم تجيبى فيه علامات و الدرجة النهائية كمان

[احمد التيتى]

ايه يابنى ده
ههههههههه
بص هو شبه مذكرات الامتحانات الى كنت بتعملهالنا
هههههههه

منورنا والله يااحمد
يارب نشوفك كده دايما على طول

بس امتحان جامد بصراحه
تسلم ياباشا

اهلا انجى هانم ماشى يا ستى انا مذكراتى كانت كده ههههههههههههههههالحمد لله كانت ايام و عدت
و المنتدى منور بكم كلكم و مشكروة على مرورك و ردك

[Princess maya]

الامتحان جايب كل فساد البلد اقصد عناصر المنهج