اولا ربنا معاكى يا ياسمين انتى بجد اتحطيتى فى موقف صعب جداً وأتعذبتى كتير أوى وكل التعب اللى شوفتيه معاه خلال7 او 8 سنين
مش حاجه جمب ليلة زواجه وتخليه عنك ، وفعلاً هو كل دة مكنش بيحبك وصح هو كان مجرد متعود على واحدة مهتمة بيه
ودة ممكن يكون مرض عنده انه بيعزك اه او بيحبك بس لمجرد حنيتك وحبك ليه وخوفه عليك ، لكن حب اللى كان نفسك يكون بيحبه ليكى
زى ما انتى بتحبيه للأسف لأ .
كمان فى حاجه ان الموضوع كله بدأ زى ما بتقولى من وانتى عندك 17 سنه يعنى كنتى لسه صغيرة مراهقة وبداية حياة جامعة جديدة
فممكن يكون ان الموضوع كله كان غلط لانك اتعلقتى بواحد وانتى لسه معندكيش المؤهلات اللى تخليكى تختارى إنسان يناسبك ويستاهل يكون زوج ليكى
أنا أسفه انى اقولك ان ممكن يكون اللى انتى كنتى فيه دة مش حب حقيقى ، هتقولى دول 7 او 8 سنين
هقولك فى ناس حبت 6 سنين او اكتر او اقل بارضو من السن الصغير اللى مبيقدرش فيه يحدد ويختار صح
وكانت النتيجة الفشل لان الاتنين كانوا لسه مش فاهمين الحياة ولا الحب صح وبيختاروا بقلبهم مش بعقلهم وقلبهم سوا
وبعد كدة اتاكدوا ان اللى كانوا فيه دة مش حب بجد كان حب مراهقين او حتى لو كان حب حقيقى فهو مبينى على عواطفهم مش اكتر
وهو لو كان ألتزم فعلا والله اعلم بيه كان حاول حتى لو مش عايز يرتبط بيكى او انه شاف انه مش موافق انك تكونى زوجة ليه انه على الاقل
انه ميحاولش يتصل بيكى ويقولك انه لسه بيحبك ويعذبك اكتر .
وربنا يرزقك باللى احسن منه ان شاء الله وهو اللى يكون بيموت فيكى وفى التراب اللى بتمشى عليه لان دة ميستاهلش بس اى حب منك
والحمد لله انه مرتبطش بيكى لانه كان هيتعبك والله اعلم لانك انتى اللى بتنفذى وبتسمعى ليه وبترجعى له دايما وهو لأ فكنتى ممكن تتذلى
وربنا يوفقك يا قمر وحاولى تنسى