ارجوكم ساعدونى انا محتاجكم اوى
رد مع اقتباس
انا مش عاوزة ارد عليكي رد يكون قاسي اوي ويجرحك اكتر بجد انا مش عارفة اقولك ايه بس انتي في كلامك رديتي على نفسك معلش سامحيني ازاي واحد يسيبيك ويرجعلك ويسيبك ويرجعلك بتاع تلاتين اربعين مرة وانتي برضه تلتمسيله الاعذار ازاي وبعدين التزم زي ما بتقولي ورجعلك اول حاجة تتعمل بعد الالتزام والطريق والخطوة الصح انه يجي البيت ويتقدم رسمي .....لكن متاخدتش الخطوة دي وغير ده وده هو مراعاش وقوفك جمبه طول الفترة دي وحبك ليه ....وباعك بكل سهولة يرجع ويروح ويرجع ده انتي لو وقفتي بينك وبين نفسك دقيقة واحدة كنتي هتتأكدي انه مبيبحكيش او انه اتعود عليكي مش اكتر زي الطفل اللي بتكون عنده لعبة بتاعته وطول ما هي قدامه سايبها وراميها حد يجي ياخدها او تروح من قدام عينه يعيط ويقعد يدور عليها سامحيني متزعليش مني ان كان كلامي قاسي عليكي بس بجد متنرفزة من البني ادم ده جدا ... اللي بيحب بجد عمره ما يستحمل دمعة واحدة من عين اللي بيحبه تنزل ولا انه يجرحه كده ....الحب اللي بجد هو فعـــــــــــــــــــــــ ـل مش كلمة تتقال في قعدة رومانسية وتتفض وكل واحد يروح بيته الانسان اللي تطلع منه كلمة بحب لازم يكون ادها مهما حصل وقبل ما يقولها يعمل حسابها ميظلمش واحدة معاه على الفاضي .....وغير كده وكده ده جارك يعني لا راعى انكو جيران واحترمك وملعبش بيكي ولا راعى انكو كنت زمايل حتى في كلية واحدة .....وعايزة اقلك حاجة مش كل الناس كده ولا كل الرجالة كده بس الدنيا اللي احنا عاييشين فيها عاوزة اننا نكون حريصين جدا ومنثقش اوي في اللي قدامنا الا لما ياخد خطوات فعلية وخلي قدامك دايما الكلمة دي " الحب مش بس كلام ده فعل واقدام "ومش عاوزاكي تكوني زعلانة خليكي معانا دايما هنا واحنا كلنا اخواتك وصحباتك ولو احتجتي اي شيء قوليلنا على طول واسألينا ومنورة المنتدى ياقمر
واوعى تحطي في نفسيتك ولا تكوني زعلانة الصفحة دي اطويها من حياتك ومترجعليهاش تاني وابداي حياتك من جديد وتأكدي انه مكانش خير ليكي وربنا شايلك الاحسن قدام وبكرة تشوفي بنفسك
ومستنية اسمع عنك اخبار كويسة على طول وربنا معاكي يارب ومتزعليش من كلامي
قهوتنا على الانترنت
خليكى عنك امال فى بكره 
