بالله قولوا لى يا اخواتنا مين المُستفيد

[misterattia]

الرجوله بور سعيد
البطولة بورسعيد
الكرامه بور سعيد
الشهامه بور سعيد
ثالث مدينة ف اقتصادها
دايما كريمة
مع كل واحد يوم قصدها
دايما تشارك
كل الناس ف زادها
ربنا انعم عليها
وبكل خير
من فضلُه زادها
لو مرة تسأل ع الرجوله
على طول هقولك
الرُجوله من ولادها
طول عُمرها شُعلة نشاط
ولاعُمرها استحلت رُقادها
طول عُمرها تعشق خواتها
طولع عُمرها تنسى ذاتها
ولامره شافوا يوم عِنادها
طول عُمرها صاحبة الرأى الرشيد
الرجوله بور سعيد
البطولة بورسعيد
الكرامه بور سعيد
الشهامه بور سعيد
يا كل شاب وكل شابه
كلمة لوجه الله
وف قلبنا ليكو المحبة
الصبر حَبَّه
اللى يغلط لازم عِقابه
ولاحد يزعل ع اللى صابه
ولاحد ينصُر الغلط ويفرد شِنابه
ولاحد يظلم يوم برىء علشان جَنابُه
لو اللى مدبوح من بور سعيد
كنتو ترضو حد يعمل
بالشكل ده ف احبابُه
دا عدل وقرار قُضاه
وحُكمهم طول عُمرنا نرضاه
طول عُمرنا بنخاف الله
ولو غلط نفهمه
وطول عُمرنا نقراه
كان لزمته نحرق ونقتل
كان لزمته يوصل غضبنا لمنتهاه
كان غلط ودا عقابه
واللى يزرع غلط يلقاه
لو حد يعرف شىء جديد اِعلنوه
واللى غلط يالا افضحوه
لجل نعرف كُلنا
مين البرىء ومين ظلموه
والله نفس قهركم
حسينا بيه وبنفهموه
من عندنا جات الجثث
جثه لشاب
فى عُر الزهور
تقدروا تقولوا لنا مين قتلوه
وبأى ذنب
حزن أُمه وحُزن أبوه
لو فيه دليل للبراءه قدِّموه
ليه تِخفُوه
مفيش دليل
لويتعدم مذنب
ليه تزعلوا وحلم البلد
عايزين تحرقوه
اللى ما ترضوش لنفسك
عايزينَّا كُلنا نرضوه
العقل يا ولاد البواسل
مصرنا راح تندبح وتتوه
لصالح مين
بالله قولوا لى يا اخواتنا
مين المُستفيد
الرجوله بور سعيد
البطولة بورسعيد
الكرامه بور سعيد
الشهامه بور سعيد
---------------

[Young DeviL]

لو حد يعرف شىء جديد اِعلنوه
واللى غلط يالا افضحوه
لجل نعرف كُلنا
مين البرىء ومين ظلموه

كلمات رائعه تسلم ايدك
ياريت فعلا كلنا نفهم ان بورسعيد باختصار مصريه مننا ومنهم ولازم كلنا نرضي بقرار القضاء ولو كان ظالم نقدم اللي يثبت دا
بس في ملحوظه صغيره لو دا من ابداعات حضرتك اطلب من المشرفين ينقلوا الخواطر لقسم الابداعات مش الاشعار والخواطر